14/06/2024
الميري علمني ⭐⭐👨🏻✈️⭐⭐
- ان لو معايا رغيف عيش اقسمه على 4 وناكل ونشبع كلنا برغيف واحد
- علمني اصحى من الساعه 5 حتى لو ماعنديش شغل
- علمني ان مفيش احلي من اكل البيت اللي كنت بعيب فيه
- علمني ان اللي هيقف معاك للاخر ابوك وامك واخواتك ومش هيزهقوا منك
- علمني ان اوسخ يوم في حياتي هو اخر يوم في الأجازة ...
" هتبقا عاوز تنزل تجري عشان متشوفش أهلك بيسلمو عليك وهما بيعيطوا ، واللي ما بيصدق ينزل يقعد مع اهله يعملوله اكله حلوه تعوض ايام تعبه ، واللي ماشي سايب خطيبتة او حبيبتة ويا عالم هيرجعلهم تاني ولا لا "
- علمني اني هكسب صحاب وناس جدعة من مصر كلها هيبقوا اهلي
- علمني ان اليوم اللي هنزل فيه اجازة هيبقي احلي من يوم جوازي
- علمني اعمل كل حاجة بسرعة حتي لو مش مستعجل
- علمني الصبر ف الغربة والبعد عن الأهل وتتعب وتخف من غير ماتحاول تحسس أهلك إنك تعبان عشان ميقلقوش .
- علمني ان نص ساعة نوم احمد ربنا عليها
- علمني إن اللي يكلمني كل شوية علشان يطمن عليا ف الغربة ده اللي بيحبني من قلبه
- علمني انام ف النور والضلمة وعلي الارض وفي المدرعة و في اي حته مش شرط سرير وأتكيف مع أي ظروف مهما كانت.
- علمني ان الشبع مش بكتر الأكل وان اللي مشبعش ف بيت ابوه هيفضل طول عمره جعان.
- علمني اخدم الكل صغيرهم قبل كبيرهم وبلاقيها بتتردلي من حتت تانيه
- علمني ابقي حبيب الكل اللي تحت قبل اللي فوق ؛ وان الشغل مهما كان كتير ومستحيل كده كده هايخلص ، وان الموت مالوش كبير وان محدش بياخد اكتر من نصيبه
- علمني احافظ علي الامانة وأن العرق في التدريب يوفر الدم في المعركة..
"دي حقيقة مش كلام" شوفت البرد و الحر والتعب والإرهاق و كله عدي و محصلش غير الي ربنا كاتبهولي.
- علمني ان فترة الجيش مش جدعة بس مبتخليش غير الجدعان حواليك 🖤.!
_ عملني ان النجاح مش فلوس في البنك و مش مركز مرموق او شهرة.
... النجاح .....
هو انك تبقي راضي عن حياتك و انت بتفارقها 😌🖤🖤
هتعدي 🖤
