Dm manager communication

24/02/2026

24/02/2026

15/06/2025

واش رايكم نعملولكم رحلات لكوكوبيتش جو مالديف وزانجيبار

02/05/2025

علابالك كي تخبي كل يوم عشر الاف كي يكمل العام يولي عندك 360 مليون😌

01/05/2025

يؤسفنا ابلاغ زبائننا الكرام ان تكلفة الرحلات ستزيد بنسبة طفيفة نظرا لارتفاع أسعار الفنادق لشهر جوان كما انه لدينا عروض لدورات جديدة في التصوير الفوتوغرافي و دورات اخرى لهذا الشهر سنوافيكم بكل شيء عما قريب
نرجو منكم التفهم
وشكرا.

23/11/2023

كأي جزائري رسخت فينا مبدأ إبعاد ( النعمة) خبز ملقى او أي أكل من الطريق لكي لا ردوس عنه الناس بأخذيتهم تقديرا لنعمة الله ...رآني مرة طبيب إنجليزي وأنا ازيل بقايا سندويتش ملقى على الارض والمارة يدوسونه باحذيتهم فقال لي هل انت مجنون؟ اتسائل لماذا ابعدت تلك النفايات عن الأرض فشرحت له السبب فقال لي الا تعلم بان الجراثيم الملقاة على الارض اكبر من الجراثيم التي تجدها في المرحاض وانت هكذا حملتوالجراثيم واذا صافحت او داعبت صديقتك او طفلا صغيرا ستنتقل لهم الجراثيم كفو عن هذه الحماقات فقلت له ..ن.م وانصرف كل منا لحاله
#باديس

21/11/2023

نهدرو فموضوع حساس
بما اني جيت للبلاد في عطلة رحت الصباح للحمام خليت كلاكات تاعي عند الدخلة ودخلت حممت ومحطيتش البال للناس الداخل خرجت رحت نلبسها مالقيتهاش حتى خرج واحد مورايا قالي راه لابسها واحد ويحمم بيها ( كلاكيت دير 45 أورو ) طبية.. النار شعلت فيا من بعد بديت نستغفر ومول الحمام قاعد يقولي الشعب تاعنا مش منظم ودك يخرج نيkو ستنيت شويا خرج شيخ فالسبعينات لابسها انا صرالي كشغل جمرة حطيتها فالما قلتلو الحاج تحميمتك خالصة عليا دعالي وقال لمول الحمام هذي البليغة هايلة موالف نشوفها فالاشهار بصح غالية بارك الله فيك كي خممت فينا وحطيتلنا وحدة انا عندي سكر وليڥاريس كشفتها فرحت.. هنا صدقوني الدمعة طاحتلي قتلو الحاج حلال عليك اديها..الموقف الثاني دخلت نستقهوى الآن فقط سارفور صغير فعمرو كاش 17 سنة قلتلو جيبلي كذا وهو صونالو تلفون خرج برا يهدر ونساني نلقى في واحد كبير فالعمر ناض للمعلم قالو سارفور تاعك مشي مربي مجاش مسحلي طابلة و السيد(يقصدني) ماسربالوش وخرج يهدر فتلفون دخل السيد مقنوط والمعلم قالو ارواح ارواح انا قلت للسيد معليش مزال صغير مع الوقت يتعلم جا لولاد هذاك قالي سمحلي عمو يما مريضة سرطان واليوم اول حصة ليها تاع لاشيميو خرجت من ليكول نخدم عليها مكملات غاليين وكون تعيطلي ومنرفدش عليها تتقلق وملازمش تتقلق خلي نحمل السب والرخس على جال يما معليش ..قلتلو الرخيس هذا السيد ولي راك تخدم عندو ..حاجة مليحة عجبتني فالرجال لي كانو ثم لايمولو نصيب وواحد قالو تشدلي حانوت بسومة مليحة والحمد لله
العبرة الأولى : عمرك تتسرع فالحكم على شخص واذا غلط معاك فحاجة صغيرة سامحو لوجه الله
العبرة الثانية : شفت بلي القلوب كحالو على بعضانا ربي حبس علينا الشتا
والسلام عليكم.

03/11/2023

سوي الصف ولا قوّد هي عبارة لم أسمعها من عريف اول لجندي أثناء تأديتي الخدمة الوطنية أو من معلم في جميع الاطوار التي درستها داخل وخارج الوطن بل سمعتها من كهل يقولها لشبخ داخل المسجد ما بين الإقامة والصلاة يا للأسف
تخير اذا تضحك ولا تبكي علابيها ربي حبس علينا المطر

موموح .

02/11/2023

قرأت في الإنجيل المحرف قصة جميلة اخذت منها عبرة ..يحكى ان راهب كان يركب البحر بزورق بالي وسرعان ما تغير الجو وبدأت امواج البحر تتسرب ٱليه فكاد يغرق الزورق فمرّ قارب شراعي من أمامه وعرض المساعدة على الراهب فرفض الراهب قائلا شكرا .. لكن الله سوف ينقذني وبعد مرور ساعات انكسر الزورق وصار الراهب يصارع الموت والأمواج ومرة من امامه قارب آخر عارضا المساعدة فقال الراهب شكرا ! لكن الله سينقذني ..فمات غرقت وعندما ذهب إلى الجنة سأل الله لماذا لم تنقذني ؟ وقد تشبثت بك فقال له الله ..لقد أرسلت لك قاربين انت من رفض النجاة .

في القصة عبرتان الأولى عندما تجد شخص يحتاج إلى المساعدة ساعده ولا تقل له هل أساعدك واذا اعتذر لا تذهب وتتركه فلربما كانت له عزة نفس تأبى ان يساعده احد

والعبرة الثانية احسن إستغلال الفرص قبل فوات الأوان

موموح .

01/11/2023

دخلت المسجد نتمتم ونقول سبحان الله واش كنت معاشر
ماتدري واش راه قادم ، على الاخرة بقالنا غير شبر
الامام وقف وقام الصلاة ركعة الاولى بدات بالكوثر
ركوع وسجود خشعت فالصلاة ونحس في قلبي يتزير
حلاتلي وعرفت قيمة الصلاة عاهدت روحي باش ننتصر
ننسى لي فات صفحة جديدة وعقلي عليه راح نتسيطر
تدعي فالسجود بالهداية صحابي قع بلا منخيّر
ناس قامت انا ماقدرت باش نتحرك مانقدر
جماعتي بقاو على خير انا لي مادرت فيك الشر
درتكم خاوتي سري في بير فيكم بيه واحد ما يجهر
تهلاو كامل فرواحكم نفرح نهار تجوني للقبر
حمد لله خاوتي ماتبكوش تفكرو خوكم مات يكبر
منها نتفكر لعزيزة قلبها دوكا راه يتقهر
نتمنى كامل تنجحو كما نتمنى بابا يصبر
بديتها راجل كملتها زوج مور الرجال ما نتنمر
قولو للي نويتها حلالي راني لدار الحق درت سْفَر

كتبت هذا ذات يوم وانا في غيبوبة واسمع كلام البروفيسور مع أخي أنني لن أعيش أكثر من ثلاثة اشهر وبعدها عشت وتغلبت على مرض خطير والحمد لله لذا لا تقنطو من رحمة الله.