Guemar TV

Appeler Itinéraire Site Web

Guemar TV �
قناة عبر منصات التواصل الاجتماعي الفايسبوك واليوتيوب والانستجرام نسعى من خلالها ايصال كل اخبار مدينة قمار ولاية الوادي

الف مبروك للاخوين عامر وصمد حذيق بمناسبة افتتاح محل القلعة لكماليات السيارات المحل مقابل متقنة عبد القادر الباجوري مرحبا...
21/08/2026

الف مبروك للاخوين عامر وصمد حذيق بمناسبة افتتاح محل القلعة لكماليات السيارات
المحل مقابل متقنة عبد القادر الباجوري
مرحبا بالجميع

نناشد أصحاب المحلات عدم بيع هذه المواد الخطيرة للأطفال المعروفة بروح الملح مع قروب المولد النبوي الشريف أيها الأب والأم ...
20/08/2026

نناشد أصحاب المحلات عدم بيع هذه المواد الخطيرة للأطفال المعروفة بروح الملح مع قروب المولد النبوي الشريف أيها الأب والأم قوموا بتوعية أولادكم وحافظوا عليهم من هذه المواد مثل روح الملح والكبريت أو مواد أخرى وتشمل نفس المخاطر لأنها تنفجر بدون إذن وفي أي لحظة مؤدية تشويه جسدي وخطر على حياتهم فانتبهوا إلى صغاركم..منقول
زيدو برطاجي جميعا

15/08/2026

زوالــي... هي الحالة لي نوصفو بيها حالة إنسان ڨدو ڨد الحال، ولا الإنسان لي يخدم باش يجيب حق العشاء لولادو، ويعيش بالحلال مهما كانت الظروف تاعو... كيما نقولو "يجيبها من فُـم السبع"، بلا ما يحاول يستعطف الناس...

تو ولينا نسمعوها طول، رجع لي ينوض يقلك أنا زوالي، وكاينة فئة تستعملها كَبطاقة تعريف... وهوما ماهمش زواولة أساسا...
ولينا نسمعوها فالشارع، السوق، المدرسة... تقريبا في كل بلاصة،

ولينا نشوفو ناس يديرو كل الممنوعات والمحرمات، ومبعد يتخباو تحت غطاء (راني زوالي)، ويبرّرو لرواحهم أفعال ما يتقبلهاش العقل..

السارق كي يشدوه يقلهم راني زوالي...
لي يبيع المخدرات يقلهم راني زوالي...
لي يتبلا بنات الناس يقلهم ما تبغوش الزوالي...
لي يشدوه يغش فالإمتحان يقلهم أنا زوالي...
و الأمثلة ما يخلاصوش... وهنا الغاية ما تبررش الوسيلة،
يعني السرقة، والتحرش، والتجارة بالمخدرات، ما عندهمش عذر وتبرير... فما بالك يكون العذر "أنا زوالي"

وكاين لي يروح يحوس على خدمة، يقلهم راني جاي نعاون الدار، وأنا زوالــي... أنا نشوفها ما عندهاش معنى وإذلال للنفس قبل ما تكون طلب للعمل، لأنو نتا جاي تخدم بعرقك، وهو راح يخلصك على جهدك وتعبك، وماش راح يدير فيك مزية، علجال مع الوقت يولي يحكمك من اليد لي توجع عند أول خطأ أو تهاون في العمل...

وفالأخير... حتى وتكون زوالي ما تحاولش تستعطف الناس، خلي روحك عزيزة، لأنو عزة النفس ما تتعوضش... والشكوى لربي سبحانو

بكل فخر وسعادة ندعوكم لحضور الافتتاح الرسمي لمحل✨ بهاء لمستلزمات الأفراح والأعراس ✨يسرّنا أن نشارككم بداية جديدة مليئة ب...
30/07/2026

بكل فخر وسعادة ندعوكم لحضور الافتتاح الرسمي لمحل
✨ بهاء لمستلزمات الأفراح والأعراس ✨

يسرّنا أن نشارككم بداية جديدة مليئة بالأناقة والتميز، ونرحب بكم لاكتشاف كل ما تحتاجونه لجعل أفراحكم أكثر جمالًا وتألقًا.

📅 موعد الافتتاح: السبت 01 أوت
🕕 الساعة: 06:30 مساءً

📍 العنوان: مقابل قوصة البويبة، بجانب مجمع العائلة.

حضوركم يشرفنا ويزيد فرحتنا، ونعدكم بتشكيلة مميزة من مستلزمات الأفراح والأعراس، بجودة عالية وأسعار تنافسية.

🌹 أهلًا وسهلًا بكم… وننتظر زيارتكم بكل سرور

21/07/2026

الوالدين اللِّي كانوا في يوم ما هوما السَّند تاعنا، ومصدر الأمان، كبروا اليوم وولاوا بحاجة لينا نكونوا ليهم سند، ونعطفوا عليهم، ونقدروا ظروف الكبر!

ولاو يسقسيو أسئلة بسيطة، ويحكيولنا حكايات حكاوهالنا من قبل، ويهدروا قليل، ويخدموا قليل، ويدبروا قليل، وجهدهم يشوفونا وحنا نكبروا ونعيشوا حياتنا!

المشكل أنو ياسر منا ميفهموش هاذ الاِنقلاب الطَّبيعي في الأدوار، وتبانلهم باللِّي والديهم ولاو مزعجين بطريقة ما؟ بصح في الحقيقة، الشِّي اللِّي قاعد يصرا، راهو تأثير الزَّمن على الإنسان بأكثر صورة طبيعية، وحتمية الكبر!

ما هوش الوقت باش نصححوهم، ولا باش نحاولوا نغيروهم! راهو الوقت باه نرافقوهم في هاذ المرحلة الحسَّاسة _لينا وليهم_ ونحتويهم كيما راهم، ونتقبّلوا دورنا الجديد، وكيما حملونا وحنا صغار، نحملوهم وهوما كبار!

"وَاخفِض لَهُمَا جَناحَ الذُّلِّ مِنَ الرَّحمَةِ وَقُلْ رَبِّ اِرحَمهُمَا كَمَا رَبَّيانِي صَغِيرًا." سورة الإسراء، الآية 24.

30/06/2026

هو مين باعلنا إننا جايين هنا نستريح؟
والله ما دار راحة ولا عمرها كانت
في آية بتصدمك في سورة البلد: ﴿لَقَدْ خَلَقْنَا الْإِنسَانَ فِي كَبَدٍ﴾
"كَبَدٍ" يعني مشقة وتعب وفرهدة. ده الكتالوج.. مش عيب تصنيع.

الوهم إنك مستني اليوم اللي "مشاكلك تخلص" عشان تبدأ تعيش. اليوم ده مش جاي. هتخلص من مشكلة، تدخل في اللي بعدها.
طول ما إنت بتعافر عشان توصل للراحة المطلقة، هتفضل تعيس. لأنك بتطلب حاجة مش من مواصفات المكان ده.

الراحة الحقيقية إنك تفهم الخلاصة:مثلا إنت في جيم، والليفل بيصعب مش بيسهل. والجايزة مش هنا.
بطل تسأل "ليه أنا تعبان؟". اسأل "أنا بتعلم إيه من التعب ده؟".
التعب اللي بوعي وانت فاهم بيصنعك، التعب اللي عالفاضي وانت مش فاهم بيكسرك ويضيعيكً اختار تتوجع صح.

30/06/2026

هل نقدر نحط ولدي في لاكراش ولا الروضة بلا مانحس بتأنيب الضمير ؟

أولا، مرناش نتحدثوا على ناس عندهم ظروف قاهرة وصعبة تفرض عليهم يخلو ولادهم فالروضة .. بل على الأغلبية اللي يستحسنو فكرة الروضة في السن المبكرة، بحجة انهم يخففو على رواحهم مسؤولية التربية وفي نفس الوقت باش يبنيو حياة اجتماعية لطفلهم ..

الفكرة هاذي فيها إنقاص من حق الطفل ونوع من الأذى ليه .. طبعا هذا الطفل مسؤولية والديه، والمسؤولية هاذي تفرض عليهم الأولى من راحتهم، وهو أنهم يربو وليدهم ويعطوه الحب والحنان ويتهلاو في صحته النفسية والجسدية وين الأب يخدم، يدبر راسو ويوفر متطلبات العيش الكريم .. أما الأم تتولى مهمة عاطفية بدرجة أولى ..

هذا الكلام هو رأي الكثير من العوائل، علاه كاين عائلات يخلو ولادهم في الروضة، عوض يكبر في وسط والديه وفي عائلة يعمها الحب والحنان والدفئ العائلي؟

قد يقول أحدهم، نحطوه فالروضة باش نخدمو عليه ونتهلاو فيه، بصح هذا التخمام ماتشوفوش بلي رح يخلي الطفل كي يكبر، يولي يعتقد ان وضع أحد والديه في دور العجزة محبة ليهم باش يخدم عليهم!
هي مجرد آراء، شاركونا إياكم في التعليقات .. كيفاه تشوفو الفكرة هادي هل هي صواب، أم تسلب حق من حقوق الطفل؟

⚠️ ماناش نتحدثوا على التعليم التحضيري، رانا نتحدثوا على الروضة لي نقولولها لاكراش، لي تحط وليدك فيها بسك ماكانش معامن يريح فالدار

27/06/2026

"ماكش راجل"، "فلان ماشي راجل"... ولات هاذ الكلمة تتقال كي صباح الخير.

بكري كانت تتقال للي ما عندوش كلمة، وما يوفيش بوعده، وللي يظلم المرأة ويحقرها، وللي ما يغيرش على عرضه ويتعدى على عرض غيره.. أما اليوم، تبدلت المفاهيم وولات كلمة "الرجولة" كل واحد يوزعها على حساب هواه.

اللي يدافع على مرتو كي تكون مظلومة يقولولو: "ماكش راجل"،واللي يعاونها في شغل الدار يقولولو: "ماكش راجل"، واللي يحترم الناس ويهدر بأدب وما يحبش المشاكل حتى هو يسمع نفس الكلمة، وإذا ماعجبهمش ستايل لبستك تاني ماكش راجل.

وفي المقابل، تلقى واحد قليل الأخلاق، كذاب، ظالم، يجرح الناس بكلامو، يخون الأمانة، ما يفيش بوعدو، ويستقوى على الضعيف... ويقولك "هذا هو الراجل!" وكأن الرجولة ولات تقاس بالقسوة، وبالهيبة المصطنعة، ماشي بالأخلاق والمروءة!

وفي ظل هدا كامل، شكون مدلك الحق باش تقيس رجولة إنسان بكلمة؟ تعرف واش راه يعيش، ولا كيفاش يطبق مبادئه، وبلاك عند ربي خير منك بألف مرة.. تخيل واحد تقولو سمين ولا ضعيف يزعف وما أدراك نقولو ماكش راجل.

الرجولة ماشي صوت عالي، وماشي قسوة، وماشي تحكم في الناس. الرجولة أمانة، وصدق، ومسؤولية، ورحمة، ومواقف ترضي الله قبل ما ترضي العبد.

قبل ما تقول لواحد "ماكش راجل"، سقسي روحك واش هو المعيار لي راك تحكم بيه؟ معيار رضاك عليه ولا معيار الدين؟

25/06/2026

ممكن تقول قريت وتعبت وما لقيتش خدمة، وممكن تقول بلادنا تمشي بالمعريفة، وممكن تقول النساء ولات تخدم أكثر من الرجال وأخذت جزء كبير من فرص العمل

هاذ الأعذار فيها جانب من الواقع، والمشاكل موجودة وما يقدر حتى واحد ينكرها

بصح لازم تنتبه لحقيقة راك غافل عليها الشيطان ما يجيكش ديما بكذبة صريحة، مرات يجيك بحقيقة، ومن بعد يبدا يضخمها في عقلك حتى تولي تشوفها أكبر من حجمها

يبقى يعاودهالك كل يوم: "ماكانش فايدة"، "علاش تتعب؟"، "الفرص ماكانش"، "الناس كامل خدموا بالمعريفة"، "أنت مستحيل تنجح"حتى يوصلك لمرحلة تحبس فيها السعي كامل، وتولي غير متفرج على حياتك وهي تضيع..

صح، ممكن تكون مظلوم في فرصة، وممكن ضاعت عليك مناصب بسبب أمور ما عندكش يد فيها، بصح هذا كامل ما يعفيكش من المسؤولية تاعك أمام الله

العمل والسعي عبادة، ونهار تلقى ربي سبحانه ما راحش يسقسيك علاش ما مدولكش فرصة، بقدر ما راح يسقسيك على عمرك وصحتك ووقتك فيما أفنيتهم

ياسر ناس ما يحبوش يسمعوها، بصح الحقيقة هي أنهم ماشي ضحايا ظروف فقط، بقدر ما سكنت في عقولهم عقلية "الحيطيست" وانتقاد الواقع، بصح الحيط ما يغيرش الواقع، وما يبنيش مستقبل، وما يجيبش الرزق وأنت متكي عليه

إذا كانت عندك أعذار واقعية، خذها بعين الاعتبار، لكن ما تخليهاش تتحول إلى قيود تربطك في بلاصتك سنوات طويلة

لأنو أخطر فشل ماشي أنك تحاول وما تنجحش...
أخطر فشل هو أنك تقتنع أنك ما لازمش تحاول أصلًا

24/06/2026

حي 19مارس يعاني من عدم وجود المياه بعد تركيب المشروع الجديد منذ15يوم

Adresse

19 مارس 1962
Guemar
39002

Téléphone

+213667587926

Site Web

Notifications

Soyez le premier à savoir et laissez-nous vous envoyer un courriel lorsque Guemar TV publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Catégorie