03/11/2026
🔷️🔸️ ලොවක් කම්පාකල Learjet 60 අනතුර. 😉
පහුගිය නොවැම්බර් 1 වෙනිදා ඇමරිකාවේ Texas ප්රාන්තයේ Austin වල ඉදන් Bahamas වලට යමින් තිබුණු Learjet 60 යානයක් (pic1) අකුණු සරයක වේගයෙන් පතිත වෙන වීඩියෝ එක ගොඩ දෙනෙක් දකින්න ඇති. ඒ මොහොතේ යානය හා මෙහෙයුම් පාලන මද්යස්තානය අතර ඇතිවුන සංවාදය ඊට වඩා බොහෝ සංවේදී එකක්. එක තමයි මේ සසරේ තියෙන ලොකුම බය නැත්නම් මරණ බය උපරිම දණුනු මොහොතක 😢😢😢
🔷️🔸️ නොපැතූ ඉරනම
ඉතින් මේක ඇතුලේ අවුරුදු 2ක් හා 4ක් වයසැති පොඩ්ඩෝ දෙන්නෙකුත් හිටිය කිවුවොත් මොකද හිතෙන්නේ. ඒ එයාලගේ දෙමාපියන් වෙච්ච Adam Robinson නමැති තාක්ෂණික ව්යවසායකයා හා Helen Sharp (Pic 2). සිද්දියෙන් 4 දෙනාම ජිවිතක්ෂයට පත වෙනවා. ඊට අමතරව යානයේ ගමන් ගත් තවත් 5 දෙනෙක් (නියමුවා හා සහය නියමුවා ඇතුළුව) සිද්දියෙන් ජිවිතක්ෂයට පත් වෙනවා. ඉතින් බලමු මේ අනතුර කොහොම වෙන්න ඇතිද කියල.
🔷️🔸️ 20 හැවිරිදි සහය නියමු වරිය.
මෙතැනදී මතු වුන එක ප්රධාන කාරණාවක් තමයි මේ Nathalia Filgueiras (Pic 3) කියන තරුණ අත් දැකීම අඩු සහය නියමු වරිය. ඇය තමන්ගේ pilot's license එක අරන් තියෙන්නේ වයස 17දී. ඇය තමයි අවසන් මොහොතේ පාලන මද්යස්ථානය සමග පණිවිඩ හුවමාරු කර ගන්නේ. අයගේ අවසන් පණිවිඩය වන්නේ " අපි අංශක 60ක කෝණයකින් මිනිත්තුවකට අඩි 22000 ක් පහල වැටෙමින් පවතින්" කියන එක. මේ වචන ටික අවසන් වෙන ස්වරයෙන් කියන්න පුළුවන් ඇය කොතරම් තැති ගැන්මකින් හිටියද කියන එක. කොහොම වෙතත් යානයේ පාලනය කලේ ප්රධාන නියමු විදියට හිටපු 55 වියැති Gregory. සංවාදය පුරා ඔහුගෙන් කිසි වචනයක් නොමැති වීමත් විශේෂයි.
🔷️🔸️ ඇත්තටම මොකද උනේ ?
යානය මේ අනතුර වෙන්න මොහොතකට පෙර අවසර ඉල්ලා සිටිනවා අඩි 37000 දක්වා යානය ඉහලට ගන්න. ඒ මොහොතේ කරන වාර්තා කිරීම තමයි පිටත වායු උෂ්ණත්වය සෙල්සියස් අංශක -47ක් බවත්, මධ්යස්ථ මට්ටමේ වායු කැළඹිලි (turbulence) හේතුවෙන් යානය අඩි 700ක් දක්වා ඉහළට හා පහළට විසි වන බව. අවස්ථාවේදී ගුවන් යානය මත අයිස් තැන්පත් වෙමින් පවතින බවත් වාර්තා කර තිබුනත් එක පාලනය කල හැකි මට්ටමින් බව. මෙන්න මෙතැන ඉදන් තමයි සිද්දිය පටන් ගන්නේ ඒ යානය ඉහලට ගැනීමත් එක්ක යානයේ තිරස් ස්ථායිතාව බිදී ගොස් පහලට එන්න ගැනීම.
🔷️🔸️ horizontal stabilizer එක මිසින්ද ?
කොහොම හරි දැනට තියෙන විශ්ලේෂණ අනුව යානයේ horizontal stabilizer එකට යම් හානියක් වෙලා තියෙනවා කියල පැවසෙනවා. එක ට එක සාක්ෂියක් තමයි ඔය (pic 4) අවසන් මොහොතේ යානයේ horizontal stabilizer එක නැහැ වගේ තමයි පෙනේනෙන්. ඉතින් එහෙම උනහම Pitch එකයි stability එකයි තියාගන්න අමාරුයි විශේෂයෙන්ම turbulence හින්ද අඩි 600ක් 700ක් ඉහල පහල විසි වෙන කොට. ගොඩක් වෙලාවට අනතුරට හේතුව එක වෙන්න ඇති කියල තමයි හිතන්නේ.
🔷️🔸️ ට්රුම්ප් ගේ දොරකඩ
තව එක විශේෂයක් තියෙනවා , ඒ තමයි මේ අනතුර උනේ වත්මන් ජනපති උන ට්රම්ප් මහත්තයාගේ Mar-A-Lago resort එක වගේම මෑතකදී ජනාධිපති ඩොනල්ඩ් ට්රම්ප්ගේ නමින් නම් කරන ලද වෙස්ට් පාම් බීච් (West Palm Beach) හි පිහිටි ගුවන් තොටුපළේ සිට සැතපුම් කිහිපයක් දුරින් වීම. (pic 5)
ඉතින් ඔය (pic 6) පෙන්නා තියෙන්නේ සියල්ලේ අවසානය Learjet 60 යානය හා එහි ගමන් ගත් 9 දෙනෙකුගේ. ඉතින් ඒ සියලු දෙනාට මතු කිසිම භවයක මෙවන් විපතක් නොවේවා කියන එක තමයි අපේ පැතුම 🙏😢🙏
