17/05/2022
Valley of the Gods 2021
Hierdie is iets besonders, nie net omdat dit die Cederberg met al sy rotsformasies is nie, maar ook omdat hierdie werklik ‘n oasis in die Wildernis van die Cederberg is.
Oppad na die plaas Sanddrift, Western Cape, South Africa , wat doer diep in die Cederberg lê, die eerste keer wat ons hier gaan kamp het, het ons op hierdie enkel grondpad later ged**k ons het seker maar iewers verkeerd gery, net om op die plaas Sanddrift aan te kom en ‘n miernes van bedrywighede daar te ervaar.
Hier op Sanddrift word daar met wingerd geboer, en daar is ‘n wynkelder op die plaas waar die Cederberg Wines gemaak word, maar dit is nog nie al nie, dit is ook hier wat die Biere Boggom en Voertsek gemaak word. Altwee verversingkies waarmee ons alreeds jare vertroud is. Nou Sanddrift en die eintlik die hele Cederberg streek is internationaal bekend vir rotsklim, en word gereeld oorval met nationale en internationaale toeriste wat die sport beoefen, maar so tussendeur kry jy ons kampers, nou ons kom vir die wyn en die bier, en natuurlik die natuur.
Nou 11 September 2021 was vir ons een van hierdie wegbreek naweke, dis nou die kamp gogga kriewelrig raak, en daar is niks anders bespreek nie, maar wat ook die naweek vir ons so spesiaal maak is dat ons vriende Herman en Merlene saam met ons gaan kom kamp. Hulle kyk die aftree d**k soos ‘n “kat uit ‘n boom” hulle gaan, maar moet nog net besluit wanneer en met wat.
Laat nammidag is ons kamp opgeslaan, ons in die karavaan, en hulle langsaan in ‘n tent, nou ons is ou vriende, ons weet wat ons drink en braai, so gou,gou was ons heel gemaklik daar teen die rivier, langbeen teen die vuur, en kampers en tente word bespreek.
Nou Saterdag oggend, was die tentkampers nou nie so heel opgewonde nie. Die Sederberge is die tyd van die jaar nog koud, en die opblaas matras was nou ook nie die beste isolasie vir die nag nie, maar my ou maat maak ‘n plan en word daar nou alles moontlik onder die matras gesit vir die komende nag.
Nou die Valley of the Gods doen sy naam gestand met sonsopkoms, die son val op die rorsformasies, dit is ‘n sprokie, weereens ‘n kamera, kan nie vir jou daardie storie vertel nie. Die gode staan so in rye, en groepe met die oggend sonstrale wat hulle rooi laat vertoon, dis ‘n oomblik waar weer net kan stilraak in God se natuur, en dankie kan sê dat jy dit kon sien.
Nou die vrouens gebruik toe ook sommer die sonstraaltjie geleentheid vir ‘n oggend stap teen die rivier op (met ‘n kamera en sien ek agterna hulle het ‘n hele “photo shoot gehad”) en ons manne pas die kamp op, en so taks om tyd kom stap daar van die stappers aan wat in die berge oornag het, nou met die wat ons daar by die swemgat kamp, is van die swemmers heel sag op die oog. Nou toe die vrouens terugkom maak hulle vir ons ‘n lekker ontbyt, met die wat ons nou so fluks was met die oppassery.
Die ander ding waarvoor die Sederberge bekend is, is sy boesmantekeninge, so ongeveer 5km suid van Sanddrift is die afdraai na die “Stadsaal” nie ver nie of jy kry die eerste afdraai na Boesman tekeninge, daar verby na die “Stadsaal grotte” ek veronderstel dit is so vernoem na die grootte van die grot. Sederberg is gertrou aan sy reputasie, en die Boesmantekeninge, natuurskoon, uitsigte en rotsformasies laat jou stil word, deur sommer net te sit en jou gedagtes skoon te maak (Dit is hier waar jy wens jy kon dig, of skilder) want die Sederberg praat met jou, met ‘n gevoel uit die grond uit, deur die lug wat jy inasem, en dit wat jou oë sien. Ons gaan maak ‘n draai op Kromrivier vir middagete en is aangenaam verras met die restaurant daar op die plaas, modern, goeie menu en aangename personeel. Daarna kamp toe.
Later die middag speel die Bokke teen die All Blacks, en nerens is daar ‘n plek om die wedstryd te gaan kyk nie, ons word later verwys na die Oasis Restaurant nogal ‘n interesante plekkie, met ‘n “honesty bar” asook die menu. Jy merk jou bestelling af, gaan vat wat jy wil hê en as jy loop gee jy dit by die kasier in, en sy tel dit bymekaar en jy betaal. O ja, die“game” alhoewel verloor elke oomblik dit werd.
