16/01/2023
1. Pd sa Pangni ko Kapakadaa ko Kaphagoran Niyan
« اللَّهُمَّ حَوَالَيْنَا وَلا عَلَيْنَا اللَّهُمَّ عَلَى الْآكَامِ وَالظِّرَابِ وَبُطُونِ الأَوْدِيَةِ وَمَنَابِتِ الشَّجَرِ) البخاري ومسلم »
Maana: Ya Allāh, bangkiring angka. Dingka rkami zogatn, siingka sogatn ko mga bobongan, go sii ko mga iito a palaw go sii ko mga balintad. Go sii ko mga pamomolan a kayo.
Osayan: Giyanan e inindowaa o Nabi gowani ko makawmawn so mama, ko kiyapaka kh’no niyan ko di kakhada o oran sa ingd iyan, ka mimbabagiyo.
2. Dowaa ko Kiyapagpat Iyan
«مُطِرْنَا بِفَضْلِ اللهِ وَرَحْمَتِهِ» البخاري ومسلم
Maana: Inoranan kami sabap ko kalbihan o Allāh go so limo iyan
3. Dowaa Igira miagndo sabnar.
(اللهُمَّ إِنِّي أَسْأَلُكَ خَيْرَهَا، وَخَيْرَ مَا فِيهَا، وَخَيْرَ مَا أُرْسِلَتْ بِهِ، وَأَعُوذُ بِكَ مِنْ شَرِّهَا، وَشَرِّ مَا فِيهَا، وَشَرِّ مَا أُرْسِلَتْ بِهِ) رواه مسلم
Ya allah mataan a sakn na phangnin akn rka so mapiya sandoaya, ago so mapiya a mapapadalmon, ago so mapiya ko minitalingoma niyan, ago mlindong akorka phoon ko karata iyan, ago so karata o mapapadalmon, ago so karata o minitalingoma niyan.
Piyanothol o Aisah a miyangilaylay ako sa langit na miysalin so paras iyan [warna niyan. Na lominiyo so Rasulullah ﷺ na somiyold bo, na somiyangor ago tomiyalikod, na samaoto na miyoran na inipakapiya oto a ginawa niyan, miyasino aknon sii ko paras iyan. na iniza aknon oto, pitharo iyan, a masikn hay Aisah datar o pitharo o pagtao o A’d: [ Na gowani a mailay ran skaniyan (a siksa) a gabon a pphakasangor ko balintad iran na pitharo iran a giyai na gabon a pagoranan tano niyan (na pitharo iyan) a di ogaid na gianan so pphamakotan iyo a ndo’ a kadadalman sa siksa a masakit]
Osayan: Aya katao iran ko gabon a siksa a phoon sa langit na oran a phakanggay kiran a gona, a gioto so siksa a da a imbagak iyan inonta a pagantiorn iyan, sa lalayon a aya kapphakaoma o siksa na sii ko katatala o manosiya a maliliwat sa di niyan mapipikir oba adn a phakaoma on a kabinasaan. Sii sankanan a ayat na bithowan iyan so gabon sa aridh ka kagia aya maana o aridh na so pphakaalang ko isa a shayi, na so gabon na pkhaalangan iyan so sinar o alongan sa di pamantk ko lopa igira miatago so gabon ko pagltan iran.
✍🏻 Sheikh Mohammad Alawi Abdulcader
➖➖➖➖➖
Opama ka inongka mbgi sa sadka so makakhikinanglan kai sabap sa kapdi ikawn na khapakay a kabokl angka sabap ko pangalang o shaytan a pkhipansir sa pikera ka.
Ogaid na o aya niat ka na inongka mbgi so makakhikinanglan sa panabang ka sabap sa:
👉Suat suat ka ko Allah
👉Go arap-arap ka ko balas iyan a mapiya
👉Go para rnding ka ko Naraka
👉Go oba kasabapan sa misold ka ko Sorga.
👉Go kagiya so sadka na panolak bala
👉Go maphaka da iyan so mga dosa
👉Go pkhapadng iyan so rarangit o Allah
👉Go di-i niyan mapakandakl so tamok agoso mga rezki
👉Go pshambian o Allah ko tao so pishadka niyan
👉Go di-i thaktakpn o Allah so kadakl iyan
👉Go phakawzorn o Allah so mga sadka.
👉Go giyotoi i bagian ka ko tamok ka a khaoma-an ka sa Akhirat so balas iyan.
Ah na khapakay a di ka magaga malang o shaytan.
Sabap sa aya resulta na mas favor rkabs a tanto a kiya sadka ngka a di si-i ko pishadka an ka.
Ino i pishadka-an ka a giyabo a kiyapaka piya a ginawa niyan sa kiya ogop ingkawn na da a nanayawn iyana balas, na ska a mishadka na nomanayao ka sa balas a di khasar a pandapat a pho-on ko Kadnan ka a skaniyan i migay rka sa tamok ka anka mipanadka ko kiyapatotanon.
Mga pagari ami a mababaya sa mapia adn a mga muret a miyaka PM rktano a p**i ogop sa gasto sabap ko karrgni kiran labawron so pnggraduate, naso pagari ami a khabaya mogop, m-gay sa sadka niyan na PM sa page aya.
Balasangka o Allah sa mapia ko donya go akhirat raks o mga pamilyang ka.
Phangnintano ko Allah siyapn tano niyan.
