26/06/2019
- اشتري شيكارة ملح خشن تقريبا بـ ٢٠جنيه أو ٣٠جنيه .. كل اسبوع ارمي منها مقدار كبايه شاي "ملح" في كل بلاعه وحوض وقاعده حمام ، وهتلاحظي الفرق في البيت والله .
- هاتي علبه فاضيه وحطي فيها شويه ملح ونصف ليمونه وشويه خل عليهم ومـ تكتريش الخل عشان الريحه ، وحطيها تحت السراير (تحت كل سرير علبه) وهتلاحظي الفرق والله في البيت والنوم .
- حركي العفش ونظفي تحته وارمي ملح تحته وسبيه
ونظفي فوقه التراب والكراكيب ،
وارمي الدباديب والأشكال الحيوانات أو الطيور في البيت ، وهتلاحظي الفرق .
- اقفلي باب الحمام طول الوقت وبليل ولعي النور فيه لمده اسبوع وبعدها اقفلي بابه بس وماتولعيش نور ، وامسحيه بماء وملح وشبه ، وهتلاحظي الفرق والله .
- رشي المراتب بماء مرقي عطري فرش سريرك بمسك بدره أو ماء مجرد ريحه بس ، شيلي الكراكيب اللي تحت السرير ونظفي تحته ، هتحسي بفرق كبير .
- رجولك تعباكي حنيها بحنه بلدي بس اعجنيها بماء ورد وهتشوفي الفرق .
- شيلي الصور من البيت احفظيها في درج أو دولاب ،
اقفي في اتجاه القبله في كل مكان في البيت ماعدا الحمام وادعي هتحسي الفرق والله .
- بخري بيتك بحبه البركه بس بلاش الحمام يخشه نار أو بخور .. لكن وانتي بتبخري سيبي بابه مفتوح وممكن تضيفي شيح للبخور، وشوفي هتنامي ازاي والأرق هيروح ازاي .
- ارمي الكراكيب اللي مش عايزاها ، وارمي الهدوم القديمه والاكياس والكراتين اللي ماليه البيت ، الكركبه بتجلب الجن للبيت ، رتبي بيتك واستغني عن اللي مالوش لازمه ، وشوفي الفرق .
- لما تمسحي بيتك حطي شويه ملح وخل في الجرد ويا سلام لو تشتري ماء زهر وشبه كمان ودول يبقوا معاكي كل مره بتمسحي ، هتحسي بفرق كبير اووي .
- شغلي سوره البقره في البيت وعلي الصوت وافتحي الابواب والشبابيك يومين علي الاقل في الاسبوع ، وبعدها قفلي البيت وشغلي سوره ال عمران بصوت مسموع هادي . ويا سلام لو عود بخور مسك أو عود أو ريحان يتولع في البيت .. حاجه جميله اوووي وهتحسي الفرق والله .
- رتب حياتك لنفسك محدش فاضيلك يرتبهالك ، اطرد الطاقه السلبيه من البيت ، عشان تحس أنه بيت وتحب وجودك فيه ، غير تتغير .
والله الموفق.
- علق ب 10 ملصقات جميله لطرد الطاقه السلبيه اللى فى راسك 🙄
M.aa✋
