07/07/2026
Bi Imageway staht normalerwiis ,,Mir'' im Mittelpunkt. Hüt möcht ich aber ganz bewusst es paar persönlichi Wort schriebe. Liebe Mattia, liebe Jarno, ich chönt nid stolzer uf euch si. ❤️
Vor drü Jahr hend ihr euchi Reis bi Imageway ahgfange. I dere Zit hemmer gmeinsam unglaublich viel erlebt. Mir hend glacht, glernt, Herusforderige gmeisteret und au mal diskutiert. Gnau die Moment hend euch zu dene tolle Bruefslüüt gmacht, wo ihr hüt sind. 📷
Das ihr beidi euchi Lehr mit Uszeichnig abgschlosse hend, erfüllt mich mit unglaublich viel Stolz. Und als wär das nid scho gnueg, het de Jarno sini Lehr sogar als Jahrgangsbeste abschlosse. 🥹
Danke für euche Isatz, euri Motivation und die viele schöni Erinnerige. Es ish mir e grossi Freud, euch uf dem Wäg begleite zdörfe.
Für mich isch das kei Abschied. Es isch de Afang vomene neue Kapitel. Ich wünsche eu vo Herze nume s Beste und hoffe, dass sich eusi Wäg wieder chrüüzet und ich euch irgendwenn wieder bi Imageway begrüesse darf. ❤️ -Bianca
