04/07/2024
នាងខ្ញុំជានិស្សិតរៀននៅសាកលវិទ្យាល័យសម្តេចព្រះមហាសង្ឃរាជ បួរ គ្រី សូមគោរពថ្លែងអំណរគុណយ៉ាងជ្រាលជ្រៅជាទីបំផុត អស់ពីបេះដូងជូនចំពោះ ឯកឧត្តម គង់ សោភ័ណ្ឌ អតីតអភិបាលខេត្តកណ្តាល និងជារដ្ឋលេខាធិការក្រសួងមហាផ្ទៃ ដែលឯកឧត្តម បានខិតខំលះបង់ធនធាន ទាំងកម្លាំងកាយ កម្លាំងចិត្ត និងបញ្ញាស្មារតី ដោយមិនខ្លាចការនឿយហត់ គិតគូរសុខទុក្ខ និងការលំបាកគ្រប់បែបយ៉ាងរបស់ព្រះសង្ឃ ប្រជាពលរដ្ឋក្នុងខេត្តកណ្តាលទាំងមូល ទីណាមានទុក្ខលំបាក តែងតែមានវត្តមានឯកឧត្តមជានិច្ចជួយសម្របសម្រួលប្រគេនព្រះសង្ឃ និងជូនប្រជាពលរដ្ឋ រួមសុខរួមទុក្ខជាមួយព្រះសង្ឃ និងប្រជាពលរដ្ឋ ព្រមទាំងបានកសាងសមិទ្ធផលយ៉ាងច្រើនស្អេកស្កះមិនអាចពិពណ៌នាបានជូនដល់ប្រជាពលរដ្ឋក្នុងខេត្តកណ្តាល ជាពិសេសឯកឧត្តមជួយឧបត្ថម្ភទំនុកបម្រុង និងរួមគ្នាបង្កើតសាកលវិទ្យាល័យសម្តេចព្រះមហាសង្ឃរាជ បួរ គ្រី មិនធ្លាប់មាននៅក្នុងខេត្តកណ្តាល ទុកសម្រាប់កូនខ្មែរគ្រប់រូបគ្រប់ជំនាន់មកសិក្សាថ្នាក់ឧត្តមសិក្សាដោយមិនបង់ថ្លៃសិក្សា និងអំពើល្អរបស់ឯកឧត្តមជាច្រើនទៀតមិនអាចពិពណ៌នាបានឡើយ វីរភាព សកម្មភាព និងការលះបង់ដ៏ធំធេងរបស់ ឯកឧត្តម បានដក់ជាប់នៅក្នុងក្រឳបេះដូងរបស់ព្រះសង្ឃ សមណនិស្សិត និស្សិតយុវជនគ្រប់រូប បងប្អូនប្រជាពលរដ្ឋក្នុងខេត្តកណ្ដាលទាំងអស់មិនអាចបំភ្លេចបានឡើយ។
នាងខ្ញុំសូមគោរព ជូនពរ ឯកឧត្តម និងលោកជំទាវ ព្រមទាំងបុត្រី មានសុខភាពល្អបរិបូរណ៍ កាយពលមាំមួន ពុទ្ធពរ អាយុ វណ្ណៈសុខៈពលៈ និងសូមទទួលបានជោគជ័យគ្រប់ភារកិច្ច🙏🙏
