Nisreen Shawwa Photography

Nisreen Shawwa Photography Family &lifestyle photographer based in UAE. Helping you capture your happy moments and special mile

05/06/2026

كنت أنطّ فوق الطاولة لو لمحت خيال بسة على بعد كيلو😅

وانتِ.. من شو بتخافي!؟ وهل هاد الخوف هوة من خطر حقيقي!؟

#بلافلسفة

20/05/2026

تحذير: جهزي بكيت الكلينيكس جنبك 🥹🥹

#بلافلسفه

28/04/2026

مجنونة…. جهنمية… شو كمان بتسموها!؟!

لإنه في أطفال مابيحبوا ملمس الكيك… ابتكرت ثيم الفقاعات هدية مني بكل جلسة لعيد ميلاد السنة… وما بتتخيلوا قديه بيطلعوا حلو...
26/02/2026

لإنه في أطفال مابيحبوا ملمس الكيك… ابتكرت ثيم الفقاعات هدية مني بكل جلسة لعيد ميلاد السنة… وما بتتخيلوا قديه بيطلعوا حلوين الصور🤩🤍

طبيعيين، كلهم فرح، وضحكات من القلب… والمصورة الشاطرة(أنا:)) هية اللي بتلقط هاي اللحظات بسرعة قبل ما يزهق ويتعب البيبي😁

تصوروا دايماً… وتصوروا كتير… وما تنسوا تطبعوا الصور عشان تشوفوهم دايماً🫶🏻

24/02/2026

من شي عشر سنين، حكت معي سيدة وطلبت ثيم الخيمة لعيد ميلاد بنتها الأول! ما كان عندي بس حكيتلها: أبشري:)

بعد تصميم، وترتيب ووقت ومجهود ولف عالمحلات وصرف فلوس… والله رتبت الثيم وطلع بيجنن!

قبل بيومين من موعدنا كانت المفاجأة! المدام بطلّت ترد عالتلفون! طبعاً هاد أكبر تحدي بتواجهه أي صاحبة مشروع صغير! اتدايقت أكيد بس بعدين حكيت… لعله خير!

من يومها لليوم هاد الثيم هوة أكتر ثيم بينطلب وأكتر واحد بيزبط برة وجوة، بنات وصبيان، مع ألوان أو بدون… لسنة أو سنتين… (زدي ستي… رايح زاي… كنيسة زامع:)

سبحان الله، ربنا بعتلي ياها تعمل فيي هالفصل لأشتغل عالثيم وأجهزه! عسى أن تكرهوا شيئاً وهو خير لكم😍

ما قلتولي شو رأيكم بالثيم!؟:)

في أربع جلسات تصوير مهمين ومتميزين بأول سنة من حياة الطفل… إذا راحت عليكي واحدة لحقيه بالتانيين😍١. المواليد الجدد: عمر ٤...
22/02/2026

في أربع جلسات تصوير مهمين ومتميزين بأول سنة من حياة الطفل… إذا راحت عليكي واحدة لحقيه بالتانيين😍

١. المواليد الجدد: عمر ٤-١٤ يوم… البيبي بيكون نايم طول الجلسة 💤

٢. عمر ٣ شهور: بيكون البيبي بلّش يبتسم… ويرفع راسه🤍

٣. عمر ٦-٩ شهور: بيقدر يسند حاله البيبي… بيتفاعل وبيضحك وبيلعب… وبيكون سنّن… صراحة كتير لزيزة هاي الجلسة🤍

٤. عمر السنة: الغنية عن التعريف! الأكثر شهرة والأكثر مبيعاً:) سواء اخترنا يكون في كيك أو لأ… صورها بتجنن خاصة بالثيمز المختلفة والصور العائلية🫶🏻

صورتوا ولادكم بأي من هاي الأعمار!؟ وأي صورة عجبتكم أكتر شي!؟ 🤩🤩

17/02/2026

الحقيقة إنهم كبروا ماشالله… بس إحنا نسينا ضلينا بأول التلاتين!!! صح ولا مش غلط!؟
#ألو

العمر كله يا مجد بصحة وسعادة🤍 ماشاءالله شو نغش ودمه خفيف😁 صورته بمناسبة عيد ميلاده الأول… اخترنا حديقة أم الإمارات(مكاني...
16/02/2026

العمر كله يا مجد بصحة وسعادة🤍 ماشاءالله شو نغش ودمه خفيف😁 صورته بمناسبة عيد ميلاده الأول… اخترنا حديقة أم الإمارات(مكاني المفضل)… خلفية الصور كلها خضار وشجر وطبيعة… ومجد بدّع تبارك الله زي ما انتو شايفين:) وانتو: صورتوا ولادكم عالسنة ولا لأ!؟

#مصورةأبوظبي

14/02/2026

"حبّي حالك"!!! كلمتين منسمعهم كتير… طيّب كيف!؟ طيّب ليش!؟ طيّب شو يعني!؟

يعني باختصار: قدري حالك! عاملي حالك بنفس الطريقة اللي بتعاملي فيها اللي بتحبيهم!

إصحي أبكر بساعة… تنفسي بهدوء… صلّي بهدوء… اقرئي قرآنك ووردك بهدوء! اشربي قهوتك سخنة… بهدوء!

روحي عالجيم والتزمي فيه زي ما بتلتزمي بتمرين الولاد!

جهزي فطورك الملوكي واستمتعي فيه حتى لو لحالك! لا تاكلي عالماشي وأي شي!

اشتري ذهب:)

انزلي تمشّي… حسي بالهوا والشمس والعصافير واتذكري نعم ربنا اللي منشوفها واللي ما منعرف عنها!

اشتري ذهب:)

اشربي قهوتك اليوم عالبحر… اتركي التلفون… تعلمي شي جديد… اشربي ميّ… اضحكي من قلبك… اطبخي طبخة بتحبيها… قولي لأ لما تحسي إنه لأ!

اشتري ذهب:)

حب الذات مش أنانية ومش إني أحط حالي أولوية وما ألتفت لباقي مسؤولياتي! ومش تقصير بحق حدا! هية ببساطة إني أعامل حالي بلطف ورحمة!

ديري بالك عحالك بدون إحساس بالذنب! إحكيلي شو عملتي اليوم لحالك!؟ 🤍

#ألو

12/02/2026

مستحيل أعمل جلسة تصوير بدون صور عائلية! هاي هية الصور اللي رح تذكرِنا بهداك العمر.. هداك الشعور… قديه كانوا صغار… قديه كبروا بسرعة… رح يجي يوم يسافروا ويبعدوا… وتبقى هاي الصور اللي بتبتسمولها كلكم لما تشوفوها:)

تصوروا دايماً وتصوروا كلكم🫶🏻

Address

Abu Dhabi

Website

Alerts

Be the first to know and let us send you an email when Nisreen Shawwa Photography posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nisreen Shawwa Photography:

Shortcuts

Share

Category