17/09/2026
بیرون ملک میں مقیم تمام پاکستانی بھائیوں سے ایک گزارش
آج ایک ویڈیو نظر سے گزری جس کا ٹائٹل انتہائی غیر مناسب الفاظ میں لکھا گیا تھا، اور اس میں راہ چلتی لڑکیوں کے پیچھے سے ویڈیو بنائی گئی تھی۔ کیپشن میں "اچھا مال مل جاتا ہے ادھر سے" جیسے الفاظ استعمال کیے گئے تھے۔
ایسی حرکت نہ صرف اخلاقی طور پر غلط ہے بلکہ یہاں چین میں یہ ہراسمنٹ (Harassment) کے زمرے میں آتی ہے، جس پر قانونی کارروائی بھی ہو سکتی ہے۔
میں کسی کی ذاتی شناخت ظاہر نہیں کرنا چاہتا، مقصد صرف اصلاح ہے۔
ہم سب یہاں اپنے ملک کے سفیر ہیں۔ خدارا باہر نکلیں تو اپنی تربیت اور اپنے ملک کی عزت کا خیال رکھیں۔
کسی بھی خاتون کی اجازت کے بغیر اس کی ویڈیو بنانا ہراسمنٹ ہے۔
ایسی ویڈیوز پر اس طرح کے غلیظ کیپشن لگانا نہ صرف اس خاتون کی بلکہ اپنی ماں، بہن اور اپنے پورے ملک کی عزت کو پامال کرنے کے مترادف ہے۔
آپ کی ایک غلط حرکت کی وجہ سے یہاں مقیم تمام پاکستانیوں کے بارے میں غلط تاثر بنتا ہے۔
اگر آپ کو کنٹینٹ ہی بنانا ہے تو مثبت اور باعزت کنٹینٹ بنائیں۔ ایسی اوچھی حرکتوں سے پرہیز کریں۔
امید ہے سب بھائی اس بات کو مثبت انداز میں لیں گے۔ شکریہ۔
