EMR Gallery

19/05/2026

13/05/2026

နေဝင်ချိန်လေး.............. Amg Mo Kio Park

23/06/2025

မိုးရွာပြီးစ

23/06/2025

Night Shoot

18/06/2025

စလုံးက တရုတ်ဘုံကျောင်းရှိတဲ့ ကျွန်းကို သွားတုန်းက ရိုက်ထားတဲ့ ပုံအချို့။

16/06/2025

ဟိုနား ဒီနား။။။။။

19/05/2025

နှင်းကျတာ၊ နေထွက်တာ၊ ပန်းပွင့်တာ
သဘာဝတရားကိုမှ မယုံရင်
မင်းနဲ့ငါ
ဘာကိုယုံမလဲ ။ ။

#မောင်သိန်းဇော်

28/04/2025

မမရေ … … …
မမရေ … … …
မမရေ …
ကျွန်တော့်ကိုတံခါးဖွင့်ပေးပါ။

သွေးရူးသွေးတန်း
ကိန်းဂဏန်းတွေ ကိုင်မြှောက်ပြ
အကြိမ်တစ်ရာရှိပါပြီ
မဟာစကြာဝဠာ တစ်ခုလုံး
နပိုလီယံကလွဲပြီး လူသားအားလုံး
စစ်ကိုမုန်းသလို သဘောတူကြတယ်
ဟုတ်တယ်၊ ဒါ ဖျားနာသူရဲ့အသံပါပဲ။

အိုး
ငါ ဖျားနေတာ
နွေသုံးခု ၊ မိုးသုံးခု
ဆောင်းသုံးခု
ဒုမဲ့ဒြပ်မဲ့ လက်ပတ်နာရီ
လူနာကုတင်ပေါ် အိပ်ရာပြင်
ပညာရှိများကို ကန့်ကွက်ရဲ့
အသက်ရှင်ခြင်းဆိုတာ ရင်ခုန်တာပါပဲ
ဘယ်သူငြင်းမလဲဟေ့
ဘယ်သူငြင်းမလဲ။

ဆရာဝန် ညွှန်ကြားချက်မှာ
လက်ဖက်ရည်တစ်ခွက်ပေးပါ
ဒူးယားတစ်လိပ်ပေးပါ
မမကျွန်တော့်ကို ချစ်ပါ
ဒီကောင် လက်နက်ချရမယ်တဲ့။

#အောင်ချိမ့်
#ဂန္တဝင်မမ

27/04/2025

ဥဒါန်း
----------------------

ပြာဝင်းဝိုးဝါးတဲ့
ဆောင်းနှင်းများကသာ
သမိုင်းရဲ့ ဘာသာစကားဖြစ်မယ်ဆိုရင်
တလိမ့်လိမ့် " ခ " ယွင်းတဲ့
သွေးနှင်းစက်တွေ
တို့မြေမှာ မှိုင်းမှိုင်းဝေရော့မယ် ။

သေသူရဲ့အရိုးတွေက
ရှင်သူကိုဘာလုပ်ရမယ်လို့
အံ့ချီးဖွဖွ ရည်ညွှန်းကြတာ
သမိုင်းလို့ ဆိုရမယ်
ရာဇဝင်ဆိုးရဲ့အရိုးတွန်သံ
ဘယ်သူ့ထံပါး
သယ်ဆောင်သွားမလဲ နှင်းတို့ရယ် ။

ဒီဖက်ကမ္ဘာခေတ်ရဲ့
ရဲရင့်တဲ့သမိုင်းကြောင်းဟာ
ဒို့ ပြည်က
ကျောင်းသားအလောင်းတွေဆီမှာ ရှိတယ် ။

သားပျောက်ရှာတဲ့ အမေကို
သူ့အောက်က မြေက
မေမေ လို့ တိုးတိုးလေး ခေါ်နေတယ်
မေမေရယ် . .
မေမေရယ် . .
မေမေရယ် . .

ဇာဘုရင်ရဲ့ စနစ်ဆိုးကြောင့်
ပြည့်တန်ဆာဖြစ်ရတဲ့
ရုရှားမလေးဟာ
အိပ်ယာထဲမှာ ငိုနေတယ်
နေဝင်းရဲ့ စနစ်ဆိုးကြောင့်
သူပုန်ဖြစ်ရတဲ့ ကျောင်းသားတွေ
လမ်းမပေါ်မှာ တိုက်ပွဲဝင်နေတယ် ။

ဒီနေ့ပွဲဟာ . .
ရှုံးရှုံး နိုင်နိုင်
ယှဥ်ပြိုင်ခြင်းသာ အဓိကဆိုတဲ့ ပွဲမဟုတ်ဘူး
သူသေ ကိုယ်သေ အပြိုင်နွှဲ
ဝိဥာဥ်ချင်း ရိုက်ခွဲတဲ့ပွဲဖြစ်တယ် ။
ဟေ့ . . . " ကြိုးစင် "
ငါ . .ရင်ကော့ပြီးလာခဲ့မယ် ။ ။

**ရွှေဘုန်းလူ**