Photograoher baseemweeka

05/07/2026

صباح الرضا

صباح الخير💚💚
بيدخل قلبي طمأنينة وراحة كبيرة أوي لما بفتكر إن ربنا هو الصاحب:

صاحب في السفر والغربة، وصاحب في القعاد والاستقرار، صاحب في الدنيا دي كلها وفي أي مكان بنروحه أو بنفضل فيه مهما طال بينا الوقت

ومهما كان حوالينا ناس ولمة في كل حتة، بيفضل دايمًا في ركن مداري وهادي جوانا، مليان دفا وأنس، وهو صحبة ربنا..بنلجأ له ونداري فيه من الدنيا

بنرتاح جواه وبناخد أماننا وقوتنا منه، وبعدها بنقدر نرجع تاني ونواجه زحمة الحياة ودوشتها ونفسنا صافية وهادية

اللهم إنك أنت الصاحب في كل خطوة وفي كل شيء.

نهاركم كله رزق 💚💚💚💚

04/06/2026

💙💙

29/04/2026

فعلا والله

‏بقولك!
خد نفسك وابلع ريقك!
عشان👇
- مفيش حد سابقك وأنت مش متأخر. كل واحد ماشي في سكته وطريقه. كل واحد هو بطل روايته وقصته، مفيش حكايتين زي بعض ومفيش نجاح زي نجاح.

- قصتك مش شرط تكمل للأخر، ورقة امتحانك ممكن تنسحب في أي وقت، فقط احرص انك ديماً تكون ماشي في الطريق الصح. ولو كسلت او غلطت او وقعت، قوم ونفض هدومك وكمل تاني.

- كلنا حياتنا هتنتهي في الطريق، مفيش حد بيوصل للوجهة النهائية. عليك بس السعي ومن رحمته سبحانه ان الحساب على السعي مش النتائج.

- أنت كويس ما دمت بتحاول. طول بالك، مفيش حاجة لها قيمة بتيجي بسرعة. كل حاجة لها ثمن لازم تدفعه.

- أي حد وصل، فهو أكيد أكيد أكيد دفع الثمن. ماتحسدش حد وما تكرهش حد عشان حقق اللي نفسك تحققه، افرح للي بيوصل وادعي انك تعديه كمان.

#تحفيز

24/04/2026

👌👌👌👌

واحد من اهم الدورس اللي اتعلمتها في حيّاتي…
"الدنيا بتتقلب في لحظة"

اللي فوق ممكن ينزل، واللي تحت ممكن يطلع.
بس طول ما إنت متمسك بسعيك،
وإيمانك بأن ربنا قادر علي كل شئ
وبتكمل حتى في الأيام التقيلة،
وصولك مش سؤال “هيوصل ولا لأ”…

"وصولك مسألة وقت. مهما الدنيا ضاقت، ومهما الطريق" قفل… ربنا بيعمل طريق من حيث لا تعلم.

جمعه مباركه🤎🤎


#تحفيز

22/04/2026

كله بقي Fake

مش كل اللي تشوفه تصدقه…………….

"مفيش حاجة اسمها حياة مثالية"

اللي بتشوفه على السوشيال
مش الحقيقة
ده جزء متصور بعناية

ناس بتضحك
وناس بتسافر
وناس شكلها مرتاحة
بس محدش بيورّيك الضغط
ولا الخوف
ولا الأيام اللي بتعدّي بصعوبة

المشكلة
إنك بتقارن حياتك الكاملة
بأحلى لقطة في حياة غيرك

فتحس إنك ناقص
وإن حياتك أقل

الحقيقة؟
كل واحد عنده معركته
وكل واحد شايل حاجة
بس مش كل حاجة بتتقال

الحل؟
ما تدورش على “الحياة المثالية”
دور على حياة فيها رضا
وفيها سعي
وفيها توكل

اعمل اللي عليك
وخلي قلبك مع ربنا
وافتكر دايمًا:

اللي بيعتمد على ربنا
مش بيضيع
حتى لو الطريق كان صعب

الحياة مش لازم تبقى مثالية
كفاية تبقى ماشية… وربنا معاك.

#خواطر

20/04/2026

ايه اللي يخلي الناس تحتاجلك؟؟؟

17/04/2026

الحمد للله

ماتنساش نفسك ………..
……….
أنت النهاردة في المكان اللي كنت بتدعي ربنا امبارح تكون فيه بس أنت ناسي و ملهي بالجاي بعد كده و حاسس إنك في صراع مع الدنيا و هعمل إيه بعدين و إيه الخطوه الجاية، بس ده لأن (الشيطان يعدكم الفقر) ؛
و الشيطان بينسيك الدعوات الي طلبتها من ربنا علشان تحس انها جت بشطارتك أو صدفة!
لكن الحقيقة إن كله من عند ربنا ولسه شايل لينا خير كتير .. ❤️

ماتنساش تحمد ربنا على نعمة و رزق النهاردة علشان مهلي ومشغول علي نعمة و رزق بكرة! ♥️

16/04/2026

لو أنت اتولدت في الأرياف!!!

15/04/2026

🤔🤔