23/04/2026
پریس ریلیز
مورخہ: اپریل 2026
*صوابی۔تھانہ اتلہ پولیس کی فوری کارروائی، اجرتی قاتل و بھتہ خوری میں ملوث ملزم فائرنگ کے تبادلے کے بعد زخمی حالت میں گرفتار، اسلحہ برآمد*
تفصیلات کے مطابق ضلع صوابی میں جرائم پیشہ عناصر کے خلاف جاری کارروائیوں کے دوران ڈی ایس پی سرکل ٹوپی شکیل خان کی قیادت میں ایس ایچ او تھانہ اتلہ منصف خان بمعہ پولیس ٹیم نے دورانِ گشت ایک مشکوک شخص کو رکنے کا اشارہ دیا۔
رکنے کی آواز دینے پر ملزم نے پولیس پارٹی پر اچانک فائرنگ شروع کردی، جس پر پولیس نے پیشہ ورانہ حکمت عملی کے تحت جوابی کارروائی کی۔ فائرنگ کے تبادلے کے دوران ملزم زخمی ہوگیا جسے فوری طور پر قابو کرکے گرفتار کرلیا گیا۔
*گرفتار ملزم کی شناخت جاوید شاہ ولد بخت جمال ساکن گبھاسنی اتلہ کے نام* سے ہوئی ہے۔ ابتدائی معلومات کے مطابق ملزم ایک اجرتی قاتل اور بھتہ خور ہے جس نے علاقہ عوام کا جینا دوبھر کر رکھا تھا۔
جنکے خلاف تھانہ ٹوپی اور ضلع بونیر تھانہ طوطالئی میں قتل،اقدام قتل،بھتہ خوری و دیگر سنگین مقدمات درج رجسٹرڈ ہیں۔
ملزم کے قبضہ سے ایک عدد پستول (آلہ فائر) بھی برآمد کرلیا گیا۔ زخمی ملزم کو فوری طبی امداد کیلئے ہسپتال منتقل کردیا گیا جبکہ اس کے خلاف مقدمہ درج کرکے مزید تفتیش جاری ہے
*ڈی پی او صوابی وقاص رفیق* نے پولیس ٹیم کو شاباسی دیتے ہوئے کہا کہ جرائم پیشہ عناصر، اجرتی قاتلوں، بھتہ خوروں اور سماج دشمن افراد کے خلاف بلاامتیاز کارروائیاں جاری رہیں گی اور کسی کو بھی علاقے کے امن کو خراب کرنے کی اجازت نہیں دی جائے گی۔ پولیس جدید حکمت عملی، مؤثر گشت، انٹیلی جنس بیسڈ آپریشنز اور عوامی تعاون کے ذریعے جرائم کی بیخ کنی کیلئے عملی اقدامات اٹھا رہی ہے۔
*ڈی پی او صوابی* نے مزید کہا کہ صوابی پولیس کا وژن ایک ایسا معاشرہ تشکیل دینا ہے جہاں ہر شہری خود کو محفوظ محسوس کرے، کاروباری سرگرمیاں بلا خوف جاری رہیں اور عوام و پولیس کے درمیان اعتماد مضبوط ہو۔
* #ترجمان ضلعی پولیس صوابی*
