03/06/2026
الدخول فالتفاصيل على طول بالدارجة
مالا البارح درنا تبحيرة لشاطئ بني بلعيد الشرقي كما كان الحال هبطنا تبحرنا ايا حسينا بشوية عطش طلع صاحبي يشري قرعة ماء غير من تم من حدا مقر الحماية و الدرك الخاصين بحماية الشاطئ كانت غير الكافيتريا لي امام موقف السيارات مفتوحة و غير هو يبيع المياه حاليا. دخل صاحبي هز قرعة ماء فتحها و شرب و عطاه عشرين الف (200 دج ) رجعلو الصرف 130 دج تلطاش الف بالدارجة تاعنا قالو علاه تحسب فيها سبعلاف (70 دج ) قالو هدي اي بوقلاز و كاينة قديلة بستلاف برك 🙂 🤦♂️
قرعة ماء ستلاف و سبعلاف و زيد ماوش باردة 🤦♂️
الى مديرية التجارة و مديرية السياحة لولاية جيجل حنا كما قولنا باسم الله لموسم الاصطياف اهكذا يتم استقبال السياح بنهب جيوبهم و هدا ما سيستغله بعض الاطراف لضرب ولاية جيجل سياحيا و خدمة ولايات اخرى من اجل الترويج لولاياتهم
فوجب على مسؤولي ولاية جيجل من مديريتي التجارة و السياحة الضرب بيد من حديد لمن تسول له نفسه استغلال السياح و التلاعب بالاسعار امامه في شتى المجالات الصيفية
نتمنى منكم التحرك و انقاد الموسم قبل ان يُستحود و يُستغل من طرف الانتهازيين .
غيور على الولاية سياحيا 📸🙋🏻♂️
Photographe شويب أحسن 📸
