02/04/2026
Səhnənin adı: Mesenatlar
Tarix boyu mesenatlar yəni sənətə, elmə, ədəbiyyata və inkişafa dəstək olan insanlar cəmiyyətlərin görünməyən qəhrəmanları olublar. Onlar bəzən bir rəssamın arxasında, bəzən bir alimin yanında, bəzən isə bir gəncin gələcəyində dayanıblar. Bir çox böyük ideyalar, kitablar, ixtiralar və layihələr məhz mesenat dəstəyi ilə reallığa çevrilib.
Bu səhnəni yaradarkən məqsədimiz sadəcə bir dekor qurmaq deyildi. Məqsədimiz fikir mübadiləsinin, bilik paylaşımının, təcrübə ötürülməsinin baş verdiyi bir mühit yaratmaq idi. Çünki bəzən bir masa, iki kreslo və bir söhbət insanın həyatını dəyişə bilir.
Bu səhnədə biz:
— Sahibkarları
— Menecerləri
— Marketoloqları
— Satış mütəxəssislərini
— Müəllimləri
— Tələbələri
— Öz üzərində işləyən hər kəsi
qonaq görmək istəyirik.
Bəlkə də bu səhnədə deyilən bir fikir yeni bir biznesin, yeni bir layihənin, yeni bir həyat yolunun başlanğıcı olacaq.
Mesenatlar səhnəsinə xoş gəlmisiniz.
