12/31/2025
2025年小回顧👀
✨返咗銀行做炒散，不過就算炒散都經常要去events、間唔中又要去同客食早餐、下晝去飲吓咖啡（真心問，點解做投行啲人咁鍾意飲咖啡？）不過我呢啲低級炒散就唔會有bonus，所以我返工個Vibe同啲full-time同事真係好唔同😉我返工返到可以好兩袖清風，同事問我點解可以咁冷靜好似冇壓力咁😆我都冇佣分嘅，就算跑數都係幫全條Team一齊跑，我計日薪，有蒲頭返工就準時有糧出，點會有壓力？☺️🫶🏻就係咁，開開心心又做完一個合約。
✨去挪威睇北極光，屎窟撞棍勁好彩晚晚都睇到🫶🏻零下10幾度，成班三唔識七嘅團友圍住個火，燒住棉花糖、飲住熱朱古力睇極光真係好開心
✨年中決定瞓身搞市集賣蛋糕，經過多倫過關斬將，要同council同市集搞手周旋，終於申請到街頭擺賣嘅牌照，可以喺市集度有自己嘅攤位🎉然後…… 竟然…… 發現自己大咗肚🥹有一刻以為自己發緊夢，然後就開始每日擔驚受怕自己會唔小心食錯嘢影響到BB，或者成日搬重嘢動到胎氣，同埋開始唔知大住個肚點樣擺市集🧐不過本住我一直以來既來之則安之嘅心態，我一路擺檔擺到八個月👶🏻擺戶外市集周不時都要經歷風吹雨打，仲成日有啲閪人走嚟挑機，不過其他檔主同附近啲餐廳、Cafe職員可能見我帶大個肚都嚟擺檔，成日都請我飲飲食食，搞到我好似每日擺檔都又食又拎咁🥹成件事hardcore得嚟又好warm🫰
✨出年就正式做人老母，諗起都興奮😆因為我屬於高齡產婦同高風險，我比一般大肚婆喺NHS做多好多產檢，而家最後衝刺緊最後一個月，希望一切順順利利🤞
祝大家2026年新年快樂🫶🏻🎉
