03/09/2026
Selebrando e gran apertura di su tienda nobo
Digicel Kòrsou ku promoshon na su tienda den Sambil
WILLEMSTAD, Curaçao: Djamars último Digicel Kòrsou a habri ofisialmente e portanan di su tienda nobo na Sambil Mall, ofresiendo su klientenan un destinashon nobo pa servisio di telefòn selular, konektividat i internèt di Kas. E tienda nobo, situá konvinientemente den Sambil Mall, ta remplasá e ‘booth’ aktual di Digicel na Sambil i tambe e lokalidat di Digicel Brionplein, kreando un eksperensia di benta sentralisá pa klientenan. E apertura ta wòrdu marká ku promoshonnan spesial diseñá pa duna klientenan un motibu adishonal pa bish*tá e tienda nobo durante e promé dianan.
E gran apertura ta bini ku ofertanan di tempu limitá den tur servisio di Digicel. Klientenan Prepago ta promé den liña pa rekompensa spesial: e promé 100 klientenan ku rekargá XCG 10 por risibí 10GB di data bónus, basta nan tin un plan di data aktivo i data disponibel na momentu di rekargá. Klientenan sin un plan di data aktivo ta risibí un plan di 10GB di 1 dia grátis. Mientrastantu, klientenan ku ta inskribí pa kualke plan di ‘Postpaid Connect’ lo partisipá outomátikamente pa un chèns di gana 6 luna di Postpaid grátis. E promoshonnan ta duna tantu klientenan eksistente komo esnan nobo un oportunidat pa saka mas di nan eksperensia di Digicel awor ku e lokalidat nobo di Sambil ta habrí ofisialmente.
E selebrashon ta kontinuá henter siman di apertura ku un oportunidat spesial pa klientenan di ‘Home Internet’. Tur hende ku bish*tá Digicel su tienda na Sambil i aboná na e servisio di ‘Home Internet’ entre 1 di sèptèmber i 8 di sèptèmber 2026, lo partisipá outomátikamente pa un chèns di gana 6 luna di internèt pa kas grátis. E tienda nobo lo ta habrí di djadumingu pa djaweps di 11:00 a.m. pa 8:00 p.m. i djabièrnè i djasabra di 11:00 a.m. pa 9:00 p.m. Awor ku su lokalidat nobo nèt banda di Extreme Zone den Sambil Mall, Digicel ta invitá klientenan pa hasi e tienda nobo nan destinashon pa konektividat, servisio i ofertanan spesial den e siman di apertura i na tur momentu!
