27/09/2015
係美國玩左一個月, 其間大部份時間都係自駕遊, . 有車在手, 唔洗研究要坐咩車, 唔洗問路, 唔洗擔心俾人昆, 玩得可謂輕鬆自在.
下一站墨西哥, 進入拉丁美州之門, 係度識英文同係大陸識廣東差唔多, 人地識聽就係賺左, 完完全全進入溝通不能既世界.
初到機場, 已見一班, 搵地鐵站都搵左一大輪, 原來係機場既大外邊. 以為搵到有救, 點知入口落左閘. 咁重要既公共交通會關門既咩!! 連當地人既神色都好茫然, 咁即係無人知發生咩事. 好在係路上見到警察兩名, 見佢地後生仔仔, 唔似黑警, 女友就膽粗粗用佢學左幾個星期既西文問路. 而我就係旁邊用我文盲人先有既身體語言理解.
最後我地既結論係, 呢個站封左 (一望就知la...), 可以行去下個站上車. 睇一睇地圖, 都唔是好遠啫, 咁行行行到下一個站, 已經攰到痴左線, 又以為得救果陣, 見到度閘都係關左. 我覺始覺得, 地鐵站關門既景色係好合理....
好了, 點算呢, 再諗返有為警察所講, 有機會唔係一個站, 係講另一條線喎! 咁又睇一睇地圖, 好在下個站係另一條線(真係好彩), 咁又行la. 一路行, 一路就快釘, 一路就亂諗野, 突然間諗到點解咁鬼攰, 雖然個廿幾Kg 既背包係原因, 但黑西哥城足足有海拔二千幾米高!! 唔攰有鬼!
終於上到地鐵, 除左唔合理地平之外, 呢度地鐵都算好正常, 人同香港一樣咁多, 我唔會少見多怪. 轉車果陣有個後生仔大學生好好心, 帶我地點樣行. 因為除左香港行過對面就得, 轉車要行十萬九千里其實先係正常. 其間同後生仔吹吹水, 以我印度人英文都聽到兩咀既能力, sorry, 我真係唔係好知佢講緊乜, 只係知道真係講緊英文, 而唔係西文.
最後落左車, 穿過黑西哥女人街(真係好有果度feel, 所以我好淆底), 終於到酒店了!!
心目中最代表到墨西哥既野 - Tequila
由於無其他人飲, 呢支野我吹左.....
