16/05/2024
السلام عليكم ورحمه الله وبركاته
رجعتلكم مره تانيه بعد غياب طويل علشان نكمل مع بعض حكايتنا سلسله تعليم اساسيات التصوير سواء لو هتصور بكاميرا أو هتصور بالموبايل واوعدكم هحاول استمر معاكم علطول دون انقطاع يلا بينا نبدا ✌️😃
خليني افكركم الأول علي اخر حاجه اكلمنا فيها وهي كانت زاويه التصوير وازاي تقدر تستخدمها في إظهار صورة مبهره وجذابه المرة دي هحكيلكم بشكل مفصل انواع زاويا التصوير واستخدامتها ومعاه كل شرح زاوية هسبلكم تحتها صورة متصورة كمثال بس لو انت لسه جديد حاول تقرأ ايه اللي قبل البوست ده علشان تبقي فاهم اكتر .
• يا تري ايه هي انواع التصوير
١- زاوية eye level shot
الزوايا دي معناها علي مستوي النظر يعني الموبايل أو الكاميرا لما تيجي تصور بيهم بتحط عدسه الكاميرا قصاد جسم الصورة سواء شخص أو أي نوع آخر علي سبيل المثال بتصور صورة لواحد عايز يقدمها في شغل أو طفل يقدمها للمدرسه بتبقي الجزء الواضح في الصوره هو وش الشخص ده لحد نص جسمه لانها هدفها هو أن وش الشخص يبقي واضح للناس ولو انت صاحب بيزنس بتصور منتج لشغلك أو صاحب مطعم وعايز تصور الوجبات بتاعتك بتحط عدسه الكاميرا قصاد الوجبه أو المنتج بالظبط
٢- زاويه low angel shot
معناها زاويه منخفضه ودي بتبقي وضع الموبايل او الكاميرا اللي بتصور بيها من تحت الهدف اللي بتصورو الهدف بيبقي اعلي من وضع عدسه الكاميرا وده بيخلي الصورة اللي بتتصور بتعبر عن الوقار والهيبه والقوه ودي يفضل أنها تستخدم في تصوير العربيات علشان تظهر أن نوعها فخمه وتفاصيلها تكون بتعبر عن قوه استخدمها وكمان ممكن تستخدم في تصوير السندوتشات السريعه زي الهمبرجر خصوصا لو هو نوعه حار أو لو عايز تبين أن السندوتش ده هيديك قوه وطبعا الزاويه دي اكتر استخدامتها في المنتجات اللي بتعبر عن الطاقه أو عن الرياضه زي مشروبات الطاقة أو لعرض فخامه المباني
3- زاوية high angel shot ( لقطه بزاوية عاليه)
وهي الزاوية اللي ممكن تستخدم علشان تبان الصورة بمظهر يعبر عن الضعف والعجز وده بيساعد في توضيح تفاصيل الصورة أكثر
لسه مخلصناش حكايتنا مع زاويا التصوير علشان الموضوع كبير بس معايا وبعون الله سهل وبسيط فتابعني علشان ميفوتكش المفيد 😉
هوضحلكم بقيت الزاويه في بوست تاني علشان مطولش عليكم
استنوني 😃😉♥️
