05/06/2024
Daha mənə niyə könül açdın yar
Sevgi sənin gözlərindən iraqsa
Dərdlər sənin ömrünə bir daraqsa
Tənha sevgi eşq yoluna çıraqsa
Daha mənə niyə könül açdın yar
Duyğuları incə-incə süpürdün
Həsrətimin dənizini köpürdün
Qəm gətirib duyğuları götürdün
Daha mənə niyə könül açdın yar
Qalxmaz birdə o dağların dumanı
Bu qəlbimin yoxdur sənə gümanı
Artıq eşqin qalmayıbdır amanı
Daha mənə niyə könül açdın yar
Doğulan həsrətin gözü kor olur
Tənha zirvələrin başı qar olur
Vəfadan danışıb gedən yar olur
Daha mənə niyə könül açdın yar
Sönmüş ocaq küllərini üfürmə
Dönməsəndə haqqı-salam itirmə
Qayıdacaq olsan minnət gətirmə
Daha mənə niyə könül açdın yar
Yunis Hamid. 05.05.24. 00:22
