04/04/2026
مملكة برقاش "عين جمل "
من قلب الجيزة، وفي مكان ملوش غير قانون واحد وهو "كلمة الرجالة"، بتلاقي نفسك جوه مملكة برقاش. المكان ده مش مجرد سوق، ده أكبر تجمع للجمال في الشرق الأوسط، واللقب بتاعه "عين جمل" مش جاي من فراغ، ده عشان الجمل هنا هو الملك وهو السند.
كل يوم جمعة مع أول خيوط الشمس بيبدأ "المزاد"، الجو بيبقى مشحون بالأدرينالين وصوت الدلال بيزلزل المكان، والتجار حواليه عينيهم صقر، خبطة العصاية هي اللي بتحدد المصير، والكلمة عقد، لو تاجر قال "شيل" يبقى الصفقة تمت بكلمة شرف أغلى من أي ورق.
التجار هناك حكاواتية بجد، وراهم سيرة بدأت من سنين، بيفهموا في الجمل من نظرة عينه ويعرفوا أصله وفصله، الجمل بالنسبة لهم مش تجارة ده عشرة وعمر. وأجمل حاجة هي "الوراثة"، أطفال في مقتبل العمر لابسجين الجلاليب وماسكين العصاية بتمكن، بيتعلموا الرجولة قبل القراية والكتابة، وبيراقبوا أهاليهم عشان يكملوا المشوار، جيل بيسلم جيل عشان تفضل برقاش هي "العين" اللي بنشوف منها أصالة زمان
everydaycairo thisiscairo thisisegypt amazingegypt discoveregypt liveloveegypt experienceegypt unlimitedegypt checkoutegypt cairospots caironightlife cairostreetstyle myegypt visitegypt egypttoday landscapephotography downtowncairo beautifulegypt documentaries2000 egyptbyme egyptianmagic egyptphotography checkoutegypt photographylovers .egypt .is.egypt .egypt .history
fujifilmegypt
