01/05/2026
الفترة دي بقيت بتعامل بمبدأ: “أنزلوا الناس منازلهم”
يعني كل واحد يبقى في مكانه الصح، من غير ما أزوّد، ولا أدي حد أكبر من حجمه.
بقيت أتعامل مع الناس بالعدل مش بالفضل، يعني لا ببالغ في الاهتمام، ولا بدي من قلبي زيادة للي ما يستاهلش.
وبقيت مرآية للي قدامي، الاحترام باحترام، والتقدير بتقدير، والاهتمام باهتمام ، لأننا بصراحة ضيعنا كتير في المبالغة، والكرم، والعطاء، وعلّينا ناس فوق قدرهم لمجرد إننا حبيناهم بصدق ، ففكروا إن دي مكانتهم الحقيقية،وإن دا حقهم الطبيعي، ومشافوش أبدًا إن دا كان كرم مننا، وحب مننا، مش استحقاق منهم.
المبالغة خسرتنا كتير، وعلّمتنا إن العدل أريح بكتير،
وإن كل واحد يتحط في مكانه الصح ودا مش قسوة…
دا راحة للنفس وحفاظ على الكرامة.
