31/05/2026
🛑السلام عليكم خالة الطفلة جوري" تقول 👇👇
يا عباد الله يوم آخر منشور نحطو نوضح فيه على بنتنا جوري و على الناس لي راهي تقذف و حنا في فاجعة أليمة
جوري بنيتي كانت ضال عند هاذي جارة هاذي جارة كانت تضال تكسب فيها تعطيها وش تحب كلات ملح دارهم مها كان العشاء تتقاسمو معاها راحو هيدو عند بيت جدي و كنا مع بعضانا معيدين نهار الجمعة روحت بنيتي بعد الصلاة لعشية قالت لماماها نروح نلعب خلاتها مها دخلتها جارة ضربتها زرقتلها لحمها و ضربتها برزامة وحالتها ضفارها داتلها دمها و معلباليش وش نحاتلها من رأسها و طيشتها عند درجة اخرة تاع دروج و سكرت باب بلوك لحقو لمها بنتك ماتت هبطت مها تجري تعيط لقات بنتها كيما الخروف هزوها سبيطار قاتلهم طبيبة هاذي مقت،ولة متمسوهاش يا ربي غدرت ملايكة حرق،ت ميمتها و حرقت،نا.. 04 فرق شرطة علمية فرقة لخرة دارو ضو لقاو دم في بابها قاتلهم دم خروف قالولها افتحي باب فتحاتو لقاو قطرات دم حتان الدوش و في الكادر و بدأت تعيط القات،لة و مخللتهمش يحلو بلاكار حتان جات بوليسية حلتها لقات ساشي فيها الدم و الرزامة بعد ليل طويل و تعذي،ب ولات استعرفت حسبي الله و نعم الوكيل فيها من فضلكم الأخوات متزيدوش علينا و نفتو من عندكم و كل واحد يقول هدرة دوكا هادي هي القصة كاملة نتمنى وحدة مزيد تحط منشور و تهدر هدرة هي معلبلهاش وش كاين لي راهم يقولو نتهمو فيها حنا متهمنا حتى واحد حنا درينا بلي طاحت من دروج ورضينا و الحمد الله لكن التحقيقات و يعطيهم الصحة و تحية خاصة للأمن المسيلة لي وقف و حاب حق جوري بنيتي لكن انها تغدر ملايكة بطريقة بشعة هاذي معندهاش رحمة ادعو الصبر لميمتها لان الطفلة وجه جنة طير من طيور الجنة ادعو والديها بالصبر 🤲🏻
