Minn Thu Kha 𝐄𝐍𝐆𝐈𝐍𝐍𝐄𝐑𝐈𝐍𝐆 𝐆𝐑𝐎𝐔𝐏 𝐎𝐅 𝐂𝐎.,𝐋𝐓𝐃

07/05/2022

သိန်း 440ဝန်းကျင် ကျသင့်မယ့် ၂ ထပ်ခွဲ အိမ်ပုံစံ ❤

အကျယ် (15×35) ပေ

07/05/2022

ရန်ကုန်တိုင်း အလုံမြို့မှာလက်ရှိဆောက်နေတဲ့ကွန်ဒိုအလုံးလေးကျောက်လောင်းနေပုံလေးတွေပါ

25/10/2021

24/10/2021

✍ slab & stair.

Long column ထိ အခြေခံ ရေးပြီးပီမို့ စလပ်နဲ့ လှေကားး ဆင်ပုံ နဲ့ ဆောင်ရန် ရှောင်ရန်များ ထပ်ရေးပေးပါ့မယ် ၊ အိမ်ရှင်နဲ့ ကန်ထရိုက်တာ ၊ လေဘာတွေ သိဖို့ ရည်ရွယ်ပါတယ် ။ သိတဲ့ဆရာများ ကျော်သွားပါ ။
စလပ်မဆင်ခင် ကြမ်းခင်း (floor) အရင်လောင်းရပါ့မယ် ။ တစ်ချို့က မလောင်းပဲ ဆင်တာတွေ ရှိပါတယ် ။ လောင်းရမှာပါ ။ လောင်းထားတဲ့ အတွက် လုပ်ငန်းဆောင်ရွက်ရတာ လွယ်ကူလျှင်မြန်ပြီးး စလပ်ရဲ့ Level ကို အတိအကျ လုပ်ဆောင်လို့ရမယ့် စတဲ့ အားသာချက်တွေ ရရှိမှာပါ ။ R.C ဆိုရင်တော့ ကြိမ်းသေလောင်းရပါ့မယ် ။ မြေကြီးပေါ် စလပ်ဆင်ပြီး လောင်းမယ်ဆို စိတ်မချရပါ ။
T- တိုင်တွေ အရင်ထောင်ရပါ့မယ် ၊ မထောင်ခင် ထောင်ရမယ့် အမြင့်တွေ သေချာတွက်ချက်ပြီး T-တိုင် Level ပေးထားရပါ့မယ် ။ T-တိုင် အကွာအဝေးဟာ နည်းဆုံး တစ်ပေခွဲကနေ များဆုံး နှစ်ပေထက် မပိုသင့်ပါ ။ ထောင်ပြီးရင် Tတိုင်တွေကို အနီးစပ်ဆုံးး ချိန်မက်နေအောင် ချုပ်ခိုင်းရပါ့မယ် ။ အားလုံးပြီးရင်တော့ ဧရာပြား ခင်းလို့ရပါပြီ ။
ဧရာပြား ခင်းတဲ့နေရာမှာလဲ တိုင်နှစ်တိုင်ကြား တိကျနေရပါ့မယ်။ အပိုအလို မရှိသင့်ပါ ။ သံခေါင်းတွေ အဆုံးထိ မရိုက်ပဲ ဖော်ထားရပါ့မယ် ။ ဧရာစုံမှ ကြိုးဆွဲ အဖြောင့် ချုပ် ၊ လိုချင်တဲ့ အတိုင်းအတာတွေ စစ်၊ အားလုံးရပြီ ၊ အိုကေပြီဆိုမှ သံခေါင်းရိုက်မြုတ်ရပါ့မယ်။
စလပ်အခင်းပြားတွက် ဆင့် စီတဲ့နေရာမှာ ယက်မ ကြိမ်းသေ ထည့်ပေးရပါ့မယ့် ၊ သူ့အောက်က I တိုင် ထောက်ပေးရပါ့မယ် ။ အကွာအဝေးကတော့ နည်းဆုံး သုံးပေကနေ များဆုံး လေးပေထိ မကျော်သင့်ပါ ။ သူ့အတွက် 4"×2" သုံးပေးရပါ့မယ် ။ သင့်သလို မျှဝေပြီး ထည့်ပြီးရင် ဆင့် စီလို့ ရပါပြီ ။
ဆင့်စီတဲ့နေရာမှာ 10" ကြား(C/C 1') သာ ထားသင့်ပြီး Level တွေ သေချာ ညှိုပေးရပါ့မယ် ။ ဖြုတ်ရ လွယ်အောင် ဆင့်တွေကို အတိအကျကြီး မထည့်ထားသင့်ပါ ။ ဘင့် ဘေးထောင်နဲ့ ဆင့်ကို ထိပ်တိုး သံ မရိုက်ထားရပါ ။
ဆင့်စီပြီးး ၊ အခင်းပြား ခင်းလို့ရပါပြီ ။ အခင်းပြားကို အချပ်ပြည့်တွေ အရင် ခင်းရပါ့မယ် ။ အချပ်ပြည့်တွေကို ဖြတ်တောက် ခင်းခြင်း မလုပ်ရပါ ။ သူက ကျင်တွယ်ရနေလို့ပါ ။ သူ့အတိုင်း ကျင်တွယ်ရယ် အဖြောင့်ရယ် ရအောင် ဘေးဒေါင်ကို ကစားပြီး ခင်းပေးရပါ့မယ် ။ အာ့ကြောင့် ဘေးဒေါင်ကို သံ မရိုက်ခိုင်းပဲ အရှင် ထားခိုင်းတာပါ ။ ပြီးမှ လိုချင်တဲ့ အတိုင်းအတာ တိုင်း ဖြတ်စတွေလိုက် ထည့် ။ စပ်ကြောင်းတွေ တိပ်ကပ်ပြီးရင် သန့်ရှင်းရေးလုပ် ပြီးရင် သံဆင်လို့ ရပါပြီ ။
- beam အတွက် သတ်မှတ် Width & depth ပြည့်မပြည့်၊ ကွန်ကရစ် cover ကျန်မကျန်၊ stirrup spacing တွေ မှန်မမှန် စစ်ပါ။
- Slab အတွက် သံဆင်ရာမှာ main steel (shorter direction) တွေကို ဘယ်ဘက်ကနေပြေးရင် အမှားအနည်းဆုံးဖြစ်မလဲ ဆိုတာကြည့်ပြီး အမှားအနည်းဆုံးဖြစ်တာကို ရွေးပါ။ (short direction သံချောင်းက main steel ဖြစ်လို့ အောက်မှာရှိရမှာဖြစ်ပြီး , long direction က distribution steel ဖြစ်တာကြောင့် အပေါ်မှာရှိရမှာပါ။ )
- slab အတွက် bar spacing၊ concrete cover, thickness တွေစစ်ပါ။
- သွပ်နန်းကြိုးတွေကို အကွက်ပြည့်ချည်ခိုင်းပါ။
- concrete block တုံးတွေ လိုက်ခုခိုင်းပါ။ (top steel နဲ့ bottom steel ကြားမှာလည်းမှာလည်း block တွေခုခိုင်းပါ။ ဒါအရေးကြီးပါတယ်။)
အားလုံး ရယ်ဒီဖြစ်ရင် သန့်ရှင်းရေးလုပ် ရေလောင်း ကွန်ကရစ် လောင်းလို့ ရပါပြီ ။
မလောင်းခင် ကွန်ကရစ် Top level ကို သံတိုင် အခြေတွေမှာ တိပ်ကပ်ပြီး ပေးထားရပါ့မယ် ၊ သံတွေကို ကွန်ကရစ် အနှစ်တွေ မပေကျံအောင် ကာထားရပါ့မယ် ။ ဘိလပ် အိပ်ခွံ့လေးနဲ့ပေါ့ ။
ကွန်ရစ်လောင်းစဉ် ကွန်ကရစ် နှင့် အခြား ဆက်စပ် ပစ္စည်းများး၊ လေဘာ လုပ်သားတို့ဧ။် လှုပ်ရှားမှု့ ၊ လေ မိုးးး ကဲ့သို့သော ပတ်ဝန်းကျင် ဆိုင်ရာ အချက်အလက်များ ကြောင့် ဖြစ်ပေါ်လာသော ဝန်များကို မပြတ် စောင့်ကြည့်ရပါ့မယ် ။
ကွန်ကရစ်ကို တည်ငြိမ်မှု့ နှုန်းနဲ့ ထိန်းထိန်းသိမ်းသိမ်း လောင်းရပါတယ် ။ ဝန်ကို ဖြန့်ကျတ် လောင်းပေးရပါတယ်။ လောင်းနေစဉ် formwork တည်ငြိမ်မှု့ ရှိ မရှိ ၊ အလျှားလိုက် ဒေါင်လိုက် ရွေ့လျား မှု့ ရှိ မရှိ စောင့်ကြည့်ရပါတယ် ။ လုပ်သား အားလုံးကိုလဲ formwork ရဲ့ အနေအထား သတင်းအချက် အလက်တွေ မပြတ်ပေးပို့ ရပါ့မယ် ။ ဒါက Safety အတွက်ပါ ။
ကွန်ကရစ် အချိုးမှန်မမှန်၊ w/c ratio (ရေများမများ) ကြည့်ပြီး ညွှန်ကြားပါ။
- ကွန်ကရစ်လောင်းတဲ့ချိန် Vi****or သေချာထိုးခိုင်းပါ။ (တစ်ချို့ဆိုဒ်မှာ slab formwork အောက်မှာ labour တစ်ယောက်၀င်ခိုင်းပြီး တူလေးနဲ့ လိုက်ခေါက်ခိုင်းတာတွေရှိပါတယ်။ ကောင်းပေမယ့် safety အရ slab လောင်းနေတဲ့ချိန် formwork အောက်မှာ လူရှိမနေရပါ။)
- curing အတွက် အနည်းဆုံး မနက်တစ်ကြိမ်၊ နေ့လည်တစ်ကြိမ်၊ ညနေတစ်ကြိမ်ရေလောင်းပေးပါ။ သို့ လောင်းပြီး လူနင်းလို့ရလောက်ပြီဆိုတဲ့ချိန် ပလပ်စတစ်စတွေနဲ့ အုပ်ပေးပါ။
- အောက်ခင်း fromwork တွေကိုတော့ လုပ်ငန်းလိုအပ်ချက်ပေါ်မူတည်ပြီး အနည်းဆုံး 14 ရက်လောက်ထားပြီးမှ ဖြုတ်လေ့ရှိပါတယ်။ သူ့ထက်စောရင်တော့ ၁၀ လောက်နဲ့ တစ်တိုင်ခြားစမ်းဖြုတ်လေ့ရှိကြပါတယ်။ (အခင်းပြားတွေကို လောင်းပြီး 28 ရက်နေမှ ဖြုတ်ရမယ်လို့ သတ်မှတ်ထားပါတယ်။ အမှတ်မမှားရင် ပညာရေးတင်ဒါမှာတော့ လောင်းပြီး အနည်းဆုံး 24 ရက်ပြည့်မှ ဖြုတ်ရမယ်လို့ သတ်မှတ်ထားတယ်။)

လှေကား ( stair)

လှေကားး ဝေနည်းကတော့..

အမြင့် 11' ပေ ရှိမယ်။ တစ်ဝက် ဝက်လိုက် ။ 5'6" ကျန်မယ် ။(5'6"မှာ landing ခွေးကတက်ခုံရှိရမယ် ၊ အ ပေါ်ကို ဆက်တက်ဖို့ အတွက်လေ။)
5'6"ကို လက်မ ပြောင်းလိုက်။ 5.5÷12 = 66"လက်မ ထွက်တယ်နော် ။ ဟုတ်ပြီ ။
ရိုးရာ အရ လှေကားကို 'မ' ထားမယ် ။ ဆယ့်တစ်မီးငြိမ်းတို့ ဘာတို့ညာတို့နဲ့ 11 ထစ် ဝေကြည့်မယ်။
​အထစ်ထက် တစ်နင်းပိုတဲ့တွက် 11ထစ်လိုချင်ရင် 12နဲ့ စားပေးရပါ့မယ်။
ဒါကြောင့် အ စောက 66"လက်မကို 12နဲ့ စားး။ 66÷12=5.5"လက်မ ပေါ့။ ဒါဆို အ ကျော် လက်မ5.5 ဖြစ်ပြီ ။(ဥပမာ တွက်ပြတာပါ။)
အထစ်နဲ့အ ကျော် အတိုင်းအတာ ရပြီ။ အနင်း ဘယ်နှစ်လက်မလဲ စဉ်းစားမယ် ။
အခန်း အကျယ်က 14'ပေ 8" လက်မ
landing (ခွေးကတက်)က 5'
လှေကားဝေ ဖို့ ကျန်တဲ့အကျယ်က
14'8"-5'= 9'8" ကျန်တယ် နော် ။
9'8" ကို လက်မ ပြောင်းလိုက် ။ 116 "လက်မ ရပါတယ်။

အနင်း အကျယ်ကို လိုချင် ရင်
လှေကားဝေမယ့် အကျယ်ကို
အထစ် အ ရေအတွက်နဲ့ စား
116"÷ 11 = ??? ဒါဆို ok ပြီ ။
- formwork ရိုက်ရာမှာ ပေးထားတဲ့အစောင်း degree (landing ချိုးရမယ့်အမြင့်) မှန်မမှန် အရင်စစ်ပါ။
- formwork ငြိမ်မငြိမ်၊ သတ်မှတ် အကျယ်၊ အကျော်၊ အနင်း နဲ့ ဗိုက်သားအထူတွေပြည့်မပြည့် စစ်ပါ။
- bar spacing, concrete cover တွေစစ်ပါ။
- concrete block တွေခုခိုင်းပါ။
- ကွန်ကရစ်မလောင်းခင် အခင်းသန့်ရှင်းရေးလုပ်ပါ။ ရေလောင်းခိုင်းပါ။
- ကွန်ကရစ် အချိုးနဲ့ ရေများမများ စစ်ပါ။
- Vi****or သေချာထိုးခိုင်းပါ။
- curing အတွက် အနည်းဆုံး မနက်တစ်ကြိမ်၊ နေ့လည်တစ်ကြိမ်၊ ညနေတစ်ကြိမ် ရေပုံမှန်လောင်းပေးပါ။

✍✍✍✍✍

23/10/2021

Digital measurements of diameter of rods