31/12/2021
ومتل اي سنه بنهايتا بدك تصفن ولو للحظات قليله..
انه هالسنه خلصت و جايه سنه جديده ، كيف رح تكون ؟ وأصلاً كيف مضت السنه الي قبلا ؟ شو عملت فيها ؟ وشو كان في الك ذكريات معا..
كتير اسئله رح تمرق وكتير اجوبه رح تلاقيها عم تتكرر متل السنه الي قبلا والي قبل قبل قبل قبلا..
وكتير اجوبه رح تكتشف انها جديده و صار في تغيير كبير حتّى تغير هالقد الجواب..
كتير مواقف وكتير ناس و كتير احداث وكتير ذكريات..
بس بتعرف شو..
انه منيح هالحطو التقويم ، قررو انه في مده محدده طويله شوي لـ بدايه و نهايه كل سنه ..
لان اذا كنت من الناس الي بينتظرو مناسبه حتى يحكو شي او يفكرو بشي او يعملو اي شي ، فـ هنن عملولك مناسبه ..
وبطل فيك تقول انه ما صار مناسبه حتى احكي ، واعمل ، وفكر..
يعني مناسبه وفي ، نهايه سنه غالباً كانت عليك صعبه في ، بدايه سنه جديده ع القليله بتستجمع بمناسبه البدايه شويه طاقه و امل..كمان في..
فـ يعني شي سنه لازم يكون كل شي متل ما تمنيتو شي مره بشي راس سنه مضى..
طالما انت عم تحاول تسعى الو ، وحتى لو بالنهايه ما هيك صار ولا صار متل ما تمنّطيت..
بتكون قادر تقعد بشي نهايه سنه جايه وتتذكر انك حاولت وبعد فيك ترجع تحاول..✨💙
- ميلاد مجيد بالبدايه ، و سنه جديده جايه نأمل انه تكون متل ما لازم تكون..💙
❥✿ ❥✿
