05/05/2026
Xisbiga SINCAD oo Cududdiisa iyo Taageerada Shacabka oo maanta ku soo Bandhigay Ololihii ugu Ballarnaa Koonfur Galbeed Soomaaliya.
Magaalada Baydhabo waxay maanta martigelisay mid ka mid ah isku-soo-baxyadii ugu xoogganaa abid ka dib markii howl-wadeenadda Olalaha
Xisbiga SINCAD ay isugu soo baxeen jidadka iyo fagaarayaasha halbowlaha u ah caasimadda kumeel-gaarka ah ee Koonfur Galbeed.
Ololahan oo ahaa mid si heersare ah loo soo agaasimay, ayaa lagu soo bandhigay nidaam iyo kala-dambayn muujinaya bisaylka siyaasadeed ee xisbiga.
Waxaa safafka h**e kaga jiray dhalinyaro, aqoonyahanno, iyo qaybaha bulshada oo ku dhawaaqayay halku-dhegyo ay ku dalbanayaan
Sinaan, Caddaalad, Hiigsi iyo Horumar waara.
Goobaha ay kooxaha ololuhu tageen, waxaa si diirran ugu soo dhaweeyay shacabka reer Baydhabo oo muujiyay inay u oomman yihiin isbeddel dhab ah oo ka fog eex iyo dib-u-dhac.
Hoggaanka xisbiga ayaa farriin mahad-celin ah u diray bulshada, iyagoo xasuusiyay in codkoodu yahay furaha kaliya ee lagu gaari karo mustaqbal ifaya.
Nuxurka Farriinta:
Maanta ma ahayn uun olole xisbi, waxay ahayd dareen shacab iyo dhaqdhaqaaq bulsho oo muujiyay in isbeddelku uu ka bilaabanayo midnimadeenna.
Dhaqdhaqaaqan maanta ka dhacay Baydhabo ayaa loo arkaa fariin xooggan oo ku aaddan tartanka loogu jiro hoggaanka sare ee Koonfur Galbeed, iyadoo Xisbiga SINCAD uu u muuqdo mid kasbaday qalbiyada dhalinyarada iyo aqoonyahanada gobolka.
