12/10/2026
تیسرا چترال بزنس ایکسپو 2026 ہنر، کاروبار اور ترقی کا حسین امتزاج
چترال میں منعقد ہونے والا تیسرا بزنس ایکسپو، ٹریڈ ڈیولپمنٹ اتھارٹی آف پاکستان (TDAP) ، SRSP اور چترال چیمبر آف کامرس کے اشتراک سے ایک بہترین اور کامیاب سرگرمی ثابت ہوا۔
اس ایکسپو میں چترال کے مختلف کاروباری حضرات نے اپنی مصنوعات، مقامی ہنر، روایتی ثقافت اور کاروباری صلاحیتوں کو خوبصورت انداز میں پیش کیا۔ اس کے ساتھ ساتھ آن لائن کاروبار سے وابستہ نوجوانوں اور ہنرمند افراد نے بھی اپنی صلاحیتوں کا مظاہرہ کیا، جو چترال میں کاروبار کے نئے مواقع اور روشن مستقبل کی عکاسی کرتا ہے۔
اس کامیابی میں ضلعی انتظامیہ، وائلڈ لائف ڈیپارٹمنٹ، دیگر متعلقہ محکموں اور چترال پولیس کی بہترین خدمات اور تعاون بھی قابلِ تحسین رہے۔
یہ ایکسپو صرف کاروبار کی نمائش نہیں، بلکہ چترال کے مقامی ہنر، صلاحیتوں، ثقافت اور معاشی ترقی کو آگے بڑھانے کی ایک خوبصورت کوشش ہے۔ امید ہے کہ ایسے اقدامات ہمارے مقامی کاروباری حضرات اور نوجوانوں کے لیے ترقی کے نئے دروازے کھولیں گے۔
چترال کا ہنر، چترال کی پہچان، اور ترقی کی نئی اُڑان!
تیسرا چترال بزنس ایکسپو 2026۔
