15/09/2025
من ام
انا عندي بنت عمرها 19 سنة كتير بكرهها صعب انو حبها حاولت كتير بس ما بحبها من يوم ما نولدت
بحب كل ولادي اكتر منها..
ما بنكر اني جننتها وقسيت عليها كتير وكنت اطلع ضغطي كلو فيها وهي ما كانت تسكتلي كانت تجاوبني لما كانت تنضغط
حاولت اعاملها متل باقي خواتها من ناحية المصاريف متل ملابس ومصروف وحتى كنت اعطيها اكتر اوقات مشان ريح ضميري بس ما في فايدة كنت اعاملها فترة منيح وفترة أطول معاملة مو منيحه وابوها ما كان منيح معها كان قا سي وعقد'ها
وهي كانت فاهمة اني ما بحبها كانت دايما مكتئبة وكتير معقدة ودايما ساكتة وما بتحكي مع الناس ولما شفت انو شخصيتها بشعة هيك كرهتها اكتر
هلأ هي سنة اولى جامعة بس متل المتو،، حدة بتحاول تحسن علاقتها معي دايما بس انا مو معطيتها مجال لاني مو قادرة اتحملها وكتير كانت معقدة وتعمل مشاكل
بعرف انو الحق علي بس هي بتشوف انها هي يلي مش منيحه لانو احنا ضعفنا شخصيتها وخليناها مو واثقة بحالها ابدا
بس هي كتير طيبة وبتحبني انا وابوها وبتحاول تثبت حالها دايما انها منيحة بس انا مستحيل أبين اني شفت اشي منيح فيها عشان ما تنبسط
انا نزلت هاد الاعتراف مشان تنصحوني لاني بعاني بكرهي الها من سنين من ١٩ سنة وانا بتمنى تـ،، مو،، ت وتبطل موجوده بحياتي مع انها هي مسالمة لما ما حدا ييجي فيها بس انا بكرها مو بأيدي.
@أبرز المعجبين
