01/12/2023
للفائدة
بسم الله الرحمن الرحيم
شرح اهم المواضيع الخاصة بالقنوات المجانية:-
1- الشيرنج:-
أولا:ما هو معنى الشيرنج او المشاركة بالمشاهدة. هو أشتراك مجموعة من الأفراد مع بعضهم عن طريق شبكة كبيرة تربطهم مع بعض وهى (الأنترنت) وتتكون من سيرفر ومجموعة أفراد مشتركين ومستفيدين من هذا السيرفر
بطريقة مبسطة زي سيرفر سودان سات في مجموعة صاحب سيرفر يكون عامل سيرفر ويوزع لينا بيانات ونحنا بنشل بيانات سيرفر ونشغل القنوات وكلنا بنكون مشتركين في .
2-انواع سيرفرات الشيرنج:-
– سيرفر سيسكام CCCAM.
2 – سيرفر اوركا Orca.
3 – سيرفر فورايفر Forever.
4 – سيرفر الفان كام FunCam.
5 – سيرفر الجى شير G-Share.
6 – سيرفر الجى شير بلص G-Share Plus.
7 – سيرفر ريد شير Red Share.
8 – سيرفر فانيلا Server Vanilla
السيسكام:-
هو سيرفر العندو مشتركين كتار
مميزات سيرفر السيسكام انو بشتغل علي معظم الاجهزة البتدعم شيرنج الرخيصة او الغالية وسيسكام ما بستهلك انترنت اقل من عشرة ميغابات تكفي لتشغيل سيسكام 24ساعة يتكون سطر سيسكام من اربعة اسطر هوست بورت يوزر باص تنكتب في مكان مخصص ليها علي رسيفر مثال لبيانات سيرفر
host: sudansat,net
port:24240
user:5202
pas:5021
دا شكل بيانات تتنزل بالترتيب علي رسيفر
السيسكام فاتح لباقات كتيرة من باقات مفتوحة علي سيرفر ومهمة لينا في السودان
باقة YES اموس
السيرفرات شبيه بالسيسكام وهي نفس سيسكام وبتفتح نفس باقات مجيكامد ونيوكامد الاختلاف في سطر زايد يعني بتكون من خمسة سطور مفتاح key يتكون من ارقام
باقي سيرفرات:-
سيرفرات مدمجة بتجي مع رسيفرات زي سيرفر اوركا Orcaسيرفر مدمج علس اجهزة الايكون وسيرفر فور ايفر ايضا سيرفر مدمج علي اجهزة كتيرة زي ستار سات و تايغر وظهرت سيرفرات جديد في فترة الاخيرة زي ناشير وتيكام بتشتغل علي اجهزة معينة السيرفرات دي ممكن تكون اغلي من السيسكام شوية عشان بتكون عندها باقات حصرية حتي الاجهزة المشغلة سيرفرات دي بتكون غالية عشان بتكون عندها ميزات كتيرة بس سبب الاول بكون في سيرفر .
قبل نشرح اهم الاقمار في السودان ح نشرح شفرة البيس عشان عندنا اقمار كتيرة تشتغل بالنظام دا ومهمة لينا في السودان زي الياه سات والايراني
شفرة البيس:-
هو نظام تشفير تتابعي ابتكر للاستخدامات العسكرية حيث استخدمته البحرية الامريكية لتشفير الرسائل المتبادلة بين القطع البحرية العسكرية الا انه تم عرضه للاستخدام الفضائى فتم تطوير واصبح يعتمد على شيئين مهمين جدا يختلفا باختلاف القناة المشفرة نفسها هما الاول السرفس ID يعني رقم الخدمة للقناة المسمى بـ sid والثانى هو PMT .
يلا دا شرح بي كلام ما زي كلامنا بطريقة مختصرة وبالرندوك حقنا مثال لشفرة البيس
BlSS : 01 03 AB AF CD 20 16 03
SID : 0005
دي شفرة قديمة لقناة فارزيش علي القمر ياه سات
في الرسيفرات البتدعم الشيرنج وشفرات بكون في مكان مخصص لكتابة شفرة بيس بتنزل شفرة للقناة وبتشغل معاك طوالي ما بتحاج لي نت .
عشان نشرح اهم الاقمار والقنوات المجانية لازم نعرف انو معظم القنوات البتنقل الدوريات بتكون اجنبية عشان قنوات bein sport عندها الحقوق ومافي قناة عربية تقدر تنقل بطريقة رسمية لدوريات الكبري غيرها يعني تعليق بكون اجنبي عشان نحل مشكلة دي لازم نعمل تايم شفت داخلي او خارجي
التايم شفت :-
طريقة لاضافة التعليق العربي للقنوات الاجنبية اسهل طريقة لعمل التايم شفت تشتري رسيفر يدعم التايم شفت الدخلي يعني رسيفر زاتو بتكون في خاصية بتضيف التعليق العربي من bein sport ورسيفرات البتدعم التايم شفت الداخلي كتيرة زي ستار نت مثلا
التايم شفت الخارجي :-
تحتاج تنزل تطبيق راديو علي موبايل زي مكلسر او تطبيق محمد الحسن الزبير دي تطبيقات عليها محطات لbein ممكن توصل وصلة اسمها 2في 1 علي موبايل وتلفزيون عشان تسمتع بالتعليق افضل .
الاقمار الاهم والافضل في تغطية في السودان لمشاهدة الدوريات مجانا :-
القمر الاول و بدون منازع قمر الكيان الصهيوني اموس
القمر يحتوي علي اكثر من 10قنوات رياضية تنقل كل الدوريات العالمية قنوات القمر تعمل علي شيرنج وسيرفرات ممكن نستقبل القمر علي طبق العادي 65سم في كل السودان شمال غرب شرق جنوب التغطية فل قنوات القمر اس دي و اتش دي
طريقة الاستقبال :-
اقوي تردد 11030/27500/v
القمر قريب للنايل سات شديد
لو جيت تغير وزنت النايل سات و وقفت خلف الطبق ارفع طبق نايل سات لفوق 3سم وحرك الطبق شمالك 3سم بتدخل معاك اشارة علي تردد اعمل بحث و مبروك عليك قمر اموس
القمر الثاني ياه سات :-
القمر اماراتي يحتوي علي اشهر قنوات مجانية فارزيش و فوتبول الطجكية نظام تشغيل القناتين شفرة البيس بالشفرة بس صورة القنوات فل اتش دي يختلف الياه سات عن اموس عندنا هنا في السودان عشان القمر بحتاج لي اطباق معينة وتختلف من منطقة للتانية
افضل استقبال للقمر وبطبق العادي 65سم في ولاية البحر الاحمر و محليات القريبة من دولة مصر ويختلف الاستقبال ويستقبل القمر في شمال وشرق السودان علي اطباق تبدا من 90سم الي 130سم وفي وسط وغرب السودان علي اطباق تبدا من 240سم وانت طالع اقوي تردد للقمر 11977/27500/h
القمر التالت:-
عملاق الشيرنج العنيد هيلاسات القمر يعمل بنطام الشيرنج وسيرفرات عدد قنوات القمر الرياضية ممكن يصل 20 قناة رياضية اهم المناطق ممكن تستقبل القمر علي اطباق 130سم الي 165سم الولايات القريبة من العاصمة والعاصمة الخرطوم زاتة اقوي تردد للقمر 12210/30000h
]
دي ما كل الاقمار بس الاهم والافضل وتاني انت وطبقك ومكانك تبحث
#سودان سات
منقول
