علمتني الحياه

09/07/2023

قاعدة اساسية في حياتك اوعي تنساها...👌
الانسان لو أتمكن منك وضمنك في ايده بيفتري
يعني انت كل ماتديله اكبر من حجمه وتبينله انه أتمكن
من مساحه كبيره جواك متزعلش لما يفتري عليك
لأن الإنسان مبيحبش غير نفسه وكله بيقول نفسي ثم نفسي.... طبعا الا من رحم ربي
عارفين ليه الفسيخ عندنا اغلى من السمك عشان احنا الشعب الوحيد اللي بندي للمـ ـعفن تمن....✋z

09/07/2023

‏لا تستخدم غيابك وسيلة لتجبرهم للسؤال عنك !
ف للغياب كبرياء !
من لا يقدر حضورك ! لن يشغله غيابك...... ❤️z

09/07/2023

"‏ تعرف أمتى أصلك وتربيتك لما يكون بايدك تضر اللي آذاك ، بس أنت مصمم تبقى أنضف منه " !👌z

15/05/2022

12/05/2022

" طول ما انت عايش هتفضل تتعلم "

هتتعلم إن مش كل حاجة حلوه لازم تدوم... هتتعلم إن في ناس هتكون مراحل في حياتك هتيجي لغرض يعلمه الله وهتمشي ..هتتعلم مين إللي تبكي على كتفه وهتتعلم إن سعات لازم تمسح دموعك بإيدك انت وبس..

هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وخذلتك وهتتعلم من إللي إنت جرحتهم..وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..

هتتعلم يعني إيه ثقة ويعني إيه جدعنه واصول والدروس دي هتتعلمها من الخاين والندل وقليل الاصل قبل الصاحب الجدع ابن الاصول.. هتتعلم إنك تعيش بشوية تشوهات جوا نفسك بس عادي ،مش عادي !! كله خير..

هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..

هتتعلم إن في ناس في حياتك مينفعش تسيبها لازم تتبت فيهم بإيدك وسنانك علشان الناس دي مبتتعوضش..وهتتعلم إنك سعات لازم تفتح الطريق للي عايز يمشي..وإنت قلبك راضي وماشي في سكتك..

ومن أكبر الحاجات الي لازم تتعلمها إنك تسامح نفسك وتسامح إللي حواليك..وتتعلم إن أكبر كنز لك هي أعمالك الخالصة لله..وإن كان اتكتب عليك تعافر..ف ربنا يكتب لك إنك تعافر في السكة الصح ومع الناس الصح وعلشان الهدف الصح !!

"دمتم بتتعلموا "