15/05/2024
مساء الخير على أعضاء الصفحة الكرام ولكل زائر لصفحتى💜
بتسأل كتير جدا ليه برفض تصوير اى عروسه هتتصور بشعرها او هتبين جزأ من شعرها ونص حجاب والكلام ده
رغم ان ربنا هيحاسبها هى وانا هتقاضى أجرى وخلاص
فأنا برفض لأسباب كتير جدا
👈🏻 اولا فكرة توثيق اليوم لكلاينت بالوضع ده عباره عن سيئات جارية لكل حد هيتفرج على الصور دى
👈🏼 كلاينت سمح لزوجته تكون قريبة بما فيه الكفايه لراجل يعملها شعرها وده المعهود حاليا او حتى عملته عند بنت لكن النهاية الأمر واحد والكل شاف شعر زوجته وعرف طوله ولونه واتفرج عليه رغم ان شرعا ميبانش غير الوجه والكفين فـ ده مش الكلاينت اللى بدور عليه وطالما كده كده الكل هيشوف شعرها فمش هتيجى على الفوتوجرافر😅
👈🏼كلاينت بينت شعرها رغم انها مححبه وشايفاه عادى فهتنزل صورها فيس وانستا عادى وطبعا ليا جزأ من السيئات بتقاسمها معاها بحكم كونى اللى وثقت الصور دى
👈🏻 لا أخفيكم سرا مش دول الكلاينت اللى بدور على وجودى فى وسطهم وحقيقى الانسان مبسوط بوجوده فى وسط فئة المنتقبات والمحجبات ويا حبذا لو كانت من غير ميكب واتخذت ربها رقيبا عليها حتى فى اهم يوم فى حياتها وحرصت على ارضائه وبيكونوا دول العرايس الأقرب الى قلبى 🌸
فالحمد لله على نعمة وجودى مع عرسان غيورة على زوجاتها حتى لو كان بيرفض نزول الصور وهى بكامل حجابها ونقابها على صفحتى الا إنى بحترم رغبتهم فى كده ويكفينى مكسب وجودى مع عرسان يبتغون مرضاة الله
