14/05/2026
🚨بالنسبة للموضوع الى قلب مصركلها👌🤔
فابعد الاطلاع على اغلب الفيديوهات والمقاطع صوت وصورة فقط تبين الاتى :
-الراجل مقالش ابدا السجاير مفيدة وقال نصا مضرة وانا بضر نفسى وبقعد لوحدى لما بشربها
-قال ان الدقيق الابيض خطر على الصحة وهو مااتفق عليه جميع العلماء وان القمح الحبة الكاملة هو افيد طعام للانسان لاحتوائه على العناصر الغذائية الهامة جدا لصحة الانسان
-مقالش للناس وقفو الادوية وبالعكس اكد ان مينفعش تبطل علاج منك لنفسك
-قال ان مش طبيعى الانسان يعيش عمره كله محاط بالامراض طول الوقت وان فى حاجات غلط بتحصل علشان الناس تفضل تستهلك الادوية الى تجارتها تتخطى التريليونات وهو مايتفق معه العقل والمنطق
-قال السكر موجود من قديم الازل فى كل الفواكه واحنا ركزنا اننا نستخرجه من القصب لكن التمر مثلا عالى السكريات ومع ذلك الناس زمان كانت بتاكله عالريق وعالفطار من بعد صيام ومحدش كان بيجيله غيبوبة ولا اعراض وقال كمان ازاى السكر الى بيدوب يجيب انسداد شرايين وطرح اسئلة بسيطة يقدر يستوعبها الشخص العادى
-استشهد بالقران والسنة وبحياة النبى وقال صومو تصحو❤️ والعلاج فى المنع مش الاخد والناس لما بتقلل اكل كبدها بينضف وصحتها بتتحسن
-قال الفراخ هى خنزير الطيور لانها بتاكل كل شئ واى شئ بتلاقيه عالارض حتى الجيف والفضلات بخلاف الهرمونات الى بتاخدها فازاى الانسان ياكلها وقال استبدلوها بطيور نضيفة زى الحمام او السمان
-قال الانسان هو الكائن الوحيد الى بيدور على اى حاجة يعمل منها اكل وان الخضروات والورقيات دى مخصصة للحيوانات وليه اكل ورق عنب وربنا خالقلى العنب نفسه بسكرياته بفوايده وليه احشيه رز ما اكل الرز زى ماهو بفوايده وان الورقيات دى بتتعب جدار المعدة جدا ومش مخصصة للانسان
-قال ازاى اجيب انسان واضربه باشعاع ذرى واقول كده بعالجه من السرطان وانا فى الحقيقة بدمر كل خلاياه قبل مادمر الورم واقوله عالجتك
طيب هل الكلام ده هو بس الى يعرفه وهو لس الى قاله ؟؟ الحقيقة ان ناس كتير علماء ودكاترة ومثقفين عارفينه وبعضهم اتكلم عنه ومن بينهم الفنان والرياضى يوسف منصور المقيم بامريكا الى قال ان جاله سرطان واتعالج منه بدون اى كيماويات واتعامل بنظام تقليل الطعام ومش بس كده يوسف قال انه مع بعض الاصدقاء فى امريكا طبقو النظام ده واكتشفو ان الاكل الصحى ومنع الاكل الغير مخصص للانسان ومنع السم الابيض تحديدا ساعد فى زيادة الحيوية وعلاج البشرة والشعر وامراض كتيرة جدا منها تاكل المفاصل الى جاله من لعبة الكونغ فو
الخلاصة الراجل كان له وجهة نظر طبيعى متعجبش ناس كتير جدا واهمهم اصحاب المصالح خاصة وان كلامه كان بيهد ويكسر فى نظام الرأسمالية المرعبة الى بتتحكم فى حياة الناس وفى النهاية القصة انتهت بوفاته وهو الان فى دار الحق وجهة نظره ليك كفرد عادى عجبتك تقدر تاخد بيها من سكات وخلاص خصوصا انه مكنش عاوز شهرة ولا قاصد فرقعة وقال بقالى سنين بعمل النظام من سكات لحد ماواحد فضحه ونشر نظامه وبدئت القنوات تستقبله ولو معجبتكش تقدر تكبر دماغك خالص وتنساه ومتعملش واعظ لانك اكيد مش دكتور ومش اعلى منه علما ومعرفة والى فى مكانته هو بس الى هيرد على نظامه بوجهة نظر محترمة بدون سب وتقليل واهانة لشخص هو حاليا فى دار حق واحنا عمالين نتصارع فى دار الباطل ✋
منقول
