16/05/2017
الطباعه المائيه احدث تكنولوجيا الدهانات ، وهى عباره عن دهان زى الدهان الدوكو بس بيكون على شكل اشكال مش الوان ساده ، واشهر الاشكال بتكون فى الكربون او الابانوس اللى بيكون ف الدواخل ، وبيكون متوفر اكتر من 200 شكل عالمياً مختلفين.
- الطباعه المائيه بتقشر او بتتشال بسهوله؟
الطباعه المائيه دهان زى الدهان الدوكو بظبط ، وبياخد نفس خطوات وتأسيس الدهان الدوكو ، يعنى مش بيتشال بسهوله ولا بيتقشر لانه مش استيكر ، دا دهان بس من عن طريق المياه وبأشكال مختلفه.
- ايه الخامات اللى تنفع طباعه مائيه؟
اى خامه مهما كانت تنفع ماعدا القماش والورق ، يعنى ينفع : المعادن ، الالوميتال ، النحاس ، الاخشاب ، البلاستيك ، الفايبر ، الجبس ، الفخار ، الزجاج ، الجلد .. إلخ
- الطباعه المائيه بتتوظف ازاى فى مجال العربيات أو الموتوسيكلات؟
فى مجال العربيات / أى جزء قابل للفك فى العربيه ينفع يتعمل طباعه مائيه ، كمثال : الجنوط ، الكبوت ، الشنطه ، الرفارف ، الاكصدامات ، الكساحات ، الزوايد ، السبويلر ، الشبكه ، المرايات ، التابلوه ، اى قطعه داخليه فى الصالون قابله للفك .. إلخ
فى مجال الموتوسيكلات / أى جزء قابل للفك ف الموتوسيكل ينفع يتعمل طباعه مائيه ، كمثال : الرفارف ، التانك ، الشكمان ، التوب ، الديل ، الجناب ، المرايات .. إلخ
الماده المذيبه لأفلام الطباعه المائيه (Activator)
