17/09/2025
من ترك شيئاً لله عوضه الله خيراً منه "
الحمد لله علي كل حال أنا إعتزلت التصوير بصفة نهائية قرار بحاول أخده بقالي كتيييير و بفكر فيه دائماً لغاية ما ربنا هداني ليه و أخدت القرار ده نهائي بدون رجعة إن شاء الله و يمكن أنا بيعت معداتي من حوالي شهر بس منزلتش البوست ده عشان مكنتش عارف هرجع في قراري ده ولا لأ بس دلوقتي و أنا بكتب البوست ده الموضوع أصبح نهائي الحمد لله و مش هفكر في الرجوع ليه تاني رغم إني كنت داخل المجال ده أصلاً عشان بحب التصوير و مهووس بيه ك هواية وقتها مش ك مجال و زباين و عربون و إيديت و طباعة و لوكيشنات و حجوزات و كل الكلام ده لآخره بس كل اللي حابب أقوله إن دي كانت خطوة في حياتي كنت حاببها بس شغفي ليها قل لغايه ما بقيت مش عايزها + تفكيري الدائم ليه إن الموضوع ده فيه حرمانية ولا لأ و في الآخر بعد سؤالي لناس كتييير إهتديت للقرار ده و مرتاح ليه و منزلتش البوست ده غير لما شيلت أي بوست أو شغل كنت نزلته عندي قبل كدة سواء هنا علي البيدج أو علي الإنستجرام أو علي تيك توك حالياً كل حاجة إتمسحت الحمد لله عشان مشيلش ذنب حد و إن شاء الله أنا متأكد و عندي ثقة في ربنا إنه هيعوضني خير علي القرار ده بإذن الله ♥
حابب أشكر أي حد وقف جمبي من أول ما بدأت و دخلت المجال ده لغاية اللحظة دي و أشكر أهلي إنهم كانوا في ضهري في الأول و في الآخر و ممتن لكل حد صورته و كنت سبب في فرحته أو إنه يقولي كلمة حلوة بعد كدة دعواتكم في اللي جاي و إن شاء الله الخطوة الجاية هتكون من هنا برضو لما ميعادها يجي بإذن الله ♥
