بين الخيال والواقع

بين الخيال والواقع بين الكلام والواقع تفاصيل كثيرة

18/07/2026

اصحاب المحلات والشركات بلادقية مصطلح وجبة طعام او بدل وجبة طعام شهري ماوصل لعندكن لسى هالشي ؟؟!

18/07/2026

جرب احسبها ع الورقة والقلم انت كصاحب شركة او محل
عم تعطي موظف دوام من صبح للمسا مليون ونص وبأفضل حال مليونين
اجار طريق شهرياً 300.000 ل.س
اذا الموظف عم يداوم هك دوام ف اكيد بدو ياكل كل يوم صندويشة فلافل 300.000 ل.س
اذا الموظف عندك ع هك دوام بدو كل يوم فنجانين قهوة 300.000 ل.س
اذا الموظف شهريا بدو رصيد موبايل مو اقل من 100.000 ل.س
هي نص راتب او تلتين راتب راح بس بالدوام
لسى ما حسبنا اكل وشرب وعيلة واجار بيت وطبابة وتياب

بقا وقت بيكون عندك موظف عم يقبل يشتغل بهك راتب. ..لازم انت تقلو استاذ ومعلم مو هوي يقلك لانو بكون مفضل عليك وعم يتعامل معك بالمنيح

18/07/2026

اصحاب الشركات والمحلات في سوريا عموماً واللاذقية بالأخص
وقت بتعطي راتب لموظف عندك مليون او مليون ونص او حتى مليونين
بشو عم تفكر...جرب انت وعيلتك تعيشو بالشهر بهك راتب وشوف اذا رح يكون الك نفس تشتغل

11/07/2026

اصحاب المحلات والشركات باللادقية خصوصاً وسوريا عموماً
مافي اشطر منكن بركب موجة الغلا وزيادة الاسعار ....بس وقت الموضوع يتعلق برواتب الموظفين بتصيرو متل الهنود وبتصيرو تبكو كرمال تستغلو الموظفين

11/07/2026

بما انو كل اجارات حالياً صارت بالدولار والكل عم يطلب اجارات بين 100$ وبتوصل لل1000$
سؤال بسيط ....اذا مع الايام نزل الدولار لل5000 او لل1000 رح تضل تاخد اجار بيتك بالدولار ؟؟؟!

02/07/2026

اصحاب الشركات والمحلات بتحسوهن عايشين منافسة مين بيعطي راتب مذل اكتر من التاني للموظفين الي عندو

02/07/2026

اصحاب الشركات باللادقية بتحسوهن عايشين بكوكب زمردة وقت بدهن يحطوا رواتب موظفين وعايشين بكوكب زحل وقت بسعرو بضاعتهن

02/07/2026

انت كشاب سوري
مطلوب منك تكون سوبر مان وابو الحلول
بس الواقع بيفرض عليك ان تكون اي شي بس لحتى ماتحتاج حدا

02/07/2026

طالب جامعة باختصاص هندسة او طب او اي اختصاص
بيكون مضروب بحجر كبيرة انو يا لطيف رح يصير بالمستقبل شي خطير
بس الواقع انو هي مجرد شهادة رح يعلقها ع الحيط ويروح يدور ع شغل ليطعمي عيلتو

02/07/2026

جيل الشباب السوري حالياً عم يصارع ويقاتل مو لبناء مستقبل...فقط للبقاء واقف
ضغوطات من جمبع الجوانب

Address

Lattakia

Website

Alerts

Be the first to know and let us send you an email when بين الخيال والواقع posts news and promotions. Your email address will not be used for any other purpose, and you can unsubscribe at any time.

Shortcuts

Share

Category