08/10/2026
တခါတလေကျရင် လူ့ဘဝဆိုတာ ပခုံးပေါ်မှာ ထမ်းပိုးထားရတဲ့ ဝန်ထုပ်ဝန်ပိုးတွေက ကိုယ်ထမ်းနိုင်တာထက် ပိုလေးလံလာတဲ့အခါ အရှုံးပေးချင်စိတ်တွေ ဝင်လာတတ်ကြပါတယ်။ ဒီလိုရင်နာစရာ ဖြစ်ရပ်ဆိုးတစ်ခုကတော့ ထိုင်းနိုင်ငံ၊ ဘန်ကောက်မြို့က ကရွန်ထက် (Krungthep) တံတားပေါ်မှာ ဖြစ်ပွားခဲ့ပြီး လူမှုကွန်ရက်ပေါ်မှာ ဖတ်ရသူတိုင်းရဲ့ ရင်ကို ဆို့နင့်စေခဲ့ပါတယ်။
အစားအသောက် ပို့ဆောင်ရေး ဆိုင်ကယ်ဒီလီသမား (Rider) တယောက်ဟာ သူ့ရဲ့ အသက်မွေးဝမ်းကျောင်း ပစ္စည်းလေးတွေဖြစ်တဲ့ ဆိုင်ကယ်နဲ့ ဖိနပ်ကို တံတားပေါ်မှာ စနစ်တကျ ချွတ်ထားခဲ့ပြီး မြစ်ထဲကို ခု-န်-ချ---သွားခဲ့ပါတယ်။ ဒီအဖြစ်အပျက်ကို အွန်လိုင်းသုံးစွဲသူတွေနဲ့ နာမည်ကြီး သတင်းပေ့ချ်တွေကနေတဆင့် ဆိုင်ကယ်နဲ့ ဖိနပ်ပုံတွေကို တင်ကာ ဆွေမျိုး ဒါမှမဟုတ် သိကျွမ်းသူတွေ ရှိရင် အမြန်ဆုံး အကြောင်းကြားပေးကြဖို့ အကူအညီတောင်း ရှာဖွေနေကြပါတယ်။ ကာယကံရှင် တကယ်တမ်း ဘယ်လို စိ-တ်ဖိ-စီးမှုတွေ၊ ဘယ်လို ငွေကြေးအခက်အခဲတွေနဲ့ ရင်ဆိုင်နေရလဲဆိုတာကို တိတိကျကျ မသိရသေးပေမယ့် ဒီပုံရိပ်လေးတွေက မြင်ရသူတိုင်းရဲ့ ရင်ကို လှုပ်ခတ်သွားစေခဲ့ပါပြီ။
ဒီသတင်းအောက်မှာ ဝင်ရောက် မှတ်ချက်ပေးကြတဲ့ ကွန်းမန့်တွေကို ဖတ်ကြည့်ရင်နဲ့တင် ဒီလီသမားတွေရဲ့ နေ့စဉ်ဘဝ အမောတွေကို ပိုပြီး ကိုယ်ချင်းစာမိပါတယ်။ ကွန်းမန့်တွေထဲမှာ "ဆိုင်ကယ်ဒီလီသမားတွေရဲ့ ဘဝက တနေ့ကို အလွန်ဆုံး ဘတ် ၅၀၀၊ ၆၀၀ လောက်ပဲ ရတာပါ၊ ဆီဖိုး၊ စားစရိတ်တွေ နုတ်လိုက်ရင် ဘာမှ မကျန်ပါဘူး။ ဘယ်လောက်တောင် ခက်ခဲနေခဲ့လို့ အခုလို ဆုံးဖြတ်သွားတာလဲ" ဆိုပြီး ဝိုင်းဝန်း စိတ်မကောင်း ဖြစ်နေကြပါတယ်။ တခြားသော ဘဝတူ ဒီလီသမားတွေကလည်း အချင်းချင်း ကိုယ်ချင်းစာစိတ်နဲ့ ခွန်အားပေးစကားတွေ ပြောဆိုရင်း အသ-က်ရှင်လျက် ပြန်လည် ဆုံတွေ့ပါစေလို့ ဆုတောင်းပေးနေကြတာကို တွေ့ရပါတယ်။
တနေ့လုပ်မှ တနေ့စားရတဲ့ ဘဝခရီးလမ်းမှာ ရုန်းကန်နေရတဲ့ ဒီလီသမားတွေအတွက် ဒီလိုသတင်းမျိုး ကြားရတာဟာ ရင်နာစရာ ကောင်းလှပါတယ်။ ဘဝရဲ့ ခက်ခဲမှုတွေကို ကျော်ဖြတ်နိုင်ဖို့ ရုန်းကန်နေရချိန်မှာ ကိုယ်ချင်းစာတရားတွေနဲ့ အပြန်အလှန် ဖေးမကြဖို့နဲ့ အားလုံးရဲ့ ဘဝတွေ အခက်အခဲကင်းကြပါစေလို့ ဆုတောင်းရင်း...
#
#ထိုင်းသတင်း
