Amin Djait Photography

02/06/2026

عرس خونا Pachichi ربي يهنيك ويباركلو في زواجو ان شاء الله ❤️

19/05/2026

السلام عليكم خاوتي ان شاء الله تكونو بخير علبلي راني غايب على لاباج هاد الايام على كل حال حبيت نقول وحد الملاحظة برك بما انو رانا مقبلين على موسم الاعراس وكيما عودناكم ككل مرة نخلوكم تتمتعو بالجودة لي نقدموها وعلى هادي حبيت نبه الناس برك على حكاية البارطاج تاع تصاور ولا ليفيدو فالصفحة اخي الكريم اذا متحبش نبارطاجيو صورتك او اي شي يخصك نبهنا من قبل لانو لو صح نبارطاجيها ومبعد تقلي نحيلي تصويرتي وهادي اغلبية (يديروها صحاب لعريس ) هاد الشي رح يضر الصفحة اكثر وهكدا رح ينقس استهداف الجمهور لانو الفيسبوك يعتبرو منشور غير مهم وهكدا تتنقص الشعبية تاع لاباج وتولي متطلعش عند اغلب ناس ولهدا لي محبش نحطو تصويرتو يقولنا من قبل ماشي حتى نحطوها وتولي تقلي سامحني وكدا وكدا وتحرجني ان شاء الله تكونو فهمتو قصدي ومرحبا بيكم عندنا ❤️

25/04/2026

الجزء الثاني
مقتطفات من حفل زواج الأخ #عصام 🥰
{ بارك الله لكما وبارك عليكما وجمع بينكما في خير }
𝙼𝙰𝙶𝙽𝙸𝙵𝙸𝚀𝚄𝙴 𝙼𝙰𝚁𝙸𝙰𝙶𝙴 𝙰𝙻𝙶𝙴𝚁𝙸𝙴𝙽

25/04/2026

من حفل #زواج الأخ عصام ربي يهنيه بارك الله لهما وبارك عليهما وجمع بينهما في خير ❤️
الألبوم الثاني ❤️

#اعراسكم #الأعراس #زواج #أعراس

10/04/2026

مع لي جات الصيف نقولو جا موسم الاعراس ومع لي جاو العراس وش يجي؟ باينة بعض الأفكار من الاعراس الأجنبية ولا عرس اجنبي كيما راهو، كيما مثلا البوكي تاع الورد لي تهزو العروسة في يدها كاش نهار سقسيت روحك كفاه حتى رجع عادة منتشرة ولاه يهزوه؟؟؟

نرجعو شوية لغابر الازمان و بالضبط للحضارتين الفرعونية واليونانية، وين كان عندهم ايمان كبير بالارواح الشريرة والحسد والحاجات لي يخلعو دزيريين, كانو يامنو بزاف بهاذي تاع فالعرس لازم تتحصن (التحصين تاعهم ماشي تاعنا) من الأرواح الشريرة لي تغير منك ولي قادرة تسببلك العقم والمشاكل الزوجية...

المهم واحد من الاباء الدينيين تاعهم وجعو راسو من كل دقيقة رايح يرقي فالعرسان تاعهم، قالهم جيبو اكليل الجبل (علاخاطر ريحتو قوية) والخزامى (علاخاطر ريحتها جميلة) والنعناع وديروهم في ربطة وحدة و مدوها للعروسة تهزها، بصح لاه؟

قالك باه الروائح القوية هذوك يطردو الأرواح الشريرة، وثاني في الديانات الوثنية القديمة الأعشاب هاذو كانو جزء من طقوس السحر (كانو يحرقوهم ويديرو فيهم السحر باه يرشوه ويطرد الأرواح الشريرة) وثاني الخزامى يرمز للنقاء يعني العروسة هاذي تبدى صفحة نظيفة مع زوجها ومن هنا نقدرو نقولو بدات الفكرة..

بصح الانتشار الفعلي تاعها كان في أوروبا وبالضبط بعد القرن 14 بعد انتشار الطاعون وين الناس ولاو يخافو يدوشو باه ما يمرضوش، وبالطبع العرايس ولاو يحشمو يحضرو عرسهم يفوحوا هيا قالولك باه نقصو الريحة العطرة علينا نجيبو بوكي ورد فيه بزاف ورود واعشاب عطرية نهزوه، من جهة نوليو شابين بيه ومن جهة نغطيو على الريحة.

وبالفعل انتشرت الفكرة بين الناس النظاف هذوك بسرعة كبيرة حتى ولات عادة للاعراس في كل العالم, و في نفس الفترة ظهرت فكرة ان العروس ترمي البوكي هذاك تاع الورد ماشي باه لي تشدو تتزوج لا، بل لان الورود العطرية كانت غالية وناقصة بزاف الوقت هذاك، هيا كانو العرايس لي رايحين يتزوجو بعد هذيك العروسة يتجمعو باه يتسابقو عليه و مايشريوش

وثاني فكرة لاروب بلونش جات من نفس العباد النظاف هذو، وين كانو يلبسو هذوك الفساتين لي كنا نشوفوا تاع العصر الفكتوري ماشي تجملا واناقة بل كانو يلبسوا طبقات بزاف باه يغطيو على الرائحة الكريهة لي تخرج من اجسامهم ومايطيحوش مالعود.

المهم المقال ماشي باه ماتلبسوش لاروب ولا ماتهزوش الورد، برك باه نعرفو بلي ماشي كل عادة جميلة ماضيها نظيف وثاني باه تعرف بلي الشعوب سهلة التأثر بالمغالطات.

06/04/2026

من حفل #زواج الأخ نافع ربي يهنيه بارك الله لهما وبارك عليهما وجمع بينهما في خير ❤️
الألبوم الثاني ❤️

#اعراسكم #الأعراس #زواج #أعراس

06/04/2026

من حفل #زواج الأخ نافع ربي يهنيه بارك الله لهما وبارك عليهما وجمع بينهما في خير ❤️
الألبوم الاول ❤️

#اعراسكم #الأعراس #زواج #أعراس

05/04/2026

04/04/2026

كي تعشق فخدمتك النتيجة تحكي عليك ❤️

#الأعراس #اعراسكم

01/04/2026

بداية حجوزات #الأعراس لهذا الصيف مع Dream Studio ❤️
قالك يراطي لي مخدمش عندنا هاد العام 😁😁😁😁