13/06/2026
🚨 Scam ခံရရင် Platform ကြီးတွေနဲ့ ဘဏ်တွေပါ တာဝန်ယူရတော့မလား?!
ထိုင်းနိုင်ငံမှာ အွန်လိုင်းလိမ်လည်မှု (Scam) ကြောင့် ငွေကြေးအမြောက်အမြား ဆုံးရှုံးခဲ့ရသူတွေ စုပေါင်းပြီး ကမ္ဘာ့နည်းပညာကုမ္ပဏီကြီးတွေဖြစ်တဲ့ Meta (Facebook)၊ Apple၊ Line နဲ့ သက်ဆိုင်ရာ ဘဏ်တွေ ကို စုစုပေါင်း နစ်နာကြေး ဘတ် ၂၃၀ သန်း နဲ့ တရားစွဲဆိုလိုက်တဲ့ သတင်းဟာ အခုရက်ပိုင်းအတွင်း အထူးဟော့ဖြစ်နေပါတယ်။
သိထားသင့်တဲ့ အဓိကအချက်များ -
တရားစွဲဆိုမှု - ထိုင်းစားသုံးသူများကောင်စီက နစ်နာသူ ၁၀ ဦးကို ကိုယ်စားပြုပြီး ဘန်ကောက်အရပ်ဘက်တရားရုံးမှာ အမှုဖွင့်ခဲ့တာဖြစ်ပါတယ်။
လိမ်လည်တဲ့ပုံစံ - Facebook ပေါ်မှာ နာမည်ကြီးပညာရှင်တွေရဲ့ ပုံတွေသုံးပြီး ရင်းနှီးမြှုပ်နှံမှု ကြော်ငြာအတုတွေတင်တယ် -> ထိုမှတစ်ဆင့် Line Group ထဲခေါ်ယူပြီး ယုံကြည်အောင်လုပ်တယ် -> Apple Store က App တွေဒေါင်းခိုင်းပြီး ဘဏ်ကနေ ငွေလွှဲခိုင်းတာ ဖြစ်ပါတယ်။
အဓိကနစ်နာသူ - တရားစွဲဆိုသူတွေထဲက အမျိုးသမီးတစ်ဦးဆိုရင် ဒီနည်းလမ်းနဲ့တင် ဘတ် ၁၆၅ သန်း အထိ တစ်ဦးတည်း ဆုံးရှုံးခဲ့ရပါတယ်။
ဘာကြောင့် Platform တွေကို စွဲတာလဲ - အဆိုပါ Platform ကြီးတွေဟာ လိမ်လည်မှုဖြစ်ပွားရာ နေရာဖြစ်နေသလို၊ ကြော်ငြာခတွေကနေ ဝင်ငွေရနေတဲ့အတွက် တာဝန်ယူသင့်ပြီး ဘဏ်တွေကလည်း ငွေစီးဆင်းမှုကို ကြိုတင်မတားဆီးနိုင်ခဲ့လို့ ဖြစ်ပါတယ်။
ဒီအမှုကို လာမည့် ဩဂုတ်လ ၃ ရက်နေ့ မှာ တရားရုံးက စတင်ကြားနာသွားမှာဖြစ်ပြီး၊ ရလဒ်အပေါ်မူတည်ပြီး အနာဂတ်မှာ အွန်လိုင်း Scam ခံရရင် Platform တွေနဲ့ ဘဏ်တွေ ဘယ်လောက်အထိ တာဝန်ယူပေးရမလဲဆိုတာ ဥပဒေကြောင်းအရ အပြောင်းအလဲကြီး ဖြစ်လာနိုင်ပါတယ်။
မိမိတို့ကိုယ်တိုင်လည်း ဖေ့ဘွတ်ခ်ပေါ်က ရင်းနှီးမြှုပ်နှံမှု ကြော်ငြာတွေကို အထူးသတိထားကြဖို့ တိုက်တွန်းပါရစေ။
TM-Monitor - သတင်းထူးများကို တစ်နေရာတည်းတွင်။
#ထိုင်းသတင်း #အွန်လိုင်းလိမ်လည်မှု Council
