Mina Samir Photographer

27/11/2024

حارة الصالحية - شارع المُعز

#α6000
for more info. of packages & reservation
call & w.app : 011 14187434

23/11/2024

عشية القديس مينا العجائبي
من كنيسة السيدة العذراء مريم بالقصيرين

القديس مينا واحد من اهم و اشهر قديسي الكنيسة القبطية الارثوذكسية و هو اتسمي علي اسم الملك الاول في تاريخ مصر القديمة بعد توحيد القطرين (مينا نعرمر) .. و كان سبب التسمية ان اوفومية و اودوكسيس ابويه فضلوا فترة طويلة بدون اطفال لحد ما الست العدرا استجابت لصلاة اوفومية و قال لها 3 مرات (امين) فا احتفظوا بالحروف و سموا الطفل (مينا) عشان يفضلوا يفتكروا تحنن ربنا عليهم و نعمته في اعطائهم ولد
الجدير بالذكر ان مينا عيلته ماكنوش عاديين ابوه كان والي مقاطعة (في مقام محافظ) رغم كدة يقول التاريخ عنهم انهم كانوا بسطاء في التعامل و ربوا ابنهم علي تعاليم المسيح و الكنيسة .. و لما ماتوا ابوه و امه وهو في سن صغير باع كل اماله و ادي الفقرا و دخل الجيش و مع صدور امر من دقليديانوس بعبادة الاصنام خلع مينا لبس الجندية و اتوحد في الصحرا 3 سنين و بعدها رجع اعلن ايمانه امام الوالي و الوالي اتفنن في تعذيبه و انتهي بقطع الرأس
مقرون اسم مينا بالـ (عجايبي) لان معجزاته كانت عجيبة و المعجزة في المسيحية مش قوة شخصية .. بقوة إلهية من ربنا من خلال اشخاص ليهم مكانة روحية عالية زي القديسين .. لكن مش قوة شخصية ابداً ..
مقرونة صورة القديس مينا بجملين و دة راجع لقصتين
الاولي ان في وقت نقل الجسد اثناء الحرب مع الجيش في مركب طلع عليهم من البحر وحشين كبار جداً يشبهوا الجمال و صندوق الجسد خرج منه زي اسهم نار اخافت الوحوش و مظهروش تاني
القصة التانية انه لما الجسد وصل ماريوط بعد الحرب وضعوا الجسد علي جمل عشان ينقلوه للرجوع مرضاش يتحرك .. جمل تاني برضو مرضاش يتحرك .. و هنا عرفوا ان القديس مينا عاوز يتدفن في مصر في ماريوط
و حالياً الجسد موجود في دير مارمينا في كينج ماريوط و هناك برضو في مدينة رخامية عظيمة اسمها مدينة ابو مينا اثارها موجودة لحد دلوقتي و كان بيجي للقديس مينا حجاج كتير من كل البلاد يتباركوا بيه و من التراب و عين المية اللي كانوا جنب قبره ♥️

اما عن الصلاة فا تبعاً للعقيدة القبطية الارثوذكسية احنا بنكرم القديسين و بنديهم التقدير اللازم و من صور التقدير دة هو اننا بناخد الرفات او القطع الصغيرة اللي بتقع من الجسد و نحطها في انبوبة خشب غالية وكل سنة في عيد استشهاد القديس بنطيب الانبوبة بأطياب و عطور غالية و مختارة و بنحط الانبوبة في كسوة باللون الاحمر (رمز الملوك و الامراء) و نحتفل بالقديس و نتبارك بيه

رغيت كتير اوي .. اسيبكم مع حبة من الصور ♥️♥️

#α6000
for more info. of packages & reservation
call & w.app : 011 14187434

29/10/2024

كلية التربية الموسيقية (جامعة حلوان) أنشأت الكلية في عام 1935 / 1936 تحت اسم المعهد العالي للتربية الموسيقية في صورة قسم ملحق بمعهد التربية للبنات مقره قصر اسماعيل محمد باشا محمد تقاطع شارع شجرة الدر مع شارع اسمعايل محمد - حي الزمالك

في عام 1942 تم ضم المعاهد العالية الفنية للبنات في معهد واحد، وبهذا أصبح معهد التربية الموسيقية ضمن عدة معاهد أخرى باسم المعهد العالي لمعلمات الفنون ببولاق. في عام 1947 استقل المعهد بذاته وأطلق عليه اسم المعهد العالي لمعلمات الموسيقى وكان تابعاً لوزارة المعارف العمومية، وأصبح تابعاً لوزارة التعليم العالي في عام 1962. وحتى مطلع الخمسينيات كان تعليم الموسيقى مقصوراً على البنات دون البنين حتى أنشئ معهد لتعليم الموسيقى للبنين في حي الدقي في عام 1951م. وفي عام 1964 انضم المعهدان في معهد واحد باسم المعهد العالي للتربية الموسيقية بالزمالك، وفي عام 1975 / 1976 ضم المعهد إلى جامعة حلوان باسم كلية التربية الموسيقية.

#α6000
for more info. of packages & reservation
call & w.app : 011 14187434

26/10/2024

biotop shrimp aquarium 🧡❤️

التعمق في هواية تربية الاسماك بيوصلك لمرحلة جميلة و هي انك بتحاول بقدر الامكان تخلق محاكاة للبيئة الطبيعية اللي عايشة فيها الاسماك من اشكال و صخور و زرع و كيمياء المية المناسبة لأن عمر ما الاسماك بتعيش في احواض فيها زرع بلاستيك او مجسمات بألوان صناعية .. في هواية تربية الاسماك انت بتقطع قطعة من الطبيعة و تخليها عندك في البيت نوع من انواع الراحة النفسية و هدوء الاعصاب

اختارت اني اخلي الحوض اللي عندي بايوتوب و دة نوع من انواع احواض الاسماك بيعتمد علي المية الغامقة نظراً ان في الطبيعة و البيئة معظم الانهار مابتبقاش المية فيه لونها ابيض او كرستالي صافي لأن بيكون دايب فيه حاجات كتير زي عصارات اوراق الشجر اللي بتقع و الجزوع و الفروع فا دة بيخلي المية لونها مايل للون البني مش الابيض الصافي و دة بيرفع من حامضية المية شوية
وبيئة الحوض دي مناسبة جداً لتربية جمبري المية العذبة اللي بيتميز بصغر حجمه (2 سنتيمتر) و بألوانه زي الازرق و الاخضر و الاحمر و البرتقالي زي اللي عندي كدة و لازم نذكر معلومة ان الالوان دي ناتج عملات تزاوج كتير في احواض الاسماك لان جمبري المية العذبة في الطبيعة بيكون لونه اقرب للشفاف و الالوان الخشبية زي البني و الاسود نوع من انواع التمويه عشان الالوان الظاهرة لو في الطبيعة مع حجمه الصغير هيكون عرضة للأكل دايماً من جميع مخلوقات ربنا اللي معاه في نفس النهر

كفاية رغي و اسيبكم مع الصور ☺️

#α6000
for more info. of packages & reservation
call & w.app : 011 14187434

21/10/2024

اسكندرية (من وجهة نظري)
اسكندرية هي واحدة من اهم و اجمل مدن العالم القديم بناها الاسكندر الاكبر علي اسمه عشان ذكراه تعيش للأبد و كانت العاصمة لفترة طويلة من الزمن
تصويري لأسكندرية هو يادوب لمحة من جمالها لأن مهما قولنا عن جمال الاسكندرية برضو قليل
الالبوم دة فيه (البحر - الغروب - بيت عتيق سحرني بجماله - الترام - مكتبة الاسكندرية)
اتمني يعجبكوا

#α6000
for more info. of packages & reservation
call & w.app : 011 14187434

26/09/2024

🧡🧡🧡🧡

12/09/2024

الشروق وسط السحاب 🤍💙🧡
without any edit or filters

#α6000
for more info. of packages & reservation
call & w.app : 011 14187434

08/09/2024

الغروب و البحر 🧡💙


for more info. of packages & reservation
call & w.app : 011 14187434

30/07/2024

فاعليات مسرح مهرجان الكرازة المرقسية ♥️


for more info. of packages & reservation
call & w.app : 01114187434

24/07/2024

07/07/2024

كل سنة و الصغنن طيب ☺️☺️


for more info. of packages & reservation
call & w.app : 1114187434

12/06/2024

لو انت روحت اي دير هتلاقي ان نهاية مواعيد الزيارة للساعة 5 قبل الغروب ... طب لما الناس بتمشي الدير بيبقي عامل ازاي او اية اللي بيحصل فيه ؟
بعدسة الكاميرا بتاعتي اثناء وجودي في دير كبير الرهبان و أب كل راهب الانبا انطونيوس في خلوة حاولت انقل صور للدير مجردة من اي ايديت او ألوان لشكل الدير بعد غروب الشمس و الليل يبسط لونه الغامق
هتشعر بالبساطة .. الهدوء .. الرهبة و الخوف المقدس ..
مع صور للتسبحة من كنيسة القديس بولسيي البسيط و القداس في مغارة الانبا انطونيوس (من غير كهربا علي نور الشموع)
كفاية رغي و اسيبكم مع الصور ♥️


for more info. of packages & reservation
call & w.app : 1114187434