De SGR-Groep

De SGR-Groep Contactgegevens, kaart en routebeschrijving, contactformulier, openingstijden, diensten, beoordelingen, foto's, video's en aankondigingen van De SGR-Groep, Prinsenlaan 5, Emmastad.

De SGR-Groep ta mira bèk riba un tremendo Feria di Trabou. Bish*tantenan a haña un bon bista di tur loke nos tin di ofre...
01/07/2026

De SGR-Groep ta mira bèk riba un tremendo Feria di Trabou. Bish*tantenan a haña un bon bista di tur loke nos tin di ofresé na vakatura. Públiko a mustra bastante interes den e diferente funshonnan habrí.

"𝐌𝐢 𝐭𝐚 𝐡𝐚ñ𝐚 𝐮𝐧 𝐬𝐚𝐭𝐢𝐬𝐟𝐚𝐤𝐬𝐡𝐨𝐧 𝐞𝐧𝐨𝐫𝐦𝐞 𝐨𝐫𝐚 𝐦𝐢 𝐦𝐢𝐫𝐚 𝐚𝐝𝐞𝐥𝐚𝐧𝐭𝐨 𝐢 𝐠𝐫𝐚𝐭𝐢𝐭𝐮𝐭 𝐬𝐞𝐫𝐤𝐚 𝐦𝐢 𝐩𝐚𝐬𝐡è𝐧𝐭𝐧𝐚𝐧...""Ami ta Rosetta Salazar-de Pa...
27/06/2026

"𝐌𝐢 𝐭𝐚 𝐡𝐚ñ𝐚 𝐮𝐧 𝐬𝐚𝐭𝐢𝐬𝐟𝐚𝐤𝐬𝐡𝐨𝐧 𝐞𝐧𝐨𝐫𝐦𝐞 𝐨𝐫𝐚 𝐦𝐢 𝐦𝐢𝐫𝐚 𝐚𝐝𝐞𝐥𝐚𝐧𝐭𝐨 𝐢 𝐠𝐫𝐚𝐭𝐢𝐭𝐮𝐭 𝐬𝐞𝐫𝐤𝐚 𝐦𝐢 𝐩𝐚𝐬𝐡è𝐧𝐭𝐧𝐚𝐧..."

"Ami ta Rosetta Salazar-de Pascale, un di e 4 ergotherapeutnan ku ta trahando aktualmente na Revalidatie Centrum Curaçao (RCC). Otro aña mi ta hasi 25 aña laborando den e funshon akí.

Nos ta traha den un tim multidisiplinario ku otro profeshonalnan manera dòkter, fisioterapista, logopedista, sikólogo, trahadó sosial i enfermeronan. Nos ta traha ku nos klientenan pa nan ta mas independiente ku ta posibel den nos komunidat teniendo kuenta ku nan limitashonnan. E limitashonnan akí a surgi sea ta na ora di nasementu òf ta algu ku nan a haña despues den bida.

Loke mi ta gusta di mi trabou ta;
- Ku nos ta un team dinámiko, ku koleganan di diferente edat i 'background' di estudio.
- Nos por komuniká bon ku otro, i tur hende ta habrí pa tuma 'feedback' pa progreso di nos profeshon i pa e bienestar di nos pashèntnan.
- Nos ta haña oportunidat pa sigui kurso i bai kongresonan ku ta sigui amplia nos konosementu profeshonal.
- Nos ta trata un kantidat grandi i variá di diferente diagnóstikonan.
- E pashèntnan ta bira manera un amistat te asta famia di bo, dependé kon largu nan temporada di rehabilitashon ta.
- Nos ta sòru pa tantu e pashèntnan i nan famia ta sinti nan trankil i kontentu serka nos. I nos ta dediká na duna e mihó kuido i trato.

Mi ta haña un satisfakshon enorme ora mi mira adelanto i gratitut serka mi pashèntnan. Nan ta duna bo e motivashon di lanta tur dia di nobo p’abo bai bo trabou. Hopi biaha e palabra 'Danki' manera nan ta bisa to poko pa nan ekspresá nan sentimentu di apresio.

Mi ke ekstendé un invitashon personal na abo si bo ta sinti bo yamá pa bin traha na nos sentro di rehabilitashon. Nos feria di trabou lo ta awe 27 di yüni. Na RCC tin diferente vakatura manera pa fisioterapista i logopedista. Pasa tuma informashon!"

“𝐄𝐥𝐞𝐤𝐭𝐫𝐨, 𝐁𝐨𝐮𝐰... 𝐢 𝐮𝐧 𝐤𝐮𝐫𝐚𝐬ó𝐧 𝐩𝐚 𝐤𝐮𝐢𝐝𝐨. 𝐋𝐨𝐤𝐞 𝐛𝐨 𝐭𝐚 𝐬𝐢ñ𝐚 𝐚𝐤í, 𝐛𝐨 𝐧𝐨 𝐭𝐚 𝐡𝐚ñé 𝐝𝐞𝐧 𝐛𝐮𝐤𝐢...”"Mi nòmber ta Dioris Magdalena...
26/06/2026

“𝐄𝐥𝐞𝐤𝐭𝐫𝐨, 𝐁𝐨𝐮𝐰... 𝐢 𝐮𝐧 𝐤𝐮𝐫𝐚𝐬ó𝐧 𝐩𝐚 𝐤𝐮𝐢𝐝𝐨. 𝐋𝐨𝐤𝐞 𝐛𝐨 𝐭𝐚 𝐬𝐢ñ𝐚 𝐚𝐤í, 𝐛𝐨 𝐧𝐨 𝐭𝐚 𝐡𝐚ñé 𝐝𝐞𝐧 𝐛𝐮𝐤𝐢...”

"Mi nòmber ta Dioris Magdalena i mi tin un aña ta traha komo Medewerker Technisch Onderhoud na De SGR-Groep, kaminda mi ta hasi mantenshon general (all-around onderhoud).

Mi ta haña mi trabou ‘great’ ta pasobra tur dia ta diferente. Ora mi yega mainta, nos ta haña diferente tarea pa bai atendé. Nos ta kuminsá ku e kasonan urgente promé i despues e trabounan di ménos urgensia. For di solushoná un ‘verstopping’ te na atende un ‘storing’ di koriente, kambia pera di lus, òf drecha fèn di un kliente... tur mi ta hasi ku mashá smak pa e kliente. Banda di e hasi trabounan na e kasnan i pasadia di e klientenan, nos ta hasi trabou na e kantornan tambe i e otro edifisionan.

Loke ta hasi mi trabou realmente ‘great’ ta e kombinashon úniko entre téknika i kuido. Ora bo studia ‘Bouw’ òf ‘Elektro’, kuido ta parse un asuntu totalmente diferente, e otro banda di medaya. Den kuido bo ta usa bo konosementu i talento pero bo tin ku duna èkstra. E kliente ta dependé di bo trabou i bo kalidat.

Normalmente, si un pera di lus kima òf un fèn daña na bo kas, bo mes ta subí drech’é. Pero nos klientenan no por hasi esei. P’esei e trabou ku nos di e tim di Facilities ta hasi ta asina krusial.

Loke ta mas bunita ta e relashon ku e klientenan. Nan ta komprondé bo super bon. Ora mi bai traha na e kasnan, nos ta kombersá tambe. Tin biaha nan mes ta guia bo! Nan ta bisa bo: “Ei, akí bo mester bin, e lus den ‘gang’ a kima!” E interakshon ei ta duna un satisfakshon enorme.

Mi ke invitá prinsipalmente personanan ku a studia ‘Bouw’ òf ‘Elektro’ pa bin tende mas di traha den kuido na nos feria di trabou. Apesar ku ta un otro sektor for di loke bo a studia, un trabou den kuido ta amplia bo konosementu na un forma ku bo no ta siña na skol. Bo ta desaroyá bo parti sosial i bo ta sinti e satisfakshon di por aliviá i yuda un kliente ku desabilidat."

"𝐌𝐢 𝐭𝐫𝐚𝐛𝐨𝐮 𝐭𝐚 𝐝𝐮𝐧𝐚 𝐦𝐢 𝐡𝐨𝐩𝐢 𝐬𝐚𝐭𝐢𝐬𝐟𝐚𝐤𝐬𝐡𝐨𝐧... 𝐦𝐞𝐬𝐤𝐨𝐬 𝐤𝐮 𝐦𝐢 𝐨𝐭𝐫𝐨 𝐩𝐚𝐬𝐡𝐨𝐧: 𝐅𝐮𝐭𝐛ò𝐥""Mi nòmber ta Rowendy Sumter. Mi ta traha na...
25/06/2026

"𝐌𝐢 𝐭𝐫𝐚𝐛𝐨𝐮 𝐭𝐚 𝐝𝐮𝐧𝐚 𝐦𝐢 𝐡𝐨𝐩𝐢 𝐬𝐚𝐭𝐢𝐬𝐟𝐚𝐤𝐬𝐡𝐨𝐧... 𝐦𝐞𝐬𝐤𝐨𝐬 𝐤𝐮 𝐦𝐢 𝐨𝐭𝐫𝐨 𝐩𝐚𝐬𝐡𝐨𝐧: 𝐅𝐮𝐭𝐛ò𝐥"

"Mi nòmber ta Rowendy Sumter. Mi ta traha na De SGR-Groep Fundashon Verriet for di 2015. For di chikí mi a eksperensiá un famia ku tabata keda na MGR. Verriet i mi a disidí: "Einan mi ker traha ora mi bira grandi!". Mi karera na De SGR-Groep a kuminsá ku mi stazje i te ku awe mi ta traha na e departamentu C1 ‘verpleegunit’.
Mi stima mi trabou i tur dia mi ta na trabou maske kiko ku pasa. Mi ta bin trabou pa mi klientenen ku tin mester di mi kuido i amor. 'Anytime' ku nan yama mi, mi tei. Den e trabou akí bo mester traha ku atenshon pa e klientenan, pa bo por siña konosé nan i asina bo por yega na komprondé nan.

𝐁𝐨 𝐬𝐚 𝐤𝐮 𝐝𝐞𝐬𝐩𝐮𝐞𝐬 𝐤𝐮 𝐦𝐢 𝐭𝐮𝐦𝐚 𝐮𝐧 𝐝𝐢𝐚 𝐥𝐢𝐛𝐞𝐫 𝐢 𝐬𝐮 𝐬𝐢𝐠𝐮𝐢𝐞𝐧𝐭𝐞 𝐝𝐢𝐚 𝐦𝐢 𝐲𝐞𝐠𝐚 𝐭𝐫𝐚𝐛𝐨𝐮 𝐞 𝐤𝐥𝐢𝐞𝐧𝐭𝐞𝐧𝐚𝐧 𝐭𝐚 𝐩𝐮𝐧𝐭𝐫𝐚 𝐦𝐢: “𝐤𝐨𝐧𝐭𝐚 𝐤𝐮 𝐛𝐨? 𝐁𝐨 𝐭𝐚 𝐛𝐨𝐧? 𝐁𝐨 𝐚 𝐤𝐨𝐦𝐞?”. 𝐄 𝐤𝐥𝐢𝐞𝐧𝐭𝐞𝐧𝐚𝐧 𝐤𝐮 𝐦𝐢 𝐭𝐚 𝐭𝐫𝐚𝐡𝐚 𝐤𝐮 𝐧’𝐞 𝐭𝐚 𝐥𝐚𝐠𝐚 𝐦𝐢 𝐬𝐢𝐧𝐭𝐢 𝐦𝐢 𝐦𝐞𝐬 𝐨𝐧𝐫á! ⁣

Banda di mi trabou na Fundashon Verriet, mi ta boluntario tambe den e agrupashon musikal Streanan di Oro. Un grupo musikal di personanan ku un desabilidat. Mi ta haña dushi pa hasi e trabou akí!

Mi trabou ta duna mi hopi satisfikashon. Meskos ku mi otro pashon...futbòl! Awe ta un dia grandi pa Kòrsou! Pa nos tim nashonal. Mi ta forma parti di e staf di e tim nashonal. Ei mi ta hasi mi trabou ku mes disiplina i amor, ku ora mi ta traha ku e habitantenan di C1. Henter e selekshon ta traha ku amor, disiplina i dedikashon.
⁣
𝐅𝐮𝐭𝐛ò𝐥 𝐢 𝐤𝐮𝐢𝐝𝐨: 𝐭𝐮𝐫 𝐝𝐨𝐬 𝐞 𝐭𝐫𝐚𝐛𝐨𝐮𝐧𝐚𝐧 𝐚𝐤í 𝐚 𝐲𝐮𝐝𝐚 𝐦𝐢 𝐤𝐫𝐞𝐬𝐞 𝐢 𝐟𝐨𝐫𝐦𝐚 𝐞 𝐩𝐞𝐫𝐬𝐨𝐧𝐚 𝐤𝐮 𝐦𝐢 𝐭𝐚 𝐚𝐰𝐞. 𝐌'𝐚 𝐬𝐢𝐧̃𝐚 𝐝𝐢𝐬𝐢𝐩𝐥𝐢𝐧𝐚, 𝐫è𝐬𝐩è𝐭, 𝐩𝐨𝐬𝐢𝐭𝐢𝐯𝐢𝐬𝐦𝐨 𝐢 𝐭𝐞𝐢 𝐬𝐞𝐦𝐩𝐞𝐫 𝐤𝐥𝐚 𝐩𝐚 𝐲𝐮𝐝𝐚 𝐨𝐭𝐫𝐨. ⁣

Mi ke invitá bo pa bin De SGR-Groep su feria di trabou. Nos mester di trahadó. Bin pa bo tambe duna un granito, pasó nos tur tin hopi kualidat. Huntu nos por elevá nos mes tur dia di nobo. Manera awe nos ta mira den komunidat di Kòrsou: union ta hasi forsa huntu ku nos selekshon di futbòl Blue Wave."

"𝐊𝐚𝐝𝐚 𝐤𝐥𝐢𝐞𝐧𝐭𝐞 𝐭𝐚 ú𝐧𝐢𝐤𝐨, 𝐢 𝐞 𝐤𝐨𝐧𝐟𝐢𝐚𝐧𝐬𝐚 𝐤𝐮 𝐧𝐚𝐧 𝐭𝐚 𝐝𝐮𝐧𝐚 𝐦𝐢 𝐭𝐚 𝐦𝐢 𝐦𝐚𝐲𝐨𝐫 𝐞𝐧𝐞𝐫𝐠𝐢𝐚...""Ami ta Damas Sergile. E aña akí mi ta ku...
24/06/2026

"𝐊𝐚𝐝𝐚 𝐤𝐥𝐢𝐞𝐧𝐭𝐞 𝐭𝐚 ú𝐧𝐢𝐤𝐨, 𝐢 𝐞 𝐤𝐨𝐧𝐟𝐢𝐚𝐧𝐬𝐚 𝐤𝐮 𝐧𝐚𝐧 𝐭𝐚 𝐝𝐮𝐧𝐚 𝐦𝐢 𝐭𝐚 𝐦𝐢 𝐦𝐚𝐲𝐨𝐫 𝐞𝐧𝐞𝐫𝐠𝐢𝐚..."

"Ami ta Damas Sergile. E aña akí mi ta kumpli no ménos ku 11 aña na De SGR-Groep Fundashon Verriet! Durante tur e añanan akí, loke a kuminsá komo un trabou a transformá den un gran pashon. Pa mi, no tin nada mas bunita ku kontribuí na e bienestar i desaroyo di nos klientenan, kada un segun nan propio nesesidatnan.

Aktualmente mi ta fungi komo Programa Begeleider (PB) na e departamentu di EMG & Dagbesteding Mi Abilidat. Si bo puntra mi pakiko mi ta stima mi trabou, e kontesta ta simpel:

E dinámika i variashon. Niun dia no ta meskos. Mi gusta mi tim i nos ta traha hopi bon ku otro. E ambiente di trabou akí ta stimulá mi tur dia pa mi sigui krese komo profeshonal. Mi ta gusta tambe ku mi por 'coach' mi koleganan i ku nos por traha huntu pa halsa e kalidat di kuido pa nos klientenan.

Bo sa... kada un di nos klientenan ta úniko. Nan tur meresé un enfoke personalisá, adaptá na nan mes nesesidat i posibilidatnan. Ora bo mira e progreso ei, i ora bo sinti e apresio i e konfiansa ku nan ta duna bo... esei ta duna bo un "boost" di energia pa sigui duna lo mihó di bo mes tur dia!"

"𝐎𝐫𝐚 𝐛𝐨 𝐲𝐞𝐠𝐚 𝐩𝐚𝐫𝐤𝐞𝐫, 𝐲𝐚 𝐧𝐚𝐧 𝐭𝐚 𝐠𝐫𝐢𝐭𝐚 𝐛𝐨 𝐧ò𝐦𝐛𝐞𝐫 𝐤𝐚𝐛𝐚...""Mi nòmber ta Dayene Muzo Marten, i dia 1 di yüli awor mi ta kump...
23/06/2026

"𝐎𝐫𝐚 𝐛𝐨 𝐲𝐞𝐠𝐚 𝐩𝐚𝐫𝐤𝐞𝐫, 𝐲𝐚 𝐧𝐚𝐧 𝐭𝐚 𝐠𝐫𝐢𝐭𝐚 𝐛𝐨 𝐧ò𝐦𝐛𝐞𝐫 𝐤𝐚𝐛𝐚..."

"Mi nòmber ta Dayene Muzo Marten, i dia 1 di yüli awor mi ta kumpli 6 aña den servisio na De SGR-Groep Fundashon Verriet. Mi trabou den kuido a kuminsá den centrale flexpool, kaminda mi a traha na tur departamentu di Fundashon Verriet—asta den nachtdienst i slaapdienst. Aworakí, mi ta traha den e flexpool fiho pa kuater kas na Emmastad, kaminda nos ta duna amor i kuido na klientenan ku un desabilidat ku tin problema ku komportashon.

Loke mi ta gusta di mi trabou ta ku e no ta laf òf monótono:
- Tur dia tin un reto nobo.
- Tur dia tin un komportashon diferente.
- Tur dia bo ta siña un kos nobo

Ora mi yega trabou mainta mi ta pensa: “Kiko mas mi por hasi awe pa yuda e kliente akí?” I esei... esei ta loke ta duna mi e satisfakshon di mas grandi.

Traha den kuido pa personanan ku desabilidat ta nifiká ku bo tin ku bira e partner di bida di e kliente. Bo mester ta un man pa kore e rolstùl, un oido pa esun ku no por tende bon, i e boka pa papia pa esun ku no por splika bon. Ora un kliente no por mira òf papia, abo mester usa bo propio sentidonan pa opservá i yud’é.

Hopi biaha nan no por bisá bo ‘danki’ ku palabra. Pero nan kara kontentu òf e simpel echo ku ora bo baha na 'parkeerplaats' kaba nan ta grita bo nòmber ku alegria, ta e mihó pago. E amor ei ku bo ta risibí ora un kliente bini serka bo i bisá bo: “Bin serka mi, mi stima bo”... esei no tin preis.

Bo ke eksperensiá kiko ta berdadero satisfakshon den bo trabou?
‘Mi ke invitá bo bin bish*tá nos Job Fair dia 27 di yüni awor! Si bo no a purba, lo bo no sa nunka. Abo tambe tin e chèns pa hasi un diferensia tur dia."

Traha den kuido di rehabilitashon ta algu pa bo? Revalidatie Curacao ta buskando un enfermera/o ku ta traha ku dedikasho...
22/06/2026

Traha den kuido di rehabilitashon ta algu pa bo?

Revalidatie Curacao ta buskando un enfermera/o ku ta traha ku dedikashon i profeshonalismo.

Bo ke sa mas? Chèk e vakatura riba https://www.sgr-groep.org/nl/verpleegkundige

Bo tin pashon pa komunikashon? Bo ta un spesialista di komunikashon kreativo i bo ke usa bo abilidatnan di komunikashon ...
16/06/2026

Bo tin pashon pa komunikashon? Bo ta un spesialista di komunikashon kreativo i bo ke usa bo abilidatnan di komunikashon pa kontribuí na kuido i bienestar di hende na Kòrsou? Awèl ta abo nos ta buskando!

Pa sostené nos Mènedjer di PR & Commmunicatie, nos ta buskando mesora un PR & Communicatiemedewerker. Chèk e vakatura riba nos wèpsait: https://www.sgr-groep.org/nl/pr-communicatiemedewerker-0

📍 Kòrsou
🕒 32 - 40 ora pa siman
📣 Komunikashon interno & eksterno
🎨 Kreashon di kontenido | Medionan sosial | Eventonan

Interesá? Manda bo karta i CV na [email protected]!

Un trabou den kuido ta algu pa bo? Bo ta keda kordialmente invitá na De SGR-Groep su feria di trabou!!! Chèk nos 'flyer'...
10/06/2026

Un trabou den kuido ta algu pa bo? Bo ta keda kordialmente invitá na De SGR-Groep su feria di trabou!!! Chèk nos 'flyer' pa mas informashon!

Adres

Prinsenlaan 5
Emmastad

Telefoon

7367600

Website

Meldingen

Wees de eerste die het weet en laat ons u een e-mail sturen wanneer De SGR-Groep nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact

Stuur een bericht naar De SGR-Groep:

Snelkoppelingen

Delen