07/08/2023
نصيحه لوجه الله
هتركب كاميرات مراقبه يبقي تسمع مني الكلام اللي مش اي حد هيفيدك بيه
اغلب الناس بتركب كاميرات ولا ليها اي لزمه تيجي ترجع الفديو تلاقي الصوره عباره عن اشباح ومفيش حاجه وضحه خالص
الواحد بيشوف شغل ناس متركب عباره عن مهزله والله وربنا يسهل للجميع
وده ليه بقي يا اما الزبون عايز يوفر يا اما اللي بيركبله مش فاهم ولبسه في مبلغ عل الفاضي
لوجه الله لو هتركب حاجه ركب جوده عاليه وبرند محترم وفكك من الشعبي
لوجه الله ركب كاميرات الوان عشان في الضلمه الصوره معاك تبقي اللون وتقدر تحدد الملامح
لوجه الله لو ركبت حاجه عاليه اصرف وفنش الشغل عشان تنساه لسنين
لوجه الله لو عايز شغل عالي قوي قوي بس مكلف حبتين يبقي عليك وعلي سيستم كامل ip
طاب انا ظروفي عل قدها ومش عارف اجيب حاجه كويسه ايه العمل
معلش يعني افترضنا مثلا هتدفع 3000 جنيه وتركب سيستم عل قده مع العلم لو زودنا 1000 كمان او 1500 وبقيت الجوده اعلي يبقي العقل بيقول ايه نزود شويه واريح دماغي
انا مش بقول كده عشان اسوق لشغلي لله الحمد شغلي يشهد لي واللي اتعامل معايا عارف كده كويس
حتي لو هتجيب حد غيري ركز في الكام نصيحه اللي قولتهم دول ودول لوجه الله ومش عايزين غير دعوه حلوه ♥️
