ልሳን ኣበው

22/02/2026

ኣርእስቲ፦ "ጾም ንነፍሲ ቐለባ፡ ንስጋ ድማ መግረፍታ እዩ"
እዚ ስብከት እዚ ጾም ንምንታይ ከም ዝጠቅም ንምርዳእ ዝሕግዝ እዩ።

👉🏽ጾም ማለት እንታይ ማለት እዩ?
ጾም ካብ መግቢ ጥራይ ምኽልካል ዘይኮነስ፡ ካብ ኩሉ ክፉእ ነገር (ሕሜት፡ ቂምታ፡ ስስዐ) ምርሓቅ ማለት እዩ። "ከምቲ ከብድኻ ካብ መግቢ ዝጽይም፡ መልሳኻ ካብ ሕሜት፡ ዓይንኻ ካብ ሕማቅ ምርኣይ፡ እዝንኻ ድማ ካብ ሕማቅ ምስማዕ ክጽይም ይግባእ" ይብሉ ቅዱሳን ኣቦታት።
👉🏽ንምንታይ ንጾም?
👉🏽ንትእዛዝ ኣምላኽ ንምኽባር፦ ቀዳማይ ትእዛዝ ኣምላኽ ንኣዳም "ካብዛ ኦም እዚኣ ኣይትብላዕ" ዝብል ናይ ጾም ትእዛዝ ነበረ።
👉🏽ስጋ ንነፍሲ ክግዛእ፦ ስጋና ክጸግብ ከሎ ንመንፈሳዊ ነገራት ይዝሕል እዩ። ብጾም ግን ስጋና ስለ ዝደክም፡ ነፍስና ትሕይልን ናብ ኣምላኽ ንክትቀርብ ዕድል ትረክብን።
👉🏽ፍረ ጾም፦ ብዘይ ጸሎትን ምጽዋትን (ንድኻታት ምሕጋዝ) ዝግበር ጾም ከምቲ ክንፊ ዘይብላ ዑፍ እዩ። ጾም ምስ ጸሎትን ምጽዋትን ምስ ዝኸውን እዩ "ሰለስቲኡ ገመድ" ተባሂሉ ዝጽዋዕ።

👉🏽ካብ ልቢ ምጻም፦ ሰባት ክርእዩና ኢልና ክንጸይም የብልናን። ጐይታና ኢየሱስ ክርስቶስ "ክትጾሙ ከለኹም ከምቶም ግቡዛት ገጽኩም ኣይተጸውልጉ" ኢሉ መሂሩና እዩ።
👉🏽ምሕረት ምግባር፦ ኣብ ግዜ ጾም ካብቲ ንዓና ዝተረፈ መግቢ ንዘይብሎም ብምሃብ ፍቕርና ክንገልጽ ይግባእ።
👉🏽መዝሙረ ዳዊት 35:13፦ "ነፍሰይ ብጾም ኣዋረድክዋ" ከም ዝበለ፡ ጾም ናይ ትሕትና መግለጺ እዩ።
ጾም መንፈሳዊ ውግእ እዩ። ሰይጣን ብመግቢ ኣቢሉ ንኣዳም ከም ዘስሓቶ፡ ንሕና ድማ ብጾም ኣቢልና ንሰይጣን ንስዕሮ። ጾም ናብ ንስሓን ናብ ቅዱስ ቍርባንን ዘብጽሕ መገዲ እዩ።

ልሳን ኣበው
ናብ ብዙሕ ሰብ ክበጽሕ ሸር ሓንቲ ጥቅሲ ኣብ ቦታ ኮሞንት

21/02/2026

#ሰላም

18/02/2026

With Mekdes Abate – I just got recognised as one of their top fans! 🎉

12/02/2026

"ካህን መልከ ጼዴቅ ወዲ ሳሌም"

በስመኣብ ወወልድ ወነንፈስ ቅዱስ ኣሃዱ ኣምላኽ ኣሜን!!

መልከ ጼዴቅ ማለት ብእብራይስጥ ናይ ሓቂ ንጉሥ። ናይ ሓቂ
ገዛኢ ማለት ክኸውን ከሎ ትውልዱ ካብ ሕዝቢ ካም ኮይኑ
ብሕጽር ዝበለ ሐሴል ንሳሌም። ሳሌም ንሜልኪን ንመልከ
ጼዴቅን ወለደ፣ ስለዚ ስም ኣቡኡ ሳሌም ኣዲኡ ከኣ ሰሊማ
ይብሃሉ፣ ሓዋርያ ቅዱስ ጳውሎስ ኣብ ዕብ 7።11 “ዘኣልቦቱ አብ
ወእም’፣ ኣቦን ኣደን የብሉን ንዝበሎ ትርጉሙ ዘተረድኡ ሰባት
“መልከ ጼዴቅ ወዲ እግዚአብሔር እዩ” ኢሎም ክምህሩ ኣብ
ዝተሰምዑ ግዜ ዝነበረ ሊቅ ቅዱስ ማርቆስ ካብ ኣምላኽ ሱባኤ
ሓቲቱ ብዝረኸቦ ዝሃቦም መረዳእታ ከምዚ ዝስዕብ እዩ፣ ኣቦን
ኣደን የብሉን ከብሎ ዝኸኣለ
1. ናይ ነገደ ካብ ትውልዲ ኣብ መጽሓፈ ኦሪት
ስለዘይተጻሕፈ እምበር ኣቡኡ’ስ ሳሌም እዩ፣
2. ኣቡኡ መምለኺ ጣዖት ብምንባሩ እዩ ነቡኡ ዘይዘከሮ፣
እዚ ካህን መልከ ጼዴቅ ብትንቢት ብዕለት 27 መጋቢት
ተወልደ፣ ተወሊዱ ውን ከም ኩሉ ሰብ ምስ ወለዱ ኣይዓበየን፣
ምኽንያቱ እግዚኣብሔር ኣምላኽ ስለዝመረጾ አቐዲሙ ውን
ብዓቢ ሓወቡኡ ሴም ትንቢት ዝተነግረሉ ኣብ ጎልጎታ ዝተባህለ
ምስ መላእኽቲ ኮይኑ ናይ ኣቦሓጎታቱ ኣዕጽምቲ ማለት ካብ
ኣዳም ክሳብ ኣቡኡ ዝነበሩ ቅዱሳን ኣስከሬኖም ብኽብሪ እናዓጠነ
ይነብር ነበረ፣
ጸጉሪ ርእሱ መላጸ ኣይተንከፎን፣ ካብ መዓልታት ሓደ መዓልቲ
ኣብርሃም ንጸላእቱ ነገሥታት ስዒሩ ምስ ተመልሰ ብመስዋዕቲ
ስርናይን ወይንን ተቐበሎ፣ እዚ ከኣ ትንቢት ናይ ቅዱስ ሥጋ
ወልደ እግዚአብሔርን ክቡር ደመ ወልደ እግዜብሔርን እዩ፣
አብርሃም ውን ካብ ኩሉ ትሕዝትኡ ዓስራይ ኣፍ ሃቦ፣ ስለዚ እዩ
ከኣ ክሳብ ሎሚ ዕሽር ንቤተ ክርስትያን እናተዋህበ ዝነበር ዘሎ፣
ናብ ናይ ሳሌም ኣቡኡ ታሪኽ ክንምለስ ሳሌም ኣቡኢ መምለኺ ጣዖት ስለዝነበረ ንመልከ ጼደቅ ወዱ
“ካብተን ኣባጊዕ ዝጸበቐ ኣምጽኣለይ እሞ ንኣምላኽና ጣዖት
መስዋእቲ ከነቕርብ” በሎ፣
መልኬ ጼዴቕ “ጣዖት ደኣ እንታይ ኣምላኽ ኮይኑ እምቢ
ኣየምጽኣልካን እየ” በሎ፣ ሳሌም “እምበኣርከስ ኣብ ክንዲ በጊዕ
ንዓኻ ክስውኣካ እየ” በሎ፣ ኣብዚ ግዜ እዚ ኣዲኡ ሰሊማ ኣዝያ
ትፈትዎ ስለዝነበረት ንሳሌም ሰብኣያ መስዋዕ ምስውኡስ ምስ
የሕዋቱ ዕጫ ኣውዲቕካ ዘይተስውዕ በለቶ፣ ንሱ ውን ንዘረባኣ
ተቐበላ፣ ዕጫ እንተኣውደቐ ናብቲ ዓቢ ሓዉ በጽሐ፣ ሳሌም
ንወዱ ክስውዖ እናኸደ ከሎ ሰሊማ ንመልከ ጼዴቕ ወዳ “ኣንታ
ወደይ ሓውኻ እናሞተ ስቕ ዲኻ ትብል” በለቶ፣ መልከ ጼዴቕ
ናብ እግዚአብሔር ጸሎት ገበረ እሞ ካብ ሰማይ ሓዊ ወሪዳ
ንሳሌም ምስ ወዱ በልዓቶም፣
መልከ ጼዴቅ ምሳሌ ናይ ጎይታናን ኣምላኽናን መድኃኒናን
ኢየሱስ ክርስቶስ እዩ፣ ዕረፍቱ ወይ ዝተሰወረሉ ዕለት ጳጉሜን
ዕለት 3 እዩ፣
ኣብ ሃገርና ኤርትራ ብስሙ ዝተሓንጸ ቤተክርስትያን ኣብ ሰላዕ
ዳዕሮ ዘተባህለ ዓዲ ዞባ ማእከል። ብማየ ጸሎት ንብዙኃት
እሙማት ዘሕዊ። ውላድ ዝሰኣና መዃናት ውላድ ዝህብ ፍሉጥ
ኣሎ፣
ጸሎቱን በረኸቱን ምስ ኩልና ሕዝበ ክርስትያን ይኹን፣
- ሰላም ለመልከ ጼዴቅ አምሳሉ ወሲታፉ፣
- ለዘመጽኣ ቃል በደመና ስንግል አጽፉ፣
- ጠቢባን ግብሮ በከመ ጽሐፉ፣
- ለሥጋ ኣዳም አቡነ ኅበ ተሐንፀ ምዕራፉ፣
- ዝንቱ ካህን ይነብር ለዝሉፉ፣
ምንጭ = መጽሐፈ ፊልክዩስ ገጽ 38-39
ከምኡ ውን ትርጓሜ መዝሙረ ዳዊት 110።4
ሁለቱ ኪዳናት ማኅበረ ቅዱሳን አዲስ ኣበባ ብ1995 ግዕዝ
ዘፍ 4።18 ዕብ 7።1-10 ስንክሳር ዕለት 3 ጳጉሜን

ናብ ኩሉ ሰብ ክበጽሕ ሸር ላይክ
ነዚ ቻነል ክንዓቢ ሓሳባት ኣብ ኮመን
#ሰላም

04/02/2026

04/02/2026

ፍቕሪ መገዲ መንግስተ ሰማያት እያ!

ፍቕሪ መንገዲ መንግስተ ሰማያት እያ።
ፍቕሪ ኩሉ መሰረት ሕጊ እያ። ብዘይ ፍቕሪ ዝግበር ጾምን ጸሎትን ትርጉም የብሉን። ንጸላእትና ምፍቃርን ንድኻታት ምርዳእን ናይ ክርስትናና መለለዪ እዩ።

ኣምላኽ ፍቕሪ እዩ እሞ፡ እቲ ዘየፍቅር ንኣምላኽ ኣይፈልጦን እዩ።" (1 ዮሃንስ 4:8)

ኣብ እግዚኣብሔር ተስፋ ምግባር
ኣብ ህይወትና ፈተናታት ክበዝሑ ከለዉ ክንዝክሮ ዝግባእ ነገር እንተሃሊዩ፡ እግዚኣብሔር ንበይኑ ከምዘይሓድገና እዩ። እምነት ማለት ዘይርአ ነገር ከምዘሎ ጌርካ ምእማን እዩ። ሎሚ ዝኸበደካ ነገር ጽባሕ ብጸጋ ኣምላኽ ክቕለል እዩ።

እምነት ግና ነቲ ተስፋ ዝግበሮ ነገርርግጽ ምግባር፡ ነቲ ዘይርአ ነገር ምርዳእ እያ።" (እብራውያን 11:1)

ንስሓ ናይ ነፍሲ ሕክምና
ንስሓ ማለት ካብ ሕማቕ መንገዲ ተመሊስካ ናብ ኣምላኽ ምቕራብ እዩ። ቤተ ክርስቲያንና ኩሉ ግዜ ማዕጾኣ ንንስሓ ዝመጹ ክፉት እዩ። ንስሓ ሓጢኣትና ዝሕጸበሉን ምስ ኣምላኽ እንደገና የምሓዝወሉን መንገዲ እዩ።

መንግስተ ሰማያት ቀሪባ እያ እሞ፡ ንስሓ እተዉ።" (ማቴዎስ 3:2)

ኣብ ጽቡቕ ይኹን ኣብ ሕማቕ፡ ንኣምላኽ ምምስጋን ዓቢ ጸጋ እዩ። ምስጋና ንበረኸት ኣምላኽ ዝስሕብ መግነጢስ እዩ።

"ብኹሉ ኣመስግኑ፡ እዚ ፍቓድ ኣምላኽ ብክርስቶስ የሱስ ኣብኻትኩም እዩ እሞ።" (1 ተሰሎንቄ 5:18)

"ጸሎት ምስ ኣምላኽ ዘራኽብ መንገዲ እዩ። ኣይተቋርጾ።"

"ንጽባሕ ኣይትጨነቕ፡ ናይ ጽባሕ ዝሓሊ ኣምላኽ ኣሎ።"

ልሳን ኣበብ ፔጅ
💬 ኣብ ኮመንት ሓንቲ ጥቕሲ ንጽሓፍ! 🙏 ሼር ብምግባር ንኻልኦት ነካፍል!

26/01/2026

“ንሱ ንስቃይና ኣብ ነብሱ ጽዓና…”
(ኢሳይያስ 53፡4)

26/01/2026

ኣቱም ኩሉኹም እትጽዕሩን ጾር ዝኸበደኩም ናባይ ንዑ፣ ኣነ ድማ ክዕርፈኩም።”
(ማቴ 11፡28)

ኣብ ህይወትና ጾር ኣሎ — ጾር ሓጢኣት፣ ጾር ጭንቀት፣ ጾር ሓዘን፣ ጾር ተስፋ ምቑራጽ። ብዙሕ ጊዜ እዞም ጾራት ብርእስና ክንሸከሞም ንፈትን፣ ግን እናተዓንቀፍና ንርከብ።

ኣምላኽናን መድሓኒናን ኢየሱስ ክርስቶስ ግና ይጽውዓና እዩ፤ “ናባይ ንዑ” ይብል። እዚ ጽዋዕታ ናብ ኩሉ እዩ — ናብ ዝደኸመ፣ ናብ ዝተሰበረ ልቢ ዘለዎ፣ ናብ ዝተጭነቐ።

እቲ ሓቄኛ ዕረፍቲ ኣብ ዓለም ኣይርከብን፤ ኣብ ክርስቶስ ጥራይ ይርከብ። ንሱ ጾርና ይሸከም፣ ልብና ይዕርፍ፣ ተስፋ ይህብ።

ከምቲ ሓደ ሕሙም ናብ ሓኪም ከይዱ ፈውሱ ዝርክብ ኣነን ንስኻትኩም ድማ ሎሚ ናብ ቤቱ ንምጻእ ንጾርና ናብኡ ንእተው፤ ሰላሙ ክንቀበል።


#ተስፋ
#ሰላም

23/01/2026

ይህንን መንፈሳዊ ቻናል ለማሳደግ ሰብስክራይብ ማድረግዎን አይርሱ🙏❤️🙏

ነዚ መንፈሳዊ ቻነል ንምዕባይ ፈለው ምባል ኣይንሕመቅ🙏❤️🙏

Enjoy the videos and music you love, upload original content, and share it all with friends, family, and the world on YouTube.

23/01/2026

ሰብስክራይብ ያድርጉ እና የአባቶች አንደበት ቤተሰብ አባል ይሁኑ🙏❤️

ሳብስክራይብ ብምግባር ስድራ ልሳን ኣበው ክትኾኑ ንዕድም🙏❤️

Se alla dina favoriter bland videor och musik, ladda upp originalinnehåll och dela allt med vänner, familj och hela världen på YouTube.