30/08/2026
کالام کی بلند و بالا چوٹی فلیکسر پر دو ماہ قبل جان بحق ہونے والے نوجوان کی میت کی بازیابی کے لیے ایک بار پھر اہم ریسکیو مشن شروع کرنے کی تیاریاں مکمل کر لی گئی ہیں۔
ذرائع کے مطابق، گزشتہ دو ماہ کے دوران سخت موسم، دشوار گزار راستوں اور بلند پہاڑی علاقے کی وجہ سے متعدد کوششوں کے باوجود میت کو واپس لانا ممکن نہ ہو سکا۔ تاہم اب ڈاکٹر امجد کی خصوصی کوششوں اور پاک آرمی کے تعاون سے ہیلی کاپٹر ریسکیو مشن شروع کیا جا رہا ہے۔
اس اہم اور مشکل مشن میں علاقے کے بہادر اور تجربہ کار نوجوان احمد زیب بھی اپنی خدمات سرانجام دیں گے اور ریسکیو ٹیم کے ساتھ مل کر مشن کو کامیاب بنانے میں کردار ادا کریں گے۔
اہلِ علاقہ نے امید ظاہر کی ہے کہ ڈاکٹر امجد، پاک آرمی اور مقامی رضاکاروں کی مشترکہ کوششیں اس بار ضرور رنگ لائیں گی اور طویل عرصے سے منتظر اہلِ خانہ کو اپنے پیارے کی میت واپس مل سکے گی۔
