23/09/2022
السلام عليكم اكيد كلكم عارفين انه تقريبا بقالى 3 سنين موقفه تصوير بس كان فى حاجه محتاجه اوصلها لأصحابها فى بنت كلمتنى انهم مظبطين مع فوتوجرافر لتصوير فرح صاحبتها وانه لغى المعاد من نفسه ومش عارفين يعملوا ايه وقالتلى انقذلهم الموقف وانا مكنتش لسه اصلا شتغلت ف تصوير ويدنج وفهمتها انه انا بصور بالنهار بس عشان مش معايا حاجات إضاءة قالتلى انه اه وطبعا هنبقي بالنهار المهم ده محصلش وروحت برضو لفيت ع الفوتجرافر واخدت فلاش وكملت اليوم معاهم وقولت حرام يومهم وكده مع انى مش بعرف وقتها اتعامل مع فلاش المهم انا متحاسبتش على فلوس ولا حاجه رنيت ع صحبتها ال تعالى معاها وكان اسمها # سارة المهم قولتلها ع الصور عشان تاخدها قالتلى ماشي هرد عليكى ولحد دلوقت لا كلمتنى ولا حاجه وانا الصور ع موبايلى بقالها تلات سنين ومش راضيه امسحهم واقول حرام ذكرى فرحهم ومش فاهمه ازاى مخاولوش يكلمنى ياخدوها لمهم ياجماعه انا عايزة اوصلهم الصور دى ومش عايزة حاجه
