04/20/2023
هاي طبعا ٤ مرة اكتب البوست و التهي بشي و ما اسوي بوست و يروح 😭😭
المهم، الويك ايند الي فات اني و زينب رحنة لمدينة مونتريال ب كندا، الطريق جان تقريبا ٦ ساعات و جان كلش حلو و ابد محسينا بي (شوفوا اول صورة او الريل).
ورة مدينة الباني تقريبا الشارع يصير بس مناظر و حتى بانزين خانة لازم تطلعون مسافة ٥-١٠ دقايق من الخط السريع يلا توصلون (نصيحة حاولوا تفولون بامريكا لان البانزين بكندا ينباع باللتر و يطلع اغلى من امريكا)
مونتريال ابد ما حبيتها لان بيها كومة مناطق تعبانة و راكضة للاخير (حرامات ما طكيتلها صور)
الشغلة الزينة انه عدهم six flags و عدهم كم منطقة حلوة تتمشون بيها مثلا الميناء القديم (ثاني و ثالث صورة).
الشغلة اللخ الحلوة الي حبيتها هيه فرق العملة، الدولار الامريكي اقوة من الكندي ف فلوسكم تجيب اكثر 😂 (٧٥$ دولار امريكي تطلع ١٠٠$ كندي)
الصورة الرابعة هاي يم مطعم اسمة الريان، انتوا تختارون السمج او غير اكل بحري و تكلولة شلون تردوا ينطبخ و تكعدون و يجيبولكم الاكل من يصير.
#عراقي #عراقيين #موجلان #نيويورك #امريكا #اكسبلورر #سياحة #عراق #مونتريال
