Eng Oussama

Contacter l'entreprise

Eng Oussama Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Eng Oussama, Blida.

مرحبا تفضلو منزل الهندسة يرحب بكم
معاكم المهندس اسامة
Electrical engineer 🎓
Software automation 💻 (/)
Hardware Electrical maintenance 🛠️
🇩🇿 Engineer
🇨🇳 Sino–Algerian Engineering & Contracting

23/09/2026

دوفي تاعي ميخلعكش بزاف ، وانترفونسون تاعي نحسبها بالكرونو كل ساعة شحال 🦺👷

📚 في المتوسطة قراو التلاميذ على التحليل الكهربائي والـ Anode والـ Cathode، وجربنا كيفاش تتشكل طبقات الرواسب على الكاثود نتيجة انتقال الإلكترونات: جزء يفقد إلكترونات، وجزء آخر يكتسبها.

بعدها صعدنا إلى الثانوية وقرينا الجدول الدوري للعناصر وقرينا الخصائص الكيميائية للشوارد و المواد وقرينا التفاعل الكيميائي و الأكسدة بين مادتين مختلفتين
وتوصلنا لمعادلات التفاعل

Al → Al³⁺ + 3e⁻

O₂ + 2H₂O + 4e⁻ → 4OH⁻

4Al + 3O₂ + 6H₂O → 4Al(OH)₃

بعدها صعدنا إلى الجامعة و قرينا ناقلية المواد من الألمنيوم إلى النحاس

وقرينا تخصص الهندسة ووصلنا إلى التخرج
كل هاذا المسار حتى نعرف الهندسة على أصولها ولو نتكلم كلام لا نقاش فيه حتى لا نفتح باب التأويلات نتكلم كلام علمي مثمر متراكب لسنوات من الدراسة

لكن اخير يقولك نتوما مهندسين خاويين.

نجيب اي كهربائي يركبلي عادي نتوما تزيدو عليها ، والنتيجة كوارث جد مكلفة ،

هنا قلناه انه دائما في هاذا التركيب طورصادي مع النحاس ميركبش بليكوس العادية لازم كوس بيميطال
Cosse bimétallique
يمنع التفاعل الكهروكيميائي بينهم بالعامية يقولو النحاس ياكل المنيوم ، رانا شرحنا المسار الطويل لتفهم هاته الأشياء

تسما كي نديرلك دراسة ثقيلة ونطلب ثمن مرتفع ، نتيجة كل هاته السنوات

للمسار الطويل باش تفهم علاش لازم نختارو الطريقة الصحيحة، وماشي غير واش نركبو.
📚 من المتوسطة
🧪 إلى الثانوية
🎓 إلى الجامعة
⚙️ إلى الهندسة
🏭 إلى التطبيق في الميدان


Aissa Service Algérie

19/09/2026

🦺 معلومة تقنية على السريع

هذا الجهاز هو YUDIAN AI-TCP1، يخدم كـ Communication Gateway في الأنظمة الصناعية.

دوره هو تحويل الاتصال بين الأجهزة عبر RS485 / والـ Ethernet / Modbus TCP.
بمعنى بسيط:

YUDIAN → RS485 → AI-TCP1 → Ethernet → PLC
قطعة صغيرة، لكن تلعب دور مهم في ربط أجهزة مختلفة داخل Industrial Automation.


Aissa Service Algérie

16/09/2026

كنتم رأيتم سابقا كيف صلحنا آلة قطع الأبواب وكيف كان القطع يخرج غير سوي

كانت من بعض الأسباب هيكل الآلة ماكانش يتحرك بطريقة متوازية، الحركة كانت فيها مقاومة واختلاف في التوجيه، وهذا انعكس مباشرة على دقة القطع.

هاته القطعة هيكل الآلة لم يكن يتحرك بالتساوي كان يمشي غير متوازي

قطعة من القطع الميكانيكية المهمة جدا في الحركات ، حنا نحتاجوها في ميكانيزم تصميم الحركة لانستغني عنها patin de guidage linéaire

نجدها في كل آلة عندها تحركات ميكانيكية سلسلة

مشكلتها انها غير قابلة للصيانة بنسبة 80% اي قطعة مستهلكة عند العطل تستبدل بالجديدة

لأنها ان تعطلت يصيبها تشوه ميكانيكي وتصبح ذات احتكاكات كبيرة مع guidage

ويمكن ان تضغط عليه وينكسر أو يتقوص
اضافة إلى Jeu mécanique

وفقدان الدقة اذا كانت الحركة من servomotor

كنا درنا عليها فيدوهات في الصين 🇨🇳 كيفاه توضع فوق ميكانيزمات الحركة وتضبط بدقة خاصة إذا كانت الهيكل يوضع على الكثير من patin de guidage
بالتوازي

Aissa Service Algérie

العد التنازلي مشروع رائع جدا في قادم الأيام ، مفاجأة للجميع مستويات عالية جدا ، عصارة سنوات من الخبرة تقدم على طبق من ذه...
15/09/2026

العد التنازلي مشروع رائع جدا في قادم الأيام ، مفاجأة للجميع
مستويات عالية جدا ، عصارة سنوات من الخبرة تقدم على طبق من ذهب هنا 🇩🇿 أو في الصين 🇨🇳
لكن كيف وماذا واين 🤫🤫🤫
Aissa Service Algérie
Cnc Pro Mostaganem

14/09/2026

مساء النور ❤️
يوميات عادية في سبتمبر 👷

13/09/2026

معلومة على السريع
مكاش غير Fin de cours électrique
كاين أيضا Fin de cours pneumatique

فيها عدة استعمالات تنقص عليك التكلفة
في عوض تحط fin de cours العادي امبعد يبعث سينيال لplc ولا relais امبعد يمشيلك ديستريبيتور

هاذا خدمة خفيفة غير ثم

تقدر في بعض الأنظمة تستعمل Fin de course pneumatique باش يكون الكشف والتحكم مباشرة ضمن الدارة pneumatique، بدون ما تحتاج تدخل الـPLC في كل حركة بسيطة.

Aissa Service Algérie

الليل في الكاريار… ماشي كيما النهار. 👀ليوم نخوفو شوية الجدد لي بداو يخدمو ومتخرجين جدد دائما حكياتي مع كاريار نحكيولكم ق...
10/09/2026

الليل في الكاريار… ماشي كيما النهار. 👀

ليوم نخوفو شوية الجدد لي بداو يخدمو ومتخرجين جدد

دائما حكياتي مع كاريار
نحكيولكم قصص مغامرات ليلية في وحد لكاريار قبل أعوام عديدة

انا كنت فالصال كنترول مع قهيوة الساعة تشير إلى 2 و أربعون دقيقة بعد منتصف اليل
وكان بوليفالون لتحت يرفد فديشي

واوبيراتور يلوي في سجارة حشيشة ، يجيب بيها الليل الطويل في ليلة قمرية مع نسمات باردة

فجأة تلمح عيني تحركات غريبة خارج النافذة الكبيرة التي كانت مكسورة

لمهم كاريار هاذا مفتوح ليس فيه سياج أو جدار
مفتوح على قمة جبلية ومن لاسفل غابة كثيفة
لمهم تحركات وأصوات تزيرييط قلت انه بالاك كونفوايور راه يزريط خاطش تراب مرات يفيض وليرولمون

لمهم اقتربت من النافذة فلا أجد حتى صوت ، فعدت إلى مكاني ، ثم دقائق يعود الصوت أقوى

فعدت إلى النافذة فتوقف

فقلت ربما النعاس ادركني علي بغفوة ، لكن قبل ذالك كان عليا نهبط لسيتيرنا تاع الكومبريسور كبيرة لازم نبارجيها مانويال لانو الكتروفان مكسورة

لمهم نزلت إلى السفح الجبلي القريب وين كاين كومبريسور و خزنة المحول بجانبه بواسطة طورش
وصلت وفتحت فانة وانتظر نزول الماء وكان كثيرا

لمهم بعد ثواني حتى سمعت الصوت مرة أخرى وكان بقوة مع صراخ قلت ربي اوبيراتور حكمو كونفوايور مع انه منتشي مع سجارته

فأسرعت إلى أقرب مدخل هناك كابل سلكي طويل فسحبته لكي يتوقف كل شىء، واسرعت إليه فوجدته واقف عند الآلة وقالي حبست وحدها ، قتلو انا حبستها سمعت صراخ قلت انت كاشما بيك ، قالي لالا كل حاجة راهي لاباس

فقلت سور بوليفالون ، فاسرعت إليه فوجدته يعمل عادي في شغله

ثم عدت إلى صال كونترول وتذكرت أنني نسيت كليمونات عند سيتيرنا فعدت لي جلبها

وياليتني ماذهبت عندما وصلت إلى المكان سمعت صوت شخير وأثار دماء مسحوبة إلى مكان قريب والصوت كان مسموع بوضوح
فقلت في نفسي هل اتحقق من الأمر فحملت كليمونات كانت كبيرة بعض الشيء لاضرب بها ان حدث طارء

فمشيت اتجاه الصوت كان الضلام سوى طورش برك
وعند اقترابي وجدت

حشاكم خنزير ضخم مضروب بارة تاع حديد ومازالت ملتصقة به ويشخر حي يموت

والدماء حوله والغريب انو الدماء كان آثارها واضحة انه سحب إلى ذالك المكان

حوالي أمتار عديدة يعني سحبة انسان أو حيوان مفترس افترسه

لكن قلت في نفسي الحيوان يقتل أو يعض لكن ضربة البار الحديدي

كيف .....🤔🤔

ثم عدت إلى صال كونترول ضربتها برقدة قلت كي يطلع الصبح وتبان

لمهم طلع النهار عدت إلى المكان مدجج بمختلف أدوات الدفاع عن النفس بار حديدي و كيتور
لمهم وصلت وجدت آثار الدماء قد جفت واصبحت سوداء لأنها كانت في التراب وضاهرة للعين المجردة

لكن جثة الخنزير غير موجودة واختفت تماما

وغادرت الكاريار إلى يومنا هاذا لم أعلم القصة الكاملة وإلى يومنا هاذا لم أعرف الحقيقة

هل هي هذيان أو حقيقة

شكون ضرب الخنزير؟ شكون جره؟
كيفاش اختفى الخنزير في الصباح؟

بصح الحاجة الوحيدة اللي متأكد منها:
الليل في الكاريار… ماشي كيما النهار. 👀

Aissa Service Algérie

08/09/2026

Homing و Max limit
مواضع لابد أن تكون في ميكانيزم الذي يشغله
Servodrive
حيث يعرف مكان الصفر الميكانيكي في كل حركة ليبدأ منها الحساب

لايمكن امر السارفو بالتحرك إلى مكان معين بدون مرجع يبدأ الحساب منه
هاته المواضع يمكن تحديدها رقميا في software
وايضا يجب أن تكون محددة ميكانيكيا
بواسطة Proximity Sensor أو limite Switches
نتكلم عليها كثيرا ان شاء الله

وفي الضبط كيف يحدد المحرك Homing تلقائيا بأكثر من طريقة

Aissa Service Algérie

06/09/2026

الأجمل في اتومايشن ، ماشي غير تبرمج مخارج منفصلة

الأجمل هو كي تبرمج نظام اتوماتيكي يحتوي على العديدة من المراحل تمشي بتناغم جميل

هنا أجمل نظام تقدر تتلاقى بيه هو آلة
pick and place

فيها Sequences وتربط معاها Motion Control بواسطة ثلاثة axes
مع
Max Limit / Limit Switches
وتعيد cycle بانتظام

إذا كان الوقت يسمح، نشرحلكم البرنامج بشكل خفيف ونحطلكم الـ Architecture تاعو باش تتضح الفكرة أكثر، وكيفاش نقدروا ننظموا الـ PLC Program بطريقة احترافية وقابلة للتطوير.

Aissa Service Algérie

Adresse

Blida

Site Web

Notifications

Soyez le premier à savoir et laissez-nous vous envoyer un courriel lorsque Eng Oussama publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Eng Oussama:

Raccourcis

Partager