18/08/2019
حبيت انوه عن حجات بتحصل ف الافراح اقولهالكم عشان تبقو تاخدو بالكم منها بعد كده ♥️
1_ حاول تخلي مكان التصوير ومكان القاعه ومكان الميكب ارتست قريبين من بعض عشان متضيعش وقتك كله ف المواصلات خصوصا لو ف يوم جمعه وخميس😍
٢- اليوم ده من أهم الايام تقريبا اللي لحظته لازم تكون فاكرها وده مش هيبقى غير من الصور أو الفيديو فمتسترخصش وتجيب مصور مش فاهم او مش عارف ازاي يصور المناسبه دي عشان مترجعش تندم لما تشوف الصور😅
٣- لو هتجيب مصور ادخل شوف صوره والايدت بتاعه مناسب لزوقك ولا لا ولو مناسب ادخل اسأل الناس عن التعامل معاه عامل ازاي مهم جدا ده ف يوم الفرح بالذات🌸😍
٤- خلاص يوم الفرح جه وظبطت كل حاجه مكان التصوير والمصور وكله تمام متبوظش كل ده بأنك تكون مش نايم كويس او انك تنسى تأكد ع عربيه الزفاف هتبقى وحشه اوي😜
٥- لو انت هتصور الساعه ٥ مثلا اتفقي مع الميكب ارتست انك هتمشي الساعه ٣ ونص وانك لازم تخليها ف الوقت ده طبعا هيا هتاخرك شويه عشان كده قوللها ع ميعاد قبله بساعه واعملي حساب للمواصلات👍
٦- ميعاد التصوير المناسب جدا واللي يرضيك ويرضى المصور هو من ٥ ل ٧ متحاولش تتأخر ع المصور كتير عشان احنا كمصورين بتضايق جدا من الحركه دي لان ف ناس خليتني استناها ب ٣ سعات والله تخيل😥
٧ - متقارنش صور سيشن فرحك اللي ف الازهر بارك بصور سيشن فرح حد تاني مصوره ف فندق كمبينسكي مع احترامي للازهر بارك وكمان متقارنش صور النهار بصور الليل اختلاف شاسع يعني عاوز تقارن قارن صور فرح أتصور معاك ف نفس الوقت بنفس المكان ها متجيش توريني صوره سيشن ف مكان عالي اوي الفيو بتاعه واو وتيجي انت عاوز زيه ف الشارع وتقولي اشمعنا😏
٨- الوقت والمكان من أهم العوامل ف اليوم ده خلي بالك منه احنا بنقولك ع افضل وقت لان ده بأيدينا نطلعلك صور هتستمتع بيها لكن المكان ده باختيارك انت لان كل مكان وليه رسوم دخول ودي بترجع للميزانيه بتاعتك وبرضه بنحاول نطلع احلى حاجه ف المكان ده♥️🌹
٨- اخر حاجه ويمكن تبقى شايفها بسيطه لو اتاخرت عن ميعاد انت مديه لمصور وهو استناك وانت اتاخرت ياريت تعتذر وتتصل انت بيه وتقدره حتى لو هتقوله اي حاجه بس صدقني لما انت تتصل بيه وتعتذر عن التأخير بيبقى مرتاحلك جدا مش بيبقي مخنوق وهو بيصور♥️
اتمنى اكون افادتكم وشاركو ف الكومنتات عن المواقف اللي كانت هتبوظلكم الفرح 😉🌷
