11/02/2026
في وسط شيختنا بالباسكات حبيت نحكي كلمتين فيهم جرعة أمل:
انا خدمتي ما عندها حتى علاقة بالphotography في دبي، مجرد مغروم، نحب جمعيتي و نصور ببرشا حب و غرام
كان فيبالي بش نمشي نصور جمعيتي للinternal satisfaction متاعي و صحابي و كلوبيستية اللي في دبي
مش بش نحكي عالماضي خاتر تعدى و فات، المهم
كلمني محمد علي بالعيد (لا نعرفو و لا سمعت بيه و لا عمري ريتو) اللي هو مدير الpole ، قدملي روحو و كان open minded و سمعني علخر
قالي نحبوا نعملوا couverture لدورة دبي تخرج تصويرة مزيانة لفرع ااشيخة
قتلو عندي شرط واحد بكل حب : خدمتي تهبط كيما هي!!
عندي الstyle متاعي و شيختي و هبلتي و عين مختلفة شوية للباسكات مالكاميرا متاعي
قالي كلمة رجال خوذ راحتك و شيخ و اهبل مع جمعيتك و خرج الartistic side اللي فيك الكل
شخت مع الجوارات و الجمهور و عملنا حاجة نشالله تكون شرفت
حبيت نقول زادة أني بش نكون مع الإفريقي كvolunteer photographer في اي مناسبة نجم نكون فيها حاضر (نشالله الBAL 😁)
و فرحان برشا انو البيبان محلولة للعباد اللي عندها potential بش تعاون و تبدل الvisual متاع جمعيتنا بش نطلعوا البار لفوق
كي تأمن بافكارك و تفرضهم بتربية و تعبر و تلقى عباد تسمع و تقدر اي فنان في مجالو كلنا نقدموا (ما يهمنيش في شنيا صار قبل راني نحكي على تجربة شخصية)
كلمة لاي واحد يشوف في روحو ينجم يعاون و يزيد ما يبخلش و يدق الباب فما ناس تسمعوا راهو
آخر كلامي :
نشكر برشا Rabii Brik و Akrem Ben Gabsi اللي هوما ضربوا عليا بش خذيت الفرصة هذي
و زادة Ahmed Raef اللي شد الفيديوات !! خاترو جرى اكثر مالجوارات!! مالقرادانات الكل للتيران للفستيارات 😅😅
