13/08/2026
وش راه صاري في حي البرارك!
هدرة راهي تدور ما نعرف اذا صح و لا غلاط، راهم يقولو من يوم 8 اوت كاين سارق راه يدخل للديور في وسط ليل و سرق شحال من دار و حاول يسرق اربع و لا خمس ديور و خطرة شافوه جراو موراه و هرب..
الناس راهي تبات نايضة تعس و خايفة!!
الحالة ماهيش تعجب مادام لحقت وين بنادم يدخل لحومة معروفة كيما لبرارك و كل يوم يعاود يرجع لنفس المكان و يسرق هاذي فيها و عليها...!
رسالة إلى شعب بني حواء، كونو فاطنين و خوذو حذركم الأمور ماراهيش كيما زمان، عوم و عس حوايجك، كي تدخل للدار أغلق الباب بالمفتاح ما دير لمان في حتى انسان لأنو بش لحقت يدخلو للمنازل و يحاولو يسرقو باين الحالة مبيوعة و فيها خيانة كبيرة من بعض اهل الحارة...
و نتمناو من السلطات الأمنية تكثف الدوريات ليلا في أغلب أحياء المدينة..
الله يجيب ساعة خير...
